กำลังแสดงผล 1 ถึง 10 จากทั้งหมด 10

หนาวดอกงิ้ว

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    คำถาม และรอคำตอบ หนาวดอกงิ้ว

    ลมเอ้ยลมพานไม้ บุปผาก้านก่อง
    ลมแล้งพัดยอดพร้าว ใบปลิ้นปั่นปลิว
    ดอกงิ้วบานน้ำตาลย้อย ภูมรินดอมดูด
    สาลิกา นกเอี้ยง แซวฮ้องส่วนสน
    หนาวมาโดนจนเลยผ้าย ปลายเดือนสามเข้าเดือนสี่
    ไผบ่มีคู่ซ้อน ได้นอนโอ้อ่าวกระสันต์
    เทิงอายคนกะพ่องนั้น พวกหมู่เขามาแซว
    ยามใด๋น้อ สิได้เห็นงานดอง คือหมู่เขา น้ออ้าย.....
    หล่าเอ้ย อย่าถามหลาย อยากอายเว้า แนวหน้าลาว(เฒ่ายาวนำแหน่ อิอิ)ผุฮ้ายใหญ่
    ไผเด้น้อ สิอยากมาอยู่ซ้อน อยากนอนลี้อยู่ฮู พุ้นแหล่ว
    อยากมาเว้าเบิ่งซู้ สาวผุอยู่เฮือนมหา นี้น้า
    คันเป็นตาสิลงทุน บาดห่ามีกำไรบ้าง
    คันเพิ่นหมางเมินหน้า สิไปจาหาหม่องใหม่ ดอกเด้อ
    ไผเด้นอ บ่ทันมีคู่ซ้อน ให้ลองเว้าเบิ่งกะดู้....ผุสาวเอ้ย

    :l-:l-:l-

  2. #2
    หึยยยย หนาวดอกงิ้ว พะนะว่า..อิอิ


    หันมาเห็นดอกงิ้ว บานเป็นทิวแดงจ่ายว๋าย
    มางึดหลายคักแท้ ได้แลจ้องพ่องฉงน
    ภุมรินทร์บินซ้น หม่นดมดวงดอก
    ไซซอนซอกกลีบเกสร แซะซอนซมชื่น
    บ้างพ่องบืนเล็มลิ้น เทียวบินย้ายย่าง
    ดอกนั้นบ้างนี้บ้าง ต่างช่อจ่อจี
    ผัดมามีคนอยากได้ ปีนป่ายไปเอา
    หน้าลาวและเฒ่ายาว มือซาวซมคั้ว
    ซ่างบ่กลัวบ่ย่าน หนามผ่านผิวกาย
    ปีนจนว่าฮอดปลาย งึดหลายคักแท้
    ได้แต่แลเบิ่งคะเจ้า ใจเอาคักแน่
    ความอยากได้มีบ่แพ้ แต่ว่าข่อยหากย่านหนาม....


    เอามาเผื่อแน่เด้อเพื่อน ผู้ปีนต้นงิ้วเก่ง 55555
    แก้ไขครั้งสุดท้ายโดย พลายแก้ว; 23-01-2011 at 17:24.

  3. #3
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,167
    บล็อก
    11
    ... คึดฮอดเด้ยามข้อยเป็นเด็กน้อย
    ข้อยจอบหลอยเก็บเอาหมากงิ้วแห้ง
    บ่ได้แจ้งอิพ่อข้อยนี้หลอยเอาไปแลกยาง
    ย่างนำทางโอ้ยจั่งแม่นข้อยนี้เท่หลาย

    หาเป่ายางตุ้ดเล่นส่งขาดกะบ่อาย
    สองแขนส่ายล่ายมีแต่ยางถ้าโชคดี
    มื้อใด๋โชคฮ้ายเล่นไปหมดทุกเส้น
    ข้อยกะจำเป็นไปหลอยหมากงิ้วอิพ่อ...อีกซั่นแล่ว...

    .... ผญาม่วนดีครับ ขอแจมจักหน่อยเด้อครับ....

  4. #4
    เห็นแต่พวงดอกงิ้ว
    ลมปลิวอยู่วี่หวี่
    อยากสิมีคู่ซ้อน
    มานอนฮ่วมก่วมกาย
    ชายใด๋เด้อยากได้
    ผ้าแพรไหมแกมฝ้ายหมี่
    ไว้ห่มหนาวปีนี้
    มาทางพี้พี่ผุงาม
    บ่าวก๋าคามสนใจบ้อ
    บ่าว wundee สนใจบ่
    บ่าวหน้าลาวนางสนใจอยากพ้อ
    พอสิได้ใส่บ่น้อ................
    .........อิอิ มาร่วมม่วนนำเด้อจร้าๆๆๆๆๆๆๆๆๆ

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    งิ้วบานหวานน้ำเลี้ยง เอี้ยงกามาตุ้มต่อม
    หวานแกมหอม ฝูงเผิ่งมิ้มชิมหวานจ้วยหลั่งโฮม
    หวานคารมผู้สาวเว้า หวานบ่อดนผัดจางจืด
    หวานแต่แรกเริ่ม บัดนานมื้อผัดเหล่าขม

  6. #6
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197
    ความรักเกิดขึ้นในหัวใจ
    ไม่ว่าสิ่งใดก็ไม่อาจขวางทาง
    เหมือนกระแสน้ำเชี่ยวกร่าง
    จะหาทางหยุดกระแสไม่ได้เลบ


    ความรักเอยจะเศร้าแค่ไหน
    หัวใจไม่อาจหยุดยั้งยากเฉลย
    รักเราไม่หวานเช่นคนเคย
    ร้าวใจเผยไม่บานเบ่งในหัวใจ

  7. #7
    งิ้วต่องต้อน......สาวนอนหนาว...เศร้าเนื้ออ่อน
    ดอกงิ้วบานต่องต้อน..........ขาดคนซ้อนต่อนพะทัย
    สีงิ้วแดงแซงหง่าไม้...........หนาวหัวใจสาวเนื้ออุ่น
    ลมมาหมุนปั่นงิ้ว................หัวใจติ้วปั่นละเว
    คึดฮอดเด้........................คึดฮอดคนเคยเว้า
    วาจากับคิ้วก่อง
    ลมพัดตองยอดงิ้ว
    ใจสิฮิ่วฮ่ำคะนิง.........
    . อิอิ

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    [LEFT]
    งิ้วเอ้ยงิ้ว ต่องต้อน แขวนอยู่เทิงปลาย
    หนุ่มหน้าลาวไปบาย ผั่นปั่นปลิวไปจ้อย
    วาสนาของข่อย หน้าลาวพลอยขาดคู่
    สาวผุอยู่ทางไกล แนวหัวใจบักงิ้ว บ่หนักแน่นแก่นสาร น้อ
    ใจของนางคราญหล่า ซ่างมาเบาปานหมากนุ่น แท้น้อ
    ป๋าให้อ้ายนี่วุ่น หนีไปซ้อนผุอื่นเขา น้อหล่าเอ้ย

    :l-:l-:l-[/
    LEFT]

  9. #9
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    แขวนเทิงต้นเป็นบักงิ้ว ปลิวลงมาเป็นบักนุ่น
    ยัดปุ้มๆ วางไว้ว่าหมอน ออนซอนสาวงามหล่า
    โสภายามเจ้าแต่ง แก้มแป่งแส่งบัดห่างตาบักอ้าย
    ย้านสาวเจ้าสิเปลี่ยนไป ......เดน้อ

  10. #10
    ย่านเด้..ย่านหัวใจของเจ้า สิเบาบางจั่งบักนุ่น
    ลมลิ้นซูนโสตน้อง สิลอยล่องปั่นปลิว
    งิ้วเอ้ย..เจ้าผู้ดวงดอกงิ้ว คิ้วก่องงามขำ
    หลงน้ำคำสิลืมคน ถิ่มอ้ายจนใจฮ้าง
    ย่านรักจางนางเจ้ย ลิ่วระเหยคือเหมยหมอก
    ฮำฮดดอกซุ่มเลิง บ่ดนเหิงผัดจางจ้อย
    ถิ่มคนคอยคองถ่า วาสนาได้แค่หล่ำ
    ยามสายลมโหมกระหน่ำ แหงนคอตามบักนุ่นน้อย ลอยละลิ่วปลิวผ่านไป...