กำลังแสดงผล 1 ถึง 2 จากทั้งหมด 2

หัวข้อ: ลำนำรำพัน-สาวลำปาว...บ่าวลำมูล

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    ลำนำรำพัน-สาวลำปาว...บ่าวลำมูล

    ก้ำฝ่ายผุ้นจู่นผู่นลำปาว สาวภูลาวภูไทใสซื่อ
    บ่ขี่ดื้อตั๋วล่อผ่อซาย(ผู้ชาย) ต่ำหูกฝ้ายแพรไหมมัดหมี่
    มีดนตรีโปงลางฟังหม่วน สุขจริงล้วนทำสวนนาไฮ่
    จนยากไฮ้ยังหุ่มฮักหอม ดอกกะยอมในดงพงศ์ป่า
    สายธาราลำปาวยาวเยิ่น สูงเจิ้นเทิ่นภูพานนานกู่
    ปู๋แต่ปู้ปางนั่นต่อมา บุญนำพาฮักกันหมั่นแก่น
    ขงเขตแคว้นเสียงแคนยังเป่า ถิ่นลำเนาป่าเขาดงห่วย(ห้วย)
    งามซ่วยล่วยสวยแย้มแจ่มใส สาวชาวไพรมีใจหนักแหน่น
    ขอเป็นแฟนเกี่ยวแขนเกี่ยวก้อย สิมาส่อยเฮ็ดไฮ่ไถนา
    หากินปลาป่นกบอ่อมเขียด บ่ขี้เดียดบ้านป่าขาดอน
    แสนออนซอนเดือนสามเดือนสี่ บุญข้าวจี่ผะเวสสันดร
    แห่กัณฑ์หลอนรับพรพระเจ้า สมเผิ่นเว้าดินดำน้ำซุ่ม
    ปลากุ่มบ้อนคือแข่แก่งหาง สาวคำนางหย่างสวยนวยนาด
    สุดสวาสดิ์ช้างป่าในไพร งามน้ำใจแพรไหมสิ่นหมี่
    ก้ำฝ่ายพี้กายก่ำลำมูล อยากมาคูณลำปาว เป็นข่าวดังทางไซเบอร์
    ขอเสนอเด้อน้อง อยากเป็นทองฮ่วมแผ่น อยากเป็นแฟนฮ่วมบ้าน
    อยากเป็นหว่านฮ่วมสวน คั่นดอกรักบ่หักม้วน ดอกลำดวนจากบ้านท่ง
    ดอกกะยอมในดง คงสิหอมอูดเอ้า คัวเคล้าดอกสะแบง
    ดอกมันปลายามหน้าแล้ง น้ำส่างแส่งที่เคยตัก ถิ่นเคยฮักนวลลำปาว
    บ่าวลำมูลสิพูลเพิ่ม ขอมาเติมคำหมั่น สานสัมพันธ์ไว้สาก่อน
    เบิ๋ดลมหนาวเข้าสู่ฮ้อน จั่งสิย้อนมาแอ่วนำ จำอ้ายแหน่ศรีแพรเอ้ยยยยยยยยย....
    ลำนำรำพัน-สาวลำปาว...บ่าวลำมูล:,1-ลำนำรำพัน-สาวลำปาว...บ่าวลำมูล
    แก้ไขครั้งสุดท้ายโดย pcalibration; 23-06-2012 at 10:59.

  2. #2
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    มวนหลายเนาะจ้าหลานบ่าวพีจ๋า เป็นตาอยากลำเนาะจ้าอิอิอิอิ สุดยอดเลยมวนคักๆฮิ้วววววววววววววววววววววว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •