หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หมูแดดเดียว...แบบไกลบ้าน

  1. #1

    หมูแดดเดียว...แบบไกลบ้าน


    กระทู้นี่ติ๋มเคยตั้งไว้ช่วงที่ฐานข้อมูลเสียหาย...กู้คืนบ่ได้กะเลยตั้งใหม่เนาะจ้า
    เป็นเมนูที่ลูกสาวขะน้อยเองมาลีน่าหละมักกินหลาย...ซี้นหลอดตากแห้งทอดคือยายเมืองไทยเฮ็ดสู่กิน
    เฮ็ดจังใด๋ดี อากาศหนาวติดลบ หิมะกะตก...อยากตกกะตกโลด กระทู้นี่บ่จ่มหลายแล้วหละ...คร้านจ่ม...:l-

    หมูแดดเดียว...แบบไกลบ้าน

    เครื่องปรุง
    หมูสันนอกหั่นเป็นเส้นประมาณ8ขีด...
    เกลือ+น้ำมันหอย+ซีอิ๊วขาว+ผงปรุงรส+น้ำตาล+งา อย่างละนิดละหน่อย สำหรับปรุงรส
    เม็ดผักชีคั่วตำพอแหลก+กระเทียม+พริกไทยตำรวมกัน
    เอาทุกอย่างใส่ในอ่างหมัก คลุกเคล้าให้เข้ากัน...หมักข้ามคืนใส่ตู้เย็นไว้กะได้จ้า
    ติ๋มหมักประมาณ3-4ชั่วโมงหนี่หละ...นำมาเรียงใส่ตะแกรงที่รองด้วยถาดและกระดาษไข

    หมูแดดเดียว...แบบไกลบ้าน

    จากนั่นกะนำเข้าเตาอบ เปิดไฟบน+ล่างระบบพัดลม50องศาC
    อบจนเนื้อแห้งหละจ้า...ติ๋มใช้เวลาประมาณ3ชั่วโมง...เนื้อกะแห้งแล้วหละ

    หมูแดดเดียว...แบบไกลบ้าน

    นำไปทอดให้สุกเหลือง เนื้อแห้งใช้เวลาทอดบ่โดน ยืนเฝ้าเด้อ ไหม้มาหละบ่ได้กินเด๋...อิอิ

    หมูแดดเดียว...แบบไกลบ้าน

    นึ่งข้าวเหนียวถ่าพร้อม1กระติ๊บ...ทอดเนื้อสุกแล้วกะจัดการตำหมากหุ่งตักใส่จาน

    หมูแดดเดียว...แบบไกลบ้าน

    แล้วกะพากันจกข้าวใส่จาน ตักส้มตำใส่ หยิบหมูทอดจัก5-6ชิ้น...ป๊ะเข้ามุมบาดทีหนี่
    บ่ค่อยได้นั่งกินข้าวนำกันจักเทือ...เฝ้าหน้าจอจ้า คอมฯบ่ซั่นกะทีวี...ตามประสา...อิอิอิ
    นี่เป็นวิธีหรือทางออกสำหรับพี่น้องไทยต่างประเทศเนาะจ้า...ที่บ่ค่อยเห็นแดดเห็นตะเว็น
    ทอดหมูแห้งๆ น้ำมันจังบ่กระเด็นกระดอนทั่วครัวเนาะจ้า...


  2. #2
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    ทอดออกมาฮ้อนๆ กินกับตำถั่ว แซบคักเด้อเพื่อนติ๋มเอ้ย

    หน้าตาน่ากินครับ ข้าวเหนียวฮ้อนๆ เผ็ดกะเผ็ด แซบกะแซบ ฮ่าๆ

  3. #3
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    3,025
    น่ากินจ้า
    กินไปน้ำหนักขึ้นพรวดๆเลยจ้า
    แต่กะมักคือเก่าจ้า

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    กลับมาแล้วหมูตากพัดลมแมะ ฮ่าๆๆ ฮิ้วว พี่ติ่มมาเด้อ บาดนิหมุกลับมาแล้วจ้า พร้อมกับตำหมากหุ่งเด็กน้อยบ่ใส่พริก อิอิ

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    อิหยังกะเป็นตาแซบเหมิดล่ะว่าแต่ติ๋มเฮ้ด หึยย โควต้าแต้งกิ้วเหมิดแม่ะ ..ฮ่าๆๆ

  6. #6
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    หน้าตาน่ากินเนาะค่ะ ตากแบบหนิกะดีค่ะ บ่มีแมงมาตอม อิอิ
    พอดีกำลังอยากเฮ็ดกินเลยค่ะ ขอบคุณเอื้อยติ๋มหลายๆเด้อค่ะ สำหรับสูตรหมูแดดเดียว(หมูแห้งไกลบ้าน)

  7. #7
    แบ่งปันความรู้และประสบการณ์ สัญลักษณ์ของ บ่าวต้นฅนมุกดาหาร
    วันที่สมัคร
    Sep 2008
    ที่อยู่
    ..."มุกดาหาร"...
    กระทู้
    794
    หิวข้าวแล้วบาดนิ....แต่ก่อนอื่นขอหล่อยเอาจักต่อนก่อน 55

  8. #8
    ขอข้าวจักปั้นกับหหมูจักต่อนกะพอจ้าพี่ติ๋ม อิ่มแล้วสิพาน้องไปเล่นเดิ่น(ลาน)วัดดอกจ้า
    ขอบคุณจ้าสำหรับสูตร ยากนำตะแดดนี้ละจ้ากว่าสิได้กินกะดาย
    แถมได้เฮ็ดมุ้งลวดมาครอบไว้พุ้นเด้จ้าทางพี้ บ้านติดฟาร์มวัวน้อจ้า
    แมงวันมีตะโตใหย่ๆจ้า บาดนี้ละมันสิอดเพราะสูตรพี่ติ๋มนี้ละจ้า:l-
    แก้ไขครั้งสุดท้ายโดย สาวทองแพง; 23-02-2011 at 01:35.

  9. #9
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    เฮ้ออ เห็นแล่วกะอยากกินหมูทอด ตำหมากหุ่ง มื้ออื่นซงสิได้แวะตลาดก่อนอีกแระ

    น้องสาวเจ้าอ้วนเป็นหมูแล้วเด้เอื้อย :,1-

    ย้อนกะทู้อาหาร บ้านมหานิละ

  10. #10
    อ้ายดุลย์ว่าเห็นหมูแดดเดียวติ๋มเป็นกบ...ติ๋มหละคึดว่าโอ้ยยย งานนี่ได้นำแก้ไขจนฝันร้ายอีกสาน้อ....
    ติ๋มบ่เห็นกบจักโตใด๋อ้ายดุลย์....กะหมูแดดเดียวตั๊วหนี่...หึ๋ยยยย...โพดจะแม่นเพิ่นเห็นแนวนั่นแนวนี่ดีดอก...

    แม่นแล้วจ้าน้องแพง...รับรองสะอาด..แมลงทั้งหลายอดบ่ได้ตอมแท้ๆวิธีนี่...อีกอย่างค่าไฟกะบ่แพง5-6บาทไทยแต่สะดวกสบายคักอิหลี...
    คั่นอยากให้แห้งกว่านี่กะอบจัก4ชั่วโมงเด้อจ้า...แซบๆโดนๆกินเทือ...ย่อนลูกสาวจ่มอยากดอกจังเฮ็ด


Tags for this Thread