กำลังแสดงผล 1 ถึง 4 จากทั้งหมด 4

หัวข้อ: คนไทอยู่ไส

  1. #1
    ศึกษาหาความรู้ สัญลักษณ์ของ แก้วแก่นหล่า
    วันที่สมัคร
    Aug 2008
    กระทู้
    13

    คนไทอยู่ไส

    ตู๋ต่งหล่ง หลงทางเทียวท่อง ไทเอย
    ถามหาซุมพี่น้อง แซงเซื้อกะบ่เห็น สาแหล่ว
    เพิ่นว่าไปหลงเต้น ฮอนฮ่ำนำเกาหลี
    ถิ่มประเพณีไท ล่ายลืมเมืองบ้าน
    ทำทรงเอ้ แปงกายให้ค้ายเพิ่น
    บ่ว่าผม ว่าหน้า จนเสียเค้าค่าไท
    พวกดารากะได้ ตกแต่งแปงโต
    หาแต่ซุมคือเกาหลี ว่าผู้ดีหลายล้น
    ไปไสคนไทแท้ หาบ่เห็นยากยิ่ง
    นางสาวไทบ่จริง เหลียวเบิ่งฮูปฮ่างหน้า
    บ่คือเค้าว่าไท ตกสมัยเมืองบ้าน
    ไทฮ่ำแต่นำเขา ไปหลงมัวเมาคิด
    เอาเขามาย้อง ว่ากะหมองไทมู้ ซูซีบ่เข้าท่า
    หาแต่ต่างเทศทีป มาไซ้ซ่อยแฮง
    จักหน่อยนี้ สิได้เล่าถามหา
    ประชาไทอยู่ไส สิ่งใดหมายซี้
    ประเพณีเมืองบ้าน สูญเภพังหมุ่น ไปแล้ว
    สังคมไทหากสิวุ้น มาฟ้าวหลิ่งล่ำแยง แน่ถ้อน

    ขออภัยหลงหม่องส่งครับ คาแต่ไปอ่านผลงานอาจารย์ศรี

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    บังเอิญอ่านพ้อครับ ขออนุญาตใช้บ้านหน้าลาวแสดงความคิดเห็นครับ
    ...เพิ่นว่าคันวัฒนธรรมเฮาอ่อนแอและสูญหายกะสิบ่มีชาติไทยต่อไปครับ...[
    :,1-:,1-:,1-

  3. #3
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    579
    ภาษาสวยงามครับ เนื้อหาถืกใจหลาย จั่งซี่ละครับ ไท...หลงทีป
    c06: ฮักบ้านมหาคักกะยังว่า

  4. #4
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    แอบอิงปลื้ม"จังกึมแด"เกี่ยว
    ปลายต้นเสี่ยวมูลพ่อบ่เติม
    เทียวเห่อเหิมถิ่มเดิมลืมซาต
    ลืมผ้าขาดหูกต่ำมือทอ
    โอละนอลืมลำคำเก่า
    พากันเว้าฟุตฟิตฟอร์ไฟ
    เทิงคำไทปนคำฝาหรั่ง
    (มาแจมเด้อครับแหม่นควม)
    :l-:,1-:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •