กำลังแสดงผล 1 ถึง 7 จากทั้งหมด 7

ให้อ้ายมัก..สาเนาะหล่า..

  1. #1

    ให้อ้ายมัก..สาเนาะหล่า..

    อันว่า.ดวงดอกไม้ สิบานดายแล้งเปล่า เป็นฤๅ
    หมู่ภมรเหมิดลุ่มฟ้า มาหมายเมี้ยนกระดูกดอม
    ได้แต่ซอมพร้อมอ่าวโอ้ เหลือใจโตคนต้อยต่ำ
    ชาติว่าน้ำบวกน้อย ปูหอยกุ้งบ่อยากเหลียว
    แม่นสิเทียวหมั่นเว้า เขาสิฮับคำจา บ่เด
    ปรารถนามาหมายมัก หวังฮักเฮียงเคียงคู่
    เพิ่นสิหลูโตนอ้าย ก่ายสะพานมาให้ผ่าน
    หรือแผนการณ์สิซุกล้ม จมลงน้ำให้แข้กิน บุนิ
    หรือสิล่อให้ดั่นดิ้น แล้วเภท์ภินท์พังพาบ
    บอกให้ทราบแน่เด้อหล่า พอจาแจ้งแก่กะใจ
    สิได้เกียมใจไว้ หากมื้อได๋เจ้าป๋าปล่อย
    แม้เพียงหน่อยบ่โทษเจ้า ย่อนอ้ายเข้ามามักเอง
    เจ้าสิเต็งเจ้าสิคั้น เจ้าสิฟันเจ้าสิผ่า
    ตีหรือฆ่ากะส่างน้อง บ่เรียกร้องเอารักคืน
    ย่อนว่าฝืนใจบ่ได้ ข่มหัวใจไว้บ่อยู่
    ตั้งแต่กี้ฮักท่อภู สุมื้อนี้ฮักท่อฟ้า พอปานบ้าบ่ปิ่นปัว...แล้วล่ะนาง..


    :l-:l-:l-

  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ระวังเด้อ...เจ้าสิตกหว่างฮ้ายคันใจง่ายบ่ตรึกตรอง
    อย่าหลงคลองอารมณ์สิจุ่มจมหลงพื้น
    ลองให้ฝืนใจไว้ ลองพิจารณ์ให้ถ้วนถี่ ก่อนเด้อ
    เจ้าคิดดีแล้วตี้ น้องบีหล่าเจ้าอย่าหลง เด้อ
    อ้ายเคยซงมงเก้อ ย้อนละเมอนำรมณ์ป่วง
    กลายเป็นบ่วงสอดคล้อง คออ้ายถอดบ่คลาย...ซั่นดอกบีเอ้ย
    ......ระวังแหน่เด้อหล่าผุญิงน่ากลัวสุด ๆ คือกัน.....(อ้ายยาวฝากมาเด้อเสี่ยว)

  3. #3
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    เป็นผุจั่งได๋น้อ..นงค์นางหล่า
    ที่บ่าวก๋า..หวังเกี้ยวก่าย
    ผุงามหลาย..แถะเบาะอ้าย
    จั่งหมายซ้น..หม่อมพะนาง
    ขอให้ตริตรองบ้าง..ฟังผุใหญ่เผิ่นมาเตื่อน
    อย่าแชเชือนใจเบา..หลงมักสาวจนมืดบอด
    มักนางหลาย..จนหลงหยอดว่า"ให้อ้ายมัก..สาเนาะหล่า"พะนะ


  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    อ้ายเอย มักน่ะมักได้ แต่ใจนางเต็มจ่อหล่อ
    บ่อว่างพอให้อ้ายซ้น นอนหม่นหว่างใจ
    ขอขอบใจความฮักอ้าย ความฮู้สึกดีที่มีต่อ
    น้องอยากขอเตือนบอกอ้าย นางบ่อว่างตั่วล่ะชาย
    ผ่านกายไปเถาะอ้าย ไปหาสาวคนใหม่
    มันเป็นไปบ่อได้ ย้อนทางน้องเป็นกระเทย.......อิ อิ อิ

  5. #5
    หนุ่มหน้าลาว...เพื่อนรัก ฝากบอกอ้ายยาวนำแน่เด้อ..
    ย่อนว่ามักคักแล้ว บ่มีแนวสิกั้นหว่าง
    เจ็บกะส่าง ปวดกะส่าง ผิดหวังกะซ่าง อกหักกะส่าง
    ย่อนฮักนางเหมิดใจแล้ว สิกินแห้วกะส่างตาม...
    กะ
    ยังว่ามักเนาะ คน หึยยย..

    จำปา..ถามผุได๋กะบ่ได้ ผู้ใหญ่ห้ามใจบ่ฟัง
    ไผ๋เว้าหยังกะบ่สน เพราะมักจนล้นใจแล้ว
    เว้นแต่นางน้องแก้ว สาวจำปามาเว้าอ่อย
    จั่งสิถอยจากทางพุ้น หันมาลุ้นฝ่ายเฮา..
    ฮ่าๆๆๆๆ
    เว้าม่วนไปสั่นล่ะครับ ขอบคุณที่มาแจมขอรับ อิอิ

    ทิดจ่อย..คันว่าน้องเป็นแนวนั้น บ่สำคัญดอกอ้ายว่า
    ขอแค่มาฮักหมั่น ทุกวันมื้อบ่เปลี่ยนแปลง
    ให้ตัดแต่งแปลงให้แล้ว เฮ็ดสุแนวให้แล้วก่อน
    คันพอตอนกะตอน แล้วสาก่อนจั่งมาพี้ ทางพี่กะบ่ขีน...ฮ่าๆๆๆๆๆ
    อ้ายทิดฯ..ส่างมาพาน้องเป็นไปทั่วแทะ อิอิ

  6. #6
    แบ่งปันความรู้และประสบการณ์ สัญลักษณ์ของ aobab1980
    วันที่สมัคร
    Oct 2008
    กระทู้
    117
    มาให้กำลังใจซือๆ เว่านำบ่เป็นดอกอ้าย มาลักอ่าน :l- :l-

  7. #7
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,264
    บล็อก
    3
    ให้น้องมักสาอ้าย อ้ายย 555 ม่วนจ้าผญาเพิ่น