สวัสดีพี่น้องบ้านมหาจ้า เกือบเคิ่งปีแล้วเนาะ ที่บ่เห็นอ้ายพี หนุ่มเหงาคนไกลบ้าน มาปรากฎโตในบอร์ดบ้านมหาของเฮา
ย้อนว่าก่อนหน้าที่อ้ายเพิ่นสิเดินทางกลับมาเมืองไทยช่วงประมาณเดือนกันยายน-ตุลาคม 2553 กะมีเหตุขัดข้องที่เฮ็ดให้
อ้ายเพิ่นบ่สามารถล็อกอินเข้าบ้านมหาได้ ประกอบกับยุ่งๆ เตรียมโตสิเดินทางกลับมาบ้าน การติดต่อกะเลยบ่ต่อเนื่องจ้า
ต่อมากะได้ยินข่าวว่าหลังออกพรรษา อ้ายเพิ่นกะได้เข้าสู่ประตูวิวาห์ไปแล้วจ้า พี่นางกะคนบ้านเดียวกันหั่นล่ะ อิอิ
แล้วข่าวคราวอ้ายกะเงียบหายไปเลย ล่าสุดขามป้อมได้ยินข่าวอ้ายเพิ่นจากดีเจนู๋น้อย ว่าอ้ายเลาลงมาทำมาหากินอยู่ทางสุราษฎร์ธานี
กะพอดีกับที่ขามป้อมลาหยุด 3 มื้อขึ้นฝั่งไปพักผ่อนพอดี ตัดสินใจได้ตอนอยู่เทิงเรือว่าโทรหาอ้ายเพิ่นกะน๊า
ถ้าบ่ไกลหลาย กะสิไปยามอ้ายกับพี่นางก่อน
ออกจากท่าเรือดอนสัก มุ่งหน้าไปทาง อ.นาสาร-อ.เวียงสระ ขับตรงไปอย่างเดียว บ่เลี้ยวไส อิอิ
เอ่ พ่อค้าขายโรตีนี่คุ้นๆ เนาะจ้าพี่น้อง ขามป้อมกะบ่เคยพ้ออ้ายเลาจักเทื่อดอกจ้า เห็นกันตะในรูป
เป้าหมายเห็นเฮาแล้ว 55555 ลูกค้ากะมาเรื่อยๆ จ้า
[/CENTER]
อ้ายเพิ่นฝากความคิดฮอดมาหาพี่น้องบ้านมหาซู่คนนำเด้อจ้า จอบเข้ามาเรื่อยอยู่ แต่กะล็อกอินเข้าบ้านเจ้าของบ่ได้
แต่ตอนนี้ได้ฝากเรื่องให้อ้ายบ่าวคนเดิมแล้วจ้า อ้ายบอกว่า สิ้นเดือนมีนาคมนี้ กะสิคืนไปร้อยเอ็ดแล้วจ้า เพราะว่า
ตอนนี้พี่นางท้องได้ 3 เดือนแล้ว ผู้เฒ่าบ่อยากให้อยู่ไกลจ้า
ปิดท้ายกับรูปอ้ายกับน้อง ซ่อยกันขายโรตีจ้า อิอิ จบการรายงานข่าวก้อมแล้ว ขามป้อมกะออกเดินทางต่อไปยังจังหวัด นครศรีธรรมราชจ้า
[img]http://image.free.in.th/z/iu/bka22.jpg/img]
บรรยากาศของนครฯ ยามแลงๆ กับภาพ วัดพระมหาธาตุวรมหาวิหารจ้า
มื้ออื่นเช้าขามป้อมสิพาพี่น้องบ้านมหามาไหว้องค์พระธาตุนำกันจ้า
ขอบคุณพี่น้องทุกท่าน ขอบคุณพื้นที่โพสกระทู้จากบ้านมหาดอทคอมจ้า
Bookmarks