กำลังแสดงผล 1 ถึง 7 จากทั้งหมด 7

หัวข้อ: ธรณีพิโรธ...ส่งใจไปเจแปน...

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ธรณีพิโรธ...ส่งใจไปเจแปน...

    ได้ฟังข่าวเขาประกาศ ภัยพิบัติทางทะเล
    เป็นห่วงเด้ทางเจแปน แดนอาทิตย์อุทัยพุ้น
    น้ำนองหนุนดันยู้ คลื่นปานภูขึ้นริมฝั่ง
    เข้าโถมทั่งพังภาคพื้น เป็นเกลียวคลื่นคั่งพะลาน
    เสียงกึกก้องเป็นตาย่าน ซัดเฮือนซานบ้านซ่อง
    กวาดสิ่งของเร็วราบ เภท์พังพาบหมุ่นทะลาย
    ธรณีพิโรธฮ้าย เข้าทำลายเพราะกริ้วโกรธ อันได๋น้อ
    บทลงโทษไร้ปราณี หลายชีวีต้องดับดิ้น
    ซ่างตัดฉินท์ชีวาวาต ขาดไปบ่ได้สั่ง
    พอได้ฟังใช่หน่อยๆ มีหลายร้อยที่ลื่นพัน
    บ้างกะอันตรธานจ้อย หาฮอยบ่เห็นฮ่อม
    ยอมือน้อมนบแก่ฟ้า ให้เห็นหน้าแน่กะไค
    สาธยายบ่ทันแล้ว ผัดมีแนวมาบังเกิด
    ข่าวระเบิดเตานิวเคลียร์ แฮ่งเหลือใจไปหลายล้น
    คนแฮ่งสาระวนหยุ่ง นำเรื่องสึนามิ
    เรื่องกัมมันตภาพรังสี ผัดเกิดมีแซมซ้อน
    จักสิเฮฮนฮ้อน อนาทรทนโศก
    แสนส่วนสิวิโยคย้าย ทะวายรุ่มเรื่องได๋
    ขอส่งใจไปซ่อยยู้ ซ่อยซูอีกแรงหนึ่ง
    ถึงอยู่ไกลหลายพันลี้ ไมตรีน้อมพร้อมส่งแฮง...


    :l-:l-:l-
    แก้ไขครั้งสุดท้ายโดย พลายแก้ว; 13-03-2011 at 18:32.

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    เบิ่งข่าวสารผ่านเวปไซด์ มีหลายคนไร้หม่องอยู่
    นอนคุดคู้มือก่ายหน้า แนมดูฟ้าน้ำตาริน
    เฮือนเภท์ภินท์พังราบ เหลือแต่คาบของความเพ
    ฉันได๋เด้คือกับนก ที่ตกรังฮังฮ้าง
    สิหาทุนใสมาสร้าง หาสตางค์หม่องได๋จ่าย
    มื้อแลงงายหาใสซื้อ พอสิยื้อแต่ละวัน
    เหลียวมองซากหักพังนั้น สุดที่กลั้นน้ำตาอยู่
    ความอดสูประดาเข้า เหงากลุ้มฮุ่มหทัย
    บ้างกะเฮฮนไห้ ญาติตายหายจาก
    พรากให้พลอยอยู่เพียว อยู่เดียวดายดู้
    พอได้ดูผัดแฮ่งเศร้า เหงาใจไปนำเพิ่น
    ขออัญเชิญพรพระตุ้ม นำกุ้มกล่อมประะโลม..

  3. #3
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    สามาแต่งได้ดีแท้ เกินคำบรรยาย
    ทุกความหมายจ่ายคำ ภาพเห็นนำคำเพิ่นเว้า
    สงสารนำคะเจ้า หน้าเศร้าอีหลี่หมู่
    ภาพยิ่งดูยิ่งตาย่าน ปานหนังโฆษณา
    บ่อคิดว่าสิเป็นจริง แต่ยิ่งเห็นกับตาพร้อม
    ขอน้อมดวงจิตรใจ ให้ปลอดภัยคนที่อยู่
    แมนอดสูขัดข้อง ให้พระป้องคุ้มครองภัย แน่ถ้อนสาธุ

    แก้ไขครั้งสุดท้ายโดย ข้าวต้มมัด; 15-03-2011 at 17:07.

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    ฟังบ่าวบีมาเว้าใจกะเหงาเป็นห่วง นำแหล่ว
    ช่างมาเป็นโพดฮ้ายภัยต้องมนุษย์คน
    บ่มีหยังสิกันได้แนวภัยธรรมชาติ
    ไผสิเอาชนะได้อย่าหวังถ่อนมนุษย์เฮา
    มีตะทำดีสร้างฮักกันให้มั่นแก่น เด้อ
    จั่งสิสุขอยู่ร่วมซ่อยกันสร้างบ่อนดี เด้อพี่น้อง
    :l-:l-:l-

  5. #5
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    เป็นกำลังใจให้พี่น้องทาง ญี่ปุ่นทุกคนเด้อจ้า

  6. #6
    แบ่งปันความรู้และประสบการณ์ สัญลักษณ์ของ อ้ายเขียว
    วันที่สมัคร
    Jan 2010
    กระทู้
    491
    เอาใจช่วยครับพี่น้องทางเจแปน

  7. #7
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ข่าวทีวีมีทุกช่อง ประโคมข่าวชาวเจแปน
    ผู้อยู่แดนวงแหวนไฟ รอยต่อใหญ่ของเปลือกโลก
    ต้องจำทนปนโศก ยามเปลือกโยกย้ายหยับ
    จำต้องรับภัยพิบัติ ที่ซัดโถมโฮมท้อน
    นอนกะนอนบ่หลับได้ แจบกะใจเต็มตื่น
    จักว่าเหตุสิรื้อฟื้น เกิดขึ้นอีกมื้อได๋
    ใจคิดย้อนมาได้ ถิ่นไทยอันประเสริฐ
    บ่ได้เกิดเดือนฮ้อน แฮงฮ้ายดั่งฝ่ายเขา
    มีแต่ภัยในรุมเร้า ยื้อยาดกันเอง
    เสียงเฟ้ง..เฟ้งป้อยกัน ดังสนั่นเมืองบ้าน
    จั่งแม่นรำคาญฮ้าย เทิ่งอยากอายประเทศต่าง
    เพิ่นสิว่าซ่าง...แท้ แผ่นดินแม่ให้ฮักแพง..กันถ่อนเนาะ..อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •