กำลังแสดงผล 1 ถึง 3 จากทั้งหมด 3

อ้ายคนนี้ยังบ่ลืม

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884

    อ้ายคนนี้ยังบ่ลืม

    [COLOR="YellowGreen"][CENTER]อ้ายคนนี้ยังบ่ลืม[C[SIZE="4"]
    น้องสาวเอย.............
    มื้อโดดเดี่ยวเกี่ยวใจเจ้า หรือมีเงาความไหวหวั่น
    บ่ลืมกันดอกน้องเจ้า อ้ายยังเว้าอยู่ดั่งเดิม
    ยังโทรเติมแรงใจให้ บ่ไกลจากข้างอุ่น
    ที่ลงทุนความฮักนั้น ยังคงมั่นอ้ายบ่ลืม
    บางครั้งซึมที่หายหน้า หรือบางคราที่เหินห่าง
    บ่เคยต่างความคึดฮอด ยังเป็นเจ้าบ่เปลี่ยนแปลง
    มื้อมีแสงจันทร์แสนเศร้า หรือมีเงาความโดดเดี่ยว
    ยังอยากเกี่ยวนิ้วน้องเจ้า ยังอยากเว้าว่าฮักเด้อ...น้องสาวเอย

  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    เอื้อยกะยังบ่ทันลืมคือกันเด้อน้องหล่า
    อันตำแหน่งทั่นประธานนั่นแมะ.........อิอิ
    ปล.ทราบแล้วเปลี่ยน

  3. #3
    บ่เคยลืมดอกเด้อหล่า แม่นเวลาสิล่วงผ่าน
    แม่นว่ากาลสินานเนิ่น บ่เขินข่อนบ่อนคิดถึง
    ใจยังหนักอึ้งตึ้ง เต็มตึ่งในความฮัก
    จำได้คักพอปานหยัง ปานว่าฝังลงลึกแล้ว
    บ่มีแววสิมายม้าง บ่มีทางสิจางจืด
    ปืดเดี๋ยวนี้กะพ้อเจ้า ที่เนาว์แนบแจบมะโน
    รอแต่โทรศัพท์เจ้า เหงาแฮงเป็นตาหน่าย
    เสียงตามสายมาแน่เจ้า คำเว้าว่า..คิดถึง..