ผืนป่าที่กำลังจะเป็นอดีต

[บ่าวธนา]

:l-ครับ สวัดดีพี่น้องชาวบ้านมหาทุกๆท่าน กะห่างหายไปดนเติบที่บ่าวธนาบ่ใด้ตั้งกระทู้ เขียนเพลง ร้องเพลงซูพี่น้องฟัง มาบาดเทือนี่มีแนวเป็นตาเบิง เป็นตาหน้าสนใจนำมาฝากให้คิด พอดีบ่าวธนาใด้ข้อมูลมาจากเว็บท่องเที่ยวเว็บนึง บ่าวธนาต้องขออนุญาติฝากลิ้งแนเด้อครับ อยากเผยแพร่ซูพีซูน้องใด้เบิงและสนใจ เพราะมันเป็นสิ่งไกล้โต่เฮาเป็นอย่างยิ่ง เข้าไปอ่านเบิงแล้วกะหน้าสงสาร คนรากหญ้าบางคนที่ยอมเสียเปรียบเพียงเพราะแลกกับความอยู่รอดให้กับนายทุน และกะบ่แน่สถานที่แห่งนี้อาจจะเป็นบริเวณแถวบ้านของท่านสมาชิกบางท่านกะใด้ บ่าวธนาคงจิบ่เว่าหยังหลาย เชิญเข้าไปรับชมและเข้าไปอ่านในลิ้งต่อไปนี้ใด้เลยครับ

http://www.kasetporpeang.com/forest_udon.htm

[siranee]

อ่านเรื่องราวแล้วกะน่าคิดคือว่าล่ะค่ะ...

[สาวทองแพง]

ขอบคุณจ้าอ้ายธนา อ่านแล้วก็ให้อดคิดนำป่าบ้านโตเองบ่ได้จ้า
แต่ก่อนเคยหนา แต่สุมื้อนี้แปนปานหัวล้านจ้า
แถมนายทุนก็หวังดีประสงค์ร้าย ทำลานตากมันไปถึงชายป่า
บอกสร้างถนนไปในตัว แต่ก็เพื่อประโยชน์ของตน ไม่ใช่เพื่อส่วนรวม
ให้น้ำจากลานมันเวลาฝนตก ไหลลงสู่ป่า ทำให้ต้นไม้บางประเภทตาย
ถึงหน้าเห็ด เห็ดก็ไม่ค่อยเกิดเหมือนแต่ก่อน

[sa_ngamk9]

เว้ามาละกะสงสารคนรุ่นหลังเด้เนาะ จักสิอยู่จั๋งได๋ เกิดมากะเครียดโลดเนาะั บ่ได้เลาะป่าคือสมัยแต่กี้
บาดเทื่อนี่ กะปอม นก หนู ฮวก เขียด กบ ปลา จี่โป่ม ตั๊กแตน ฯลฯ จักมันสิไปอยู่ไส มันเฮ็ดเฮือนบ่ได้คือคนเด้เนาะ เฮาสิกินหยังละบาดนี่ ขนมปัง โดนัท พิชช่า หรือว่า น้ำตาล ยางพารา เข็ดแข่วแท้ๆ

[บ่าวธนา]

นี่หละครับพี่น้อง คนรวยมีเงิน มีที่นับร้อยไร่ พันไร่ แต่มีลูกแค่บ่กี่คน แต่คนจนมีลูกอย่างมากกะ2คน คิดเบิงเฮาสิให้ลูกๆหลานๆเฮาอยู่จังใด๋ในเมื่อที่ดินทั้งหลายไปอยู่นำคนมีเงินกันเหมิด เฮาขายที่ไร่ละบ่กี่หมื่น แต่ลูกหลานเฮาซื้ออยู่ที่ทอเอ๊าะเจ๊าะ กะเป็นล้านแล้ว จังใด๋กะให้ซอยอนุลักษ์ซอยกันเพื่ออนาคตลูกหลานเฮา นี่หละความเห็นแก่โต่ของพวกนายทุนหละสาวทองแพง