เอิ้นสั่งฟ้า เอิ้นสั่งความหนาว ลมห่าวมาแฮงแฮง สิแปลงไปหน้าฮ้อน
ดอกขจรมวลดอกไม้ ดอกคูนไข่เหลืองอร่าม
บอกถึงยามหน้าแล้ง แบ่งฤดูเข้าสงกรานต์
หมากขามหวานมากขามส้ม หมากยมน้อยฮ้อยหมากม่วง
ออกเป็นพวงยัวระหยาด มองแฮงบาดบ่อนหัวใจ
เจ็บในในปานคนไข้ ฝันในใจใครคนหนึ่ง
เฝ้ารำพึงหาน้อง คองคอยท่าสิต่าวมา
สัญญาใจในมื่อนี้ น้องกับพี่สิพ้อกัน
รำพันถึงทุกคืนวัน แมนไกลกันหลายพันโยชน์
เพิ่นสิคองความโสด จดในใจมื๋อได๋ต่าว
จากหนึ่งท้าวเพิ่นแอบปลื้ม ลืมบ่ได้ใจห่วงหา
สามาสงสารแท้ ให้เจ้าแลหาหม่องใหม่
สาวผุไคในโลกนี้ มีหลายแท้ทั่วแผ่นดิน
ให้เจ้าปิ่นหาใหม่ถ่อน หาคนซอนซ้อนหม่องอยู่
สิได้เป็นปู่เด้ท้าว เดี๋ยวสิว่าสาวห่าวนี้บ่เตือน นั้นแหล่ว
อิอิ งานนี้มีลุ้นยิงปืนเทื่อเดียวถืกนก 2-3 โต เอ๋าภาษาผญ๋าเด้อค่ะ
รำพันถึงดอกไม้ต้นไม้ถูกฤดูกาลบ่ดอก ขออภัยยุไกลตาบ่อเห็น
คำว่า "โยชน์" ที่หมายถึงระยะทาง เขียนถูกต้องบ่ค่ะ
เขียนมาบอกนำแน่เด้อสิขอบคุณอย่างยิ่งค่ะ
Bookmarks