กำลังแสดงผล 1 ถึง 10 จากทั้งหมด 10

ฮักกันเด้อ บ้านมหา

  1. #1
    แบ่งปันความรู้และประสบการณ์ สัญลักษณ์ของ Thadjunior
    วันที่สมัคร
    Nov 2008
    กระทู้
    189

    ฮักกันเด้อ บ้านมหา

    พี่น้องเอ้ย เพิ่นว่าบ้านมหาเฮานี่ มีดีอยู่หลายอย่าง
    อยากให่ซ่อยรักษาไว้ อย่าไลถิ่มเปล่าดาย
    คั่นสิพากันสร้าง แปงทางให้มันเกี้ยง
    อันว่าเรื่องปากเสียง ให้อดสาเก็บไว้
    ไม้ลำเดียวอ้อมฮั่วบ่อยู่ ไหมหลายไจดึงซ้างจังสิคือ แท้นอ
    ขอให้ฮักกันไว้ คือข้าวเหนียวนึ่งใหม่
    อย่าสิไลซังกัน คือข้าวเหนียวถืกน้ำ
    ไผว่าบ้านมหาสิฮ้าง ให้จูงแขนพามาเบิ่ง
    คนยังแตกจ้นจ้น มันสิฮ้างแมนบ่อนได๋ นั่นแหลว


    ลองว่าเบิ่ง ซั่นดอกว๊า เห็นอาจารย์หนุ่มหน้าลาว เพิ่นขยันผลิต
    กะเลยตามคองเพิ่น

  2. #2
    แบ่งปันความรู้และประสบการณ์ สัญลักษณ์ของ หนุ่ม101
    วันที่สมัคร
    Dec 2009
    ที่อยู่
    ร้อยเอ็ด แต่ใน กทมพระราม2
    กระทู้
    93
    ฮักเขาข้างเดียว เหมือนข้าวคอยเคียวเด้อ
    มันเกี่ยวกันไหมนี่

  3. #3
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,594
    แม่นแล้วครับ ขอให้พี่น้องบ้านมหาเฮาฮักกันมั่นแก่น บ้านนี้คือสิบ่มีทางฮ่างหรอกเนาะครับ มีแต่สิใหญ่ไปหน้า จั่งได๋กะซ่อยกัยเบิ่งแยงเนาะครับเนะ

  4. #4
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    339
    เพินวาบุพเพสร้างสายแนนฝั่นเกียว
    ค้องแขนน้องและอ้ายมาไว้ฮวมกัน
    ยาให้ขาดสะบันลงระหว่างกลางใจ
    ให้เจ้าใสเนืองๆเด้อน้ำใจของไทเจ้า
    อย่าสุเผา อย่าสุม้างบ้านมหาให้เพมุน
    ให้ซอยจุนเจือไว้น้ำใจเจ้าไทยอีสาน
    ขอสาบาลต่อตั้งตนพ่อพระองค์อิน
    ให้แผ่นดินเป็นพยานต่อสารคำเว่า
    แมนสิเฒ่าแก่ม้วยสิขอกลับเมือเผาแผ่นดินแม่
    อิสานเฮาใจเดียวกันแท้ให้ฮักหมั่นดอกแก่นหอมเด้อ..ญาเอื้อย ญาอ้ายเด้อ

  5. #5
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    431
    บล็อก
    3
    งานการเป็นจั่งได๋หัวหน้าฯ คือสิเบาบางแนแล้วเนาะ จั่งได้มีเวลามาจ่ายผญา ...มิน่าละฝนฟ้าอากาศจั่งเป็นฝนๆหนาวๆ ยามเดือนสี่เดือนห้า...

  6. #6
    แบ่งปันความรู้และประสบการณ์ สัญลักษณ์ของ Thadjunior
    วันที่สมัคร
    Nov 2008
    กระทู้
    189
    งานการกะครือเก่าล่ะทั่นรองเอ้ย หนักหน่าคือกุลาหาบนุ่น
    ................
    อดเอาเฒ่าแล่ว

  7. #7
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ขออภัย...คำเว้าบ่เหมาะสมครับ(ตอบท่านในกลอนหอมดอกมันปลาครับ)

    ขอโทษเด้อเจ้าท่าน คันได้อ่าน อภัยฉัน แหน่เด้อ
    ผมได้จาคำบ่ควร กะจ่งอาภัยด้วย
    คำว่า”น้อง”ในผญา มันบ่ถืก
    บาดห่าเบิ่งฮูปแล้ว คำนั้นหากบ่ควร
    กะเลยคิดฮอดข้อ ปราชญ์ใหญ่ผุเขียนกลอน
    เฒ่านั้นนอนอยู่ทางถุน ตะล่างเฮียน เพิ่นเขียนแต้ม
    บ่ได้แนมให้มันถ้วน ผมเอามาลงตอบ
    Thujuniorเจ้าอย่าถือโทษฮ้าย อภัยให้แก่กระผม แหน่เด้อ ...
    ธุจ้าธุจ้าธุจ้า

  8. #8
    แบ่งปันความรู้และประสบการณ์ สัญลักษณ์ของ Thadjunior
    วันที่สมัคร
    Nov 2008
    กระทู้
    189
    ....บ่เป็นหยังเด้อท้าว หนุ่มหน้าลาวจงซำบาย
    อ่านกลอนเจ้า แล้วอ้าย ยอยกเจ้าเป็นอาจารย์
    เพิ่นว่าฮักกันไว้ไคกว่าซังกัน เด้อน้องพี่
    อย่าได้หันหลังจาจอบเว่าจาพื้น
    มีจุดยืนมาดหมั่นสัมพันธ์น้องพี่
    สิยอบอกกล่าวต้านวานไหว้ว่าขอ
    มื้อหน้ายังสิพ้อพานพบได้จาเว่า
    บ่อว่าเจ้าหรือข่อยหากสิเจอจักวันมื้อ
    อย่าสิถือทิฏฐิตั้งโมหังมาบังเบียด
    อย่าได้เคียดแตกม้างวางถิ่มปล่อยกัน
    สมานฉันท์เด้อเติมตั้งระวังตนเป็นประกอบ
    ผิดและชอบให้ค่อยเว้าหันเข้าปากจา
    บ่หนักหนากะเบาบ้างทำให้จางวางปล่อย
    มีอิหยังเล็กน้อยให้ออยอ้างต่างอภัย

    มันจั่งเกิดก่อได้เฮือนใหญ่สามัคคี
    ยกเอาเด้อคุณความดีของเฮามาตั้ง
    อย่าได้ซังขังข้อสมพอปลงให้ลงแหล่ง
    ให้มันสมมาตรแม้งมะโนน้อมหนึ่งเดียว ซั่นดอกว๊า หนุ่มหน้าลาวเอ้ย

  9. #9
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8

    พบปะพูดคุย

    ฮักกันหลายก็บ่ม่วนดอกท่าน จืดชืด เฉื่อยๆจังใด๋บุ๊
    บางมื่อฮัก บางมื่อซัง กัดนิด หยอกหน่อย
    ได้รมณ์อีกแบบ สร้างสีสรร เวบจะได้เคลื่อนไหว

  10. #10
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    683
    กระทู้ต้นฉบับโดยคุณ pui.lab
    ฮักกันหลายก็บ่ม่วนดอกท่าน จืดชืด เฉื่อยๆจังใด๋บุ๊
    บางมื่อฮัก บางมื่อซัง กัดนิด หยอกหน่อย
    ได้รมณ์อีกแบบ สร้างสีสรร เวบจะได้เคลื่อนไหว
    เห็นด้วยกับพี่ปุ้ยค่ะ...บางวันรักบางวันก็ขัดแย้งกันบ้าง ช่วยสร้างสีสรรได้ดีทีเดียวค่ะ

    เพราะคนสิบคน ไม่มีใครมารักเราได้หมดทุกคนหรอกค่ะ อย่างน้อยๆคนสิบคน เกลียดเราซะซักเก้าคน อีกหนึ่งคนที่เหลือ รักเรา แค่นี้ก็พอใจแล้วจ้า (เกี่ยวกันมั้ยเนี่ยกับกระทู้พี่ทัตนี่ พูดซะยืดยาวเลยค่ะ.อิอิ...)

    แต่ที่แน่ๆ รักบ้านมหานะคะ