หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

----: ฟ้ามืดบ่ดน :----

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ----: ฟ้ามืดบ่ดน :----


    ----: ฟ้ามืดบ่ดน :----

    เสียน้ำตากะเสียได้ เรื่องเสียใจไผกะผ่าน มื้อวันวานพ่านกายแล้ว แนวได๋ช้ำให้หล่ำลืม

    เหมิดซากฮักเขาบ่ปลื้ม อย่ามาตื่มหัวใจเจ็บ อ้ายขอเย็บหม่องฮักเพ อย่าหมั่นเทน้ำตาเยิ้ม

    อยากขอเติมบ่อนเจ้าขาด ขอเก็บกวาดหม่องใจหวิ่น มื้อฝนรินเป็นห่มกั้ง พอบังฟ้ากันห่าฝน (เบิ่งแน่เด้อ)

    คงบ่ดนดอกเด้อหล่า ยามฟ้าหม่นบนใจเหงา ตอนฝนเซาเงาแดดฉาย สิค่อยคลายมายความกลุ้ม

    มรสุมซุมคนเย้ย ให้วางเฉยเดี๋ยวกะเก่า สะสมเอาคือบาทแบงค์ เป็นแฮงกู้สู้ทุกข์ทน

    อย่าลืมคนวนฮักเจ้า บ่อาจเซาเอาใจห่าง กี่สตางค์ถ่ายความช้ำ ที่จำไว้ให้แก่เขา น้องสาวเอ่ยยยย

    กด Play แล้วรอสักครู่ดนตรีจะดัง แต่กลับมาเปิดอ่านหน้าเดิมเด้อครับ
    [FLASH]http://music.gmember.com/flash/jedakrAkraM.swf?songid=1105271501&autostart=0&adslot=1[/FLASH]
    แก้ไขครั้งสุดท้ายโดย บ่าวโจ่โล่; 10-04-2011 at 22:51.

  2. #2
    ม่วนโดนใจคือเก่าหละจ้าอ้ายฮัก...หลงฮักคนอิหลีซะน้อ... อ่านแล้วกะอินเทิงหัวเทิงเศร้าใจ...
    ฟ้าวหนีก่อนดอก ย่านถืกหยิกซิ้นขาด...:l-

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    ผญาฮักก็ซึ้งกินใจ เพลงกะม่วน ฟ้าทีมืดบ่ดนดอก เดี๋ยวก็เช้าแล้วจ้า :l-

  4. #4
    ป๊าดดดดดดดดดดดดดดดดดดดดดดดดดดดซู๊ดย๊อดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดดด

  5. #5
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,264
    บล็อก
    3
    ผญากะม่วนจ้า น้องมักเพลงนี้หลายจ้า มันตำใจคักแหมจ้า

    ฟ้ามืดกะคงบ่ดน เห็นส้นตะเว็นยามเช้า เชาสาอย่าเหงา ถ้าเขาบ่ฮักอย่าฝืน ไปแล้วเขาคงบ่คืน

  6. #6
    เหลือโตนผุนั่งยุฮ่มแปกห่มไม้เด้เนาะอ้าย ม่วนหลายจร้า เทิงม่วนเทิงเหลือโตน อิอิ

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อ้ายเอ้ย เสียน้ำตา กะเสียแล้ว แต่เสียใจบอหายซ่วง เจ็บจนทรวง สิแตกม้าง ได้ครางโอ้ย โอยละน้อ ได้แต่รอวันคืนพ้น หัวใจหม่นได้ทนอุก เป็นคนครองความทุก สุขบอมีมาไกล้
    ภายในใจมันให้ฮ้อง นองน้ำตาผวาสั่น ความสัมพัน มาขาดแล้ว
    พอปานแก้ว แตกกระจาย ฮักสลายมะลายม้าง บนเส้นทาง ที่เคยหย่าง
    ขาดความหวังนั่งได้ก้ม กุ๋มหน้าเซ็ดน้ำตา อ้ายเอ้ย


    มามวนนำหลานบ่าวโจโล่จ้า ผิดพาดขออภัย อ่านแล้วมวนจับใจป้าเลยอดเว้านำบอได้ อิอิอิ

  8. #8
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318
    ฟ้านั้นมืดบ่ดน แต่ใจคนมืดคนบ่เห็นทาง
    จักมื้อได๋สิแจ้งสว่าง สิได้เซาอ้างว้างจักเทือแหน่


    ม่วนหลายจ้าผญากะม่วน เพลงกะม่วน กินใจอิหลีจ้า

  9. #9
    แบ่งปันความรู้และประสบการณ์
    วันที่สมัคร
    May 2007
    กระทู้
    184
    น้ำตาไหลหัวใจช้ำ..............หลุดถลำนำความซื่อ..............ด้วยยึดถือคำฮักแท้..............แคร์เขาฮ่ายพ่ายฮักเพ

    เจ็บหลายเด๊เพใจร้าง..............มื้ออ้ายห่างวางความเห็น..............ปานตะเว็นเป็นแสงดับ..............ลับลงลาป๋าปลายไม้

    ตัวกับใจไกล้หล่อยล้า..............หยดน้ำตาพาไหลหล่น..............บอกเป็นคนฮักน้องแท้..............คือแปรร้างจนห่างเหิน

    คนหนึ่งเดินเข้ามาไกล้..............คนหนึ่งไกลเกินติดต่อ..............ไผกันน้อที่ฮักแน่..............หรือเพียงแค่อยากตื่มตั๋ว

    ล่อให้หัวแล้วพาให้..............ตั๋วมีใจแล้วออกห่าง..............ไผน้อวางคำฮักแท้..............หรือแคร์น้องอยากส่องเห็น

    ขออย่าเป็นคนใจร้าย..............ขอเป็นชายกายใจซื่อ..............กับยึดถือคำฮักหมั่น..............ทุกวันมื้อซื่อต่อกัน แน่เด้ออ้าย
    แก้ไขครั้งสุดท้ายโดย น้องแพรจ้า; 05-05-2013 at 05:54.

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    กลอนม่วนคือเก่าเนาะจ้าน้องแพร
    บ่เห็นกันดนสำบายดีบ่น้อจ้า
    ผุบ่าวบ้านมหาเดี๋ยวนิแต่งผญาเก่งล๊ายหลายตั้วจ้า
    ขาดแต่ผุสาวน่ะล่ะ..ว่างๆมาม่วนนำกันเด้อจ้า


Tags for this Thread