กำลังแสดงผล 1 ถึง 6 จากทั้งหมด 6

...............คิดฮอดแต่คำแพง...........................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ...............คิดฮอดแต่คำแพง...........................



    ยามพระพายพัดกายหน้า แนมเมฆากะไหลเลื่อน แนมเบิ่งเดือนกะหุ่งแจ้ง เทิงฟ้ากะแจ่มใส
    บ่คือในมโนอ้าย มามืดหม่นปานเดือนดับ นั่งใจลอยคอยนับ เดือนดาวอยู่เทิงฟ้า
    อยากฟ้องเจ้าเด้หล่า มีปัญหาอยากเว้าไส่ แม่นอยากเฮ็ดอันได๋ กะอยากขอบอกเจ้า พออยากเว้าสู่ฟัง
    น้ำเนตรพังไหลย้อย ดวงฤทัยสิแตกแหล่ง คิดฮอดเด่คำแพง อ้ายเลยแจงคำเว้า ได้นั่งเศร้าอยู่ผู้เดียว
    คันแม่นเกรียวผูกมั้น สายแนนพันยังข้องเกี่ยว ให้นำเนี่ยวใจน้อง ได้ลอยล่องต่าวคืนแน่แหม๋.............


  2. #2
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3

    Re: ...............คิดฮอดแต่คำแพง...........................

    8) ไผน้อ ..เฮ็ดอ้ายซาย เฮาครองถ่า ....มาเว้าจากันจักหน่อย ...คั่นสิหลอยป๋าถิ๋ม..กะให้เอิ่นต่าวก่อนลา...

    * ** อ้ายเอ้ย ได้ซ่ำนี้ละ .. ไปต่อบ่ได้แล้ว Re: ...............คิดฮอดแต่คำแพง...........................

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ...............คิดฮอดแต่คำแพง...........................

    ย้อนความจนจั่งได้ไกลบ้าน ไกลเอือนชานบ้านเคยอยู่ อ้ายเอ้ย
    จากฮอดคู่เคยเว่า เคยนั่งเฝ้าห่มบักทัน ..
    มันละอุกอั่งเอ้าโฮมเข้า ใจบ่ส่วง
    คิดนำดวงดอกซ้อน สินอนหลี่อยู่จั่งได่
    ....อยากให้ไว่ใจน้อง ชายเอ้ย บ่เคยหน่าย.
    .บ่เคยหมายบ่าวต่างบ้าน อ้ายอย่าย้านน้องบ่ลืม ดอกอ้ายบ่าวเอ้ย ....

  4. #4
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ...............คิดฮอดแต่คำแพง...........................

    โอ้ยเฒ่า... เอ๋ย...
    ซินซาตาโตข้อยต้องอยุไกลบ้าน
    คั่นบ่ออกเฮือนมา กะบ่จักสิศึกษา
    คั่นอยูแตบ้านเกิด มันกะคือเฮ๊ดหยังบ่เป็น.. .ซั่นแหลว..

  5. #5
    แบ่งปันความรู้และประสบการณ์
    วันที่สมัคร
    May 2007
    กระทู้
    184
    นอนหลับไปกะยังฝันเห็นหน้า บาดเทื่อมืนตามากะคิดฮอดคุณพี่ ยามอ้ายหนีจากหน้าได้เป็นบ้าไปคิดนำ
    เทื่อได้กินข้าวน้ำกะแค่นคั่งในคอ น้องอยากขอเมือนำแต่ละยามเห็นเจ้า บางวันเหงายามบ่ได้เห็นหน้า
    สิได้จ๋อชายคาหม่องเฮือนน้อยของเฮาอยู่ ไปติดเฮือนหม่อมซู้สิเห็นหน้าแน่บ่น้อ นี่เด้อตั้งแต่พ้อแรกพบสบตา
    เจอปัญหาหลายแนว ใจแอ่วนำแต่ทางอ้าย ได้แอบสายตาจ้อง สายตามองแอบชมชื่น ยามมื้อตื่นแต่เช้ากะมีเจ้าให้คิดถึง
    เฝ้ารำพึงแม้เจ็บปวด สิร้าวรวดหัวใจแน่ มะซ่างเป็นธาตุแท้หัวใจน้องร้องสู่วัน อีกอย่างหนึ่งเฮานั้น ฮู้จักกันแค่คือว่า
    คนรู้จักธรรมดา ยามห่างหน้าจากอ้าย ซ่างเป็นฮ่ายแท้คิดถึง มาซ่างดึงอ้ายคักแท้ แวไปไฮ่ไปสวน หมู่เขาชวนพาคุย
    ใจยังสุยไปทางพุ้น ไปเอาบุญไกลไกล้ พ้อบ่าวสาวทางได๋ ไผควงกันกะชมซื่น เห็นแล้วสุขราบรื่น เขายืนเว้าเย้าออ่นหวาน
    หัวใจยังฟุ้งซ่าน บ่พานห่างหนีไกล ยังคิดไปถึงเขาเจ้าผู้เดียวอีกจนได้ ยามพ้อไผแม่นสิงามปานฟ้า สิหล่อปานดารา
    ยื่นวาจาเว้าม่วน มีสำนวนหยอกเย้า ฟังความเว้าว่าออ่นหวาน แต่ยามเมือฮอดบ้านบ่มีย่านความจำ มันถลำถึงเธอ
    เด้อผู้เดียวกะฝันพ้อ มะซ่างเป็นแท้น้อ พออยากยอ-อยากไล่ พออยากคิดพลักไส ให้อ้ายไปพ้นพ้น กะวนเว้าเฝ้าคิดนำ
    มีความสุขเลิศล้ำ มื้อได๋คิดถึงเขา มื้อได๋เศร้าเต็มกำลัง อยากฮ้องดังเบิ่งเด๊อ้าย มีบ่น้อมื้อสิย้ายป้ายมานั่งนำกัน
    ว่าฮักเกินรำพัน มาฮักกันซะเด้อน้อง มื้อได๋ศรสิต้อง ป้องรักมาหาฉัน ซ่างบ่ปานความฝัน ได้คิดหันแต่นำเจ้า ได้คิดฝันแต่นำเจ้า

  6. #6
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    ดีๆ รักกันไว้ คิดถึงกันไว้ โลกจะได้ดูสดสวย สีชมภู