ของหวานตามฤดูกาลเนาะจ้า ไก่น้อยหัวตะสิหัดเฮดเป็นปีแรกหลังจากที่บ่ประสพความสำเร็จ ตอนเฮดยุบ้านกาสิน มื้อนี้กลับมาโคราชเลยมาแก้มือใหม่ คนชิมเพิ่นว่า ..
อร่อยกว่าซื้อที่ตลาด พะนะ อิอิ ... บาดนิหละ บาดสิเจ้าสิได้กินตะข้าวเหนียวหมากม่วง :l-
วัตถุดิบ ของเฮากะมี หมากม่วงสุก ข้าวเหนียว เกลือป่น น้ำตาล
เห็นเขียวๆแบบนี้หวานดีขนาดเด้อจ้า หมากม่วงน้ำดอกไม้จากสวนขะน้อยเอง บ่มแบบบ่ต้องใส่แก๊สจ้า
วิธีทำ อันดับแรกกะหม่าข้าวเหนียว จักถ้วยนึงกะพอเนาะ หลายๆมันสิบ่แซบ แล้วกะนึ่งให้สุกจ้า
สูตรนี้เอากะทิตั้งไฟให้เดือด แล้วกะเติมเกลือเล็กน้อยจัก ทัพพี โอ๊ะ จักช้อนชา เทน้ำตาลลงจัก 3 ทัพพี กะพอจ้า บ่ต้องเน้นหวานบักหม่วงหวานยุแล้ว
ข้าวเหนียวสุกแล้ว กะตักน้ำกะทิโรย ทัพพีคนไปเรื่อยๆจ้า จนกว่าส่วนผสมสิเข้ากันดี
บ้านเฮาเพิ่นเอิ่นมูนช้าวเหนียว
เสร็จแล้วกะเสริฟพร้อมหมากม่วง หวานๆสิราดกะทิสดโรยหน้า กับถั่วเหลืองทอด อีกกะได้เด้อจ้า ไก่น้อยน้ำหนักหลายแล้ว ขอข้าวเหนียวกับหมากม่วงกะพอเนาะ เชิญแซบจ้า บาดนิ
ขอบคุณบ้านมหา ที่ให้พื้นที่นำเสนอเด้อจ้า :l-
Bookmarks