ช่วงสงกรานต์ที่ผ่านมา ขะน้อยมีโอกาสได้เมือยามบ้าน บ่ได้เมือโดน แต่น่าสิ4 ปีกว่านี่หละ..ตั้งแต่ช่วงปลายปี 2549 พอดีเพื่อนคนบ้านใกล้กันและเป็นสมาชิกบ้านมหาชื่อ..หมากกะเบา..เพิ่นเมือยามคุุณแม่ เลาบ่มีหมู่เมือ..โทรมาดู๋หลายกะเลยเมือนำซะเลย..55..ไปกัน 3 คน.. 1 หญิง 2 ชาย..เป็นพลขับซะ 2 พลนอน 1 ...อิอิ..
เก็บภาพมาฝากพี่น้องนำ ตั้งแต่ขาไปจนกลับ..ประทับใจหลายครับ
ออกจาก กทม. คืนวันที่ 13 เวลาตี 2 กว่า ถึงสีดา เกือบ 6 โมงเช้า แวะพักปั้มน้ำมัน เจอรถขายมันแกว..บ่ได้ผ้อดนกะเลยถ่ายรูปมาไว้..
ถึง อ. ยางตลาด บ้านจะของ เกือบ 8 โมง แวะซื้อไก่ย่างยางตลาดที่ขึ้นชื่อที่ร้านที่คุ้นเคย
พร้อมทั้งปลาดุกย่างและปิ้งปลาสร้อย..เพิ่นว่าปลาจากเขื่อนลำปาว..ปลาสดๆใหม่ๆ บ่แซบให้เอามาคืนได้..
เอาไม้หีบเด้อมาคืนพะนะ..55
ก่อนออกจากยางตลาด ก็มีเรื่องเสียวๆเกิดขึ้น..น้องที่ไปด้วยเห็นป้ายหมู่บ้าน..บ้านเสียว..ซึ่งเป็นหมู่บ้านที่บ่ไกลจากบ้านขะน้อยปานได๋
ฟ่าวบอกให้จอดทันที..บ่จอดบ่ได้เสียวเด้พะนะ..เพิ่นว่า..
...จากยางตลาดขับรถตรงไปทาง จ.กาฬสินธุ์ เลี้ยวขวาตรงปากทางโรงแป้งมันบางนา รวมระยะทาง ประมาณ 15 กม..
นี่หละครับบ้านขะน้อย..ตอนนี่มีพี่สาว-พี่เขย แล้วกะหลานๆอยู่ เฒ่าพ่อเฒ่าแม่เพิ่นเสียเบิดแล้ว.
...นี่กะเป็นสาเหตุหนึ่งที่บ่ค่อยได้มายามบ้าน..ดีแต่ว่าพี่น้องยังฮักกันมั่นแก่น อบอุ่นคือสมัยมีพ่อ-แม่อยู่นำ
พี่สาว 2 คน ปลูกบ้าน 2 หลังในบริเวณเดียวกัน เป็นบ้านแฝด ...พี่น้องบ้านมหาที่กายมาทางนี้แวะมากินข้าวกินน้ำได้ครับ...
..ฮอดบ้าน เกือบ 9 โมง..อาบน้ำอาบท่าแล้วกะกินข้าว..แนวกินกะที่ซื้อมาหละครับ
มี ไก่ย่าง ปลานิลเผา ปิ้งปลาสร้อย ปิ้งส้มปลา ตำบักฮุง..แซบซุอย่างแต่กินบ่ได้หลายแหมะ
มานำทางจักกินหยังแน บ่เซาสบเซาปาก...55
...วันที่ 14 บ่ได้ไปไส เมื่อยหลาย มีแต่หมู่มาหาอยู่บ้าน..ค่ำๆมีกิจกรรมการกินร่วมกันเล็กๆ
เว่านัวหัวม่วนตามปะสาคนบ่ผ้อกันโดน...
..เดี๋ยวมาต่อครับพี่น้อง เซามีแฮงจักคราวก่อน..
Bookmarks