กำลังแสดงผล 1 ถึง 8 จากทั้งหมด 8

หัวข้อ: อัศจรรย์

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    อัศจรรย์

    อัศจรรย์ใจล้ำคำสอนผู้เฒ่าเก่า
    ภูมิปัญญาเดิมเค้าผญาต้านได้อ่านเห็น
    เป็นดั่งคำทำนายแจ้งอุปมาใบ้บอก
    นับมื้อไขออกอ้าเห็นแจ้งกระจ่างใจ
    ไผผู้เฮียนฮ่ำฮู้ลองอ่านดูคิดให้ถี่
    ปัจจุบันสุมื้อนี้เป็นแท้ดั่งผญา
    เลยจากปีสองพันห้าประชาไทยให้คิดเบิ่ง
    ผ่านมาเหิงหั่งถืกต้องขออิงอ้างให้อ่านทวน
    ขอนำเอากระบวนควมเว้าปราชญ์อีสานมาอ้างเอ่ย
    พี่น้องเอย....คันผิดพลาดบ่อถืกต้องอภัยไว้ ให้ต่อเติม ...แหน่ถ่อน


    ปราชญ์อีสานเผิ่นนั้นว่า


    เมื่อพุทธศาสนามาเถิงสองพันห้าโลกาสิไหวหวั่น
    คนสิตายอายุสั้นพระอินทร์นั้นใส่กรรม
    ผู้ที่ค้ำอยู่ได้ตั้งแต่ผู้อยู่ในศีล
    อินทร์หากมาเนรมิตใส่กรรมทำฮ้าย
    กลายไปเถิงภายหน้าหลายปีมาแห่งสิติ่ว
    คนสิหิวฮอดข้าวตีปล้นหวุ่นวี

    ฝูงหมู่กบเขียดฮ้องประกาศอ่านโครงสานส์
    ฝูงหมู่งูเภาพิษเงือกกลัวแกรงย้าน
    หินฟูน้ำไหลล่องในนที
    ปลาบึกขึ้นอยู่ลี้ปลายไม้ดั่งแลน
    ปูปลาฮู้เปิดหน่ายวารี
    เขากะหนีจากภูผาไปอยู่นาเนาค้าง
    เอี่ยนผัดมาเปิดป่องน้ำหนีจากวังตม
    ขึ้นไปแปลงฮวงฮังอยู่เทิงปลายไม้
    มาลาฮ้างฮามสูญเสียกลิ่น
    หงส์คำก้มกราบไหว้พนมน้อมต่อกา
    หมากพร้าวมาเปิดหน่ายต้นปะหล่นลงดิน
    ครกมองมาหมางเหม็นข้าวเปลือก

    เขียดอีโม้สิปลิ้นขึ้นขี่คองู
    หนูไปหากินแมวแล่นวนจนเป็นบ้า
    หมาไปท้าชนซ้างขางเฮือนจนว่าหลั่น
    จั๊กจั่นผัดมาฮ่ำฮ้องเดือนอ้ายก่อนฤดู
    อ้อยสิเกิดเป็นมู้คนบ่ออยู่เป็นสุข
    อุกขะหลุกเมืองคนทั่วแดนดินด้าว

    ทุกมื้อนี้ถึงทีกะลียุคอุกขะหลุกเมืองคนทั่วแดนฮนฮ้อน
    ไฟบัลลัยกัลป์ไหม้ประชาชนพลโลก
    คนสิทุกโศกฮ้อนหมองไหม้บ่ออยู่เย็น
    เว้นแต่ผู้เข้าซ้นสามห่มโพธิ์ศรี
    จั้งสิมีความสุขอยู่เย็นไปหน้า


    นบนอบน้อมปราชญ์อีสาน ครูอาจารย์ผู้สอนสั่ง
    คันแม่นผิดพลาดพลั้งอภัยไว้ให้สั่งสอน
    แก้ไขครั้งสุดท้ายโดย ทิดจ่อย; 20-04-2011 at 10:31.

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ขอบคุณค่ะอาวทิศจ่อย ซั่นกะพอไปถืกทางแน่ะอยู่ตั้วล่ะเนาะ..
    มองต่าง..อย่างปลง

  3. #3
    ร่วมถ่ายทอดความรู้สู่สังคม สัญลักษณ์ของ ฮักณ.ทุ่งใหญ่
    วันที่สมัคร
    Jan 2011
    กระทู้
    526
    ฟังยามได๋กะมวนตลอดครับ ซวดๆครับผม

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    ธุจ้า ขอบคุณจ้าอาจารย์ น่าสะแม่นคือผญ่าเว้า หลายๆอย่างเริ่มเห็นแล้ว อ๋อย...

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    พอได้อ่านผญาอ้าย มีหลายอย่างทางสังกา
    คิดว่าเป็นปริศนา หาป่องไขบ่ทันพ้อ
    มีหลายข้อหลายบั้น หลายอันคึดบ่ออก
    ขอให้บอกกล่าวแจ้ง แถลงให้ได้ฮู้นำ แน่ถ่อน
    นับตั้งแต่หินฟูน้ำ ไหลล่องในนที
    จดฮอดสามฮ่มโพธิ์ศรี อธิบายให้หวนฮู้
    แนวน้องคนหัวปู้ ปึกหลายเข้าใจยาก
    ให้อ้ายพากษ์พิจารณ์ถ้วน กระบวนเว้ากล่าวแถลง..แน่เด้อ ขะน้อย


    อธิบายพอให้ได้ฮู้ความหมายนำแน่ขอรับ อ้ายทิดฯ ด้วยความเคารพครับ...

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ลูกเขย ทิดจ่อยเอ๋ย โลกกลมๆ ลมและฟ้า มวนโลกา พวมพินาจ
    สังผาดเผด เหตุฮ้าย เรียงรายร้อม พร้อมจู่โจม เนาะอิอิอิอิ
    เว้ามาถืกเบิ๊ดตั๊ว ลูกเขยเอ้ย โอ้ยย้านๆๆๆ แลนหนีก่อน อิอิอิ

    มวนหลายจ้า มีข้อคิดดี เอาอีกๆเว้าอีกจ้า แมนสิย้านกะสิแลนกลับมาอ่านยุ อิอิอิ

  7. #7
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    เถิง บ่าวก๋าคาม

    ที่อ้ายเอามาให้อ่านเป็นผญานักปราชญ์ที่เผิ่นเขียนไว้ในหนังสือ
    อ้ายกะแปลไปตามความคิดอ้าย แต่บ่อกล้าแปลให้หมู่ฟัง
    ให้คิดเอาเองแต่ละคนกะแล้วกัน ย้านแปลบ่อถืกตามเจตนาของผู้เขียน
    ขออภัยหลายๆ ครับ

  8. #8
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,513
    หลายสิ่งหลายอย่างกะว่าแม่นเห็นละกะเป็นไปแล้วเนาะครับ คันแม่นเป็นคือว่าเบิดกะคือสิแม่นยาก คือโลกสิแตกม่างเพพังติน้อครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •