กำลังแสดงผล 1 ถึง 2 จากทั้งหมด 2

คำสั่งจากพ่อลุงยม...

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา คำสั่งจากยมบาล...

    สิ้นสงกรานต์ปีนี้ หลายคนเอ้าอั่ง
    ย้อนว่าเขินขาดน้ำ สิมาเล่นสาดสรง
    เทิงพะวงกับเมืองบ้าน การงานกะอึดอยาก
    บ่มีเงินมาใส่ไถ้ ตุนไว้กะง่วมเหงา
    คึดฮอดหว่างสิปลูกข้าว ไถนากล้าหว่าน
    ทุนบ่มีไว้ท่า เหมิดแฮงเล่น บ่ม่วนยิน
    แต่บางหม่องกะบ่สิ้น ทางม่วนกะยังมี
    ทางถนนสีลม มีเผดผีมาเฮฮ้อง
    มองดูทางจอแล้ว มาเป็นตาสังเวช แท้น้อ
    เผดส่ำน้อย มาแก้ผ้า ป๋านมโต้น ให้หมู่ชม
    พ่อลุงยมเพิ่นจาต้าน ”พวกสันดานผิดฮีต”
    ความคึดมีก้อมก้อม บ่อายบ้าน ช่างเฮ็ดเป็น
    เขานั้นพากันเล่น สงกรานต์สาดน้ำท่า
    อีจังไรมาแก้ผ้า หง่างขาเด้า น่าหน่ายแหนง
    มื้อแลงนี้ กูสิสอบ พวกนายเวร
    สูไปทำอันได๋ ปล่อยอีผี ออกไปเต้น
    เวรของไผระวังไว้ กูสิถือเอาโทษ
    ปล่อยให้เผดส่ำน้อย ไปกวนบ้านหมู่คน
    “หน้าลาวเอ้ย” ให้มึงไปหาค้น เอาซื่อพวกจังไร มาเด้อ เพิ่นว่า
    กูสิเขียนใส่หนังหมา จารึกมันลงไว้
    ยามมันมรณาเมี้ยน ตายลงจมจุ่ม
    กูสิลากมันเข้าหม้อ ทองแดงฮ้อน กี่เผา มันแหล้ว
    แต่หน้าลาวหลานแก้ว ”อย่าไปโดน” เด้อเพิ่นสั่ง
    ซื้อเหล้าขาวบั้งน้อยน้อย มาต้อนอี่พ่อลุง แหน่เด้อ 5555 เพิ่นว่า
    คำสั่งจากยมบาล...:l-คำสั่งจากยมบาล...
    แก้ไขครั้งสุดท้ายโดย หนุ่มหน้าลาว; 24-04-2011 at 12:05.

  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1

    มึนคักเนาะ

    สังเวชฮ้ายผางหน่ายนำคน ตาหลูโตนส่างเป็นเห็นแล้ว
    เด็กแนวห่ามสาวงามเสียท่า มนต์มายากลิ้งกลอกหลอกเหล่น
    นวยนาดเต้นเห็นนมชมซื่น แตกวื่นวื่นฝืนฮีดผิดคอง
    ตรุษฉลองมัวหมองไปทั่ว บาปติดตัวฮอดมื้อจื่อจำ
    บ่ควรทำกรรมเวรเห็นบ่ ทั้งแม่พ่อพี่น้องป้องปาย
    สิอับอายหนหวยกวยอู่ การลบหลู่ฝืนฮีตผิดธรรม
    มันขะลำเห็นคุณบุญโทษ บ่ประโยชน์จักอันนั่นแหล่ว
    ซุมเด็กแนวพากันจำจื่อ อย่าขี่ดื้อหลื่นบ้านหลื่นคอง
    เด๋อนางเด่อ..เด๋อเด๋อนางเด่อ..กลุ้ม..กลุ้ม
    มึนคักเนาะ:,1-:,1-:,1-:,1-:,1-มึนคักเนาะ
    มาแจมครับสีลมแรงจริงๆทอล์คออฟเดอะทาวน์สาวส่ำน้อย
    แก้ไขครั้งสุดท้ายโดย pcalibration; 21-04-2011 at 07:44.