ตกมาเดือนห้าค้อยเมฆไหลลอยขี้ฝ้าเหง่า
ค่ำแลงลงฝนตั้งเค้าใจผัดเศร้าปานเหง่าฝน
คิดฮอดคนทางเซบายพุ้นหายไปดนมิดจี่หลี่
ก่อนสงกรานต์จนว่าฮอดมื้อนี้บ่อเห็นน้องแม้แต่เงา
คนที่เคยปากเว้าคำผญาจาออดอ่อย
ซอมทางกะมิดจ้อย ประกาศหาแล้วกะแล้ว จักว่าน้องไปยุไส
เป็นจั่งใด๋กะอยากฮู้น้องอยู่ดีหรือว่าบ่อ
หรือมีคนตั๋วหลอกล่อแกงน้องใส่หน่อหวาย...ล่ะบ้อ
หรืองานการหลายจนว่ายุ่งมุงมาคือฮากไผ่
หรือทางกายเจ็บป่วยไข้ ทางใจน้องบ่อซื่นบาน
อ้ายยังคอยถ่าอยู่บ้าน มหาคำก้ำหม่องเก่า
บอร์ดผญายังคองถ่าเจ้าหญ้านางหล่าให้ต่าวมา
หือนางลืมข้าวเบือแล้ว เป็นหญ้านางกลางเมืองใหญ่
ลืมต่อนแกงหน่อไม้ ไปหลงโอ้อยู่บ่อนใด๋
ให้เจ้าไวๆ ฟ้าวชาวมหายังถ่าอ่าน
ศิลปะผญานางที่จาต้าน มีคนเฝ้าถ่าอ่านเดอ