กำลังแสดงผล 1 ถึง 10 จากทั้งหมด 10

หัวข้อ: ถามข่าวน้องหญ้านาง

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ถามข่าวน้องหญ้านาง

    ตกมาเดือนห้าค้อยเมฆไหลลอยขี้ฝ้าเหง่า
    ค่ำแลงลงฝนตั้งเค้าใจผัดเศร้าปานเหง่าฝน
    คิดฮอดคนทางเซบายพุ้นหายไปดนมิดจี่หลี่
    ก่อนสงกรานต์จนว่าฮอดมื้อนี้บ่อเห็นน้องแม้แต่เงา
    คนที่เคยปากเว้าคำผญาจาออดอ่อย
    ซอมทางกะมิดจ้อย ประกาศหาแล้วกะแล้ว จักว่าน้องไปยุไส
    เป็นจั่งใด๋กะอยากฮู้น้องอยู่ดีหรือว่าบ่อ
    หรือมีคนตั๋วหลอกล่อแกงน้องใส่หน่อหวาย...ล่ะบ้อ
    หรืองานการหลายจนว่ายุ่งมุงมาคือฮากไผ่
    หรือทางกายเจ็บป่วยไข้ ทางใจน้องบ่อซื่นบาน
    อ้ายยังคอยถ่าอยู่บ้าน มหาคำก้ำหม่องเก่า
    บอร์ดผญายังคองถ่าเจ้าหญ้านางหล่าให้ต่าวมา
    หือนางลืมข้าวเบือแล้ว เป็นหญ้านางกลางเมืองใหญ่
    ลืมต่อนแกงหน่อไม้ ไปหลงโอ้อยู่บ่อนใด๋
    ให้เจ้าไวๆ ฟ้าวชาวมหายังถ่าอ่าน
    ศิลปะผญานางที่จาต้าน มีคนเฝ้าถ่าอ่านเดอ

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    คึดฮอดน้องแกคือกันค่ะ ปกติบ่มิดไปดนป่านนี้นา มาจ่ายผญาต่อแน่ะเด้อหล้าคั่นพอมีเวลา แฟนคลับคึดฮอดหลาย ใจสิขาดนำจ้าน้อง.. :l-
    มองต่าง..อย่างปลง

  3. #3
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    จนได้ประกาศหาติค่ะอ้ายทิดจ่อย อิอิ
    ฟ้าวไปนำหาน้องหญ้านางเด้ออ้าย เดี่ยวหนิแฮงเป็นยามคนกินแกงหวายหลายยุ คิคิ

    หญ้านางน้องเกาะกองทาวเครือ
    สิขึ้นเหนือหรือลงหนอง..ให้หน่วงนำคำคนเอิ้น
    อย่ามัวเดินหลงโคก..หลงโสกทางบ่แม่น
    กลับมาหาไม้แป้น..ปูถ่าให้พักเซา
    ปักหลักเสาถ่าเจ้า..มาทาวเครือเกี้ยวกอด
    คันคิดฮอดพี่น้อง..ให้โงโค้งต้าวมา..เด้อน้องนางเอ้ย

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แม่นอยู่ใสให้ข่าวด้วย คนสวยโปรดคืนถิ่น
    คนถวิลคิดฮอดน้อง จนหลงฮ้องโอ่หา
    คืนมาบ้านเถาะน้องหล่า แฟนผญายังถ่าอ่าน
    บุญสงกรานต์กะจนแล้ว นางแก้วไปอยู่ใส
    หรือว่าเป็นป่วยไข้ งานหลายเวียกจ่น
    หายไปดนแทะน้องหล่า มาจาส่อต่อกระบวน แน่เด้อ
    หรือคุณเธอกำลังโชค โฉลกดีมีงานม่วน
    ให้มาชวนเอื้อยอ้าย พอได้ไปม่วนนำ
    หรือว่าคำแพงแก้ว ไปหลงแอ่วทางแดนไกล
    ลืมแล้วไป่น้อมวลมิตร ที่คิดนำคำแพงน้อง
    เทียวมาส่องแต่หน้าบ้าน ทรมานใจคักแน่
    มามื้อได๋กะเห็นแต่ เกิบอิแตะหน้าบ้านเจ้า เลยเอาเมือบ้าน..อ่อยไฟ..แล้วล่ะ อิอิ



    เจ้าของบ้านบ่อยู่หลายกะดาย ต่อไปสิลักไก่ไปต้ม สู่อ้ายทิดจ่อยกินเด่ะ มาเฝ้าเอาเด้อครับ ฮ่าๆๆ
    แก้ไขครั้งสุดท้ายโดย พลายแก้ว; 21-04-2011 at 17:41.

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ทิดจ่อยเอ๋ย ลูกเขยแม่ ลูกหญ้านาง ได้งานโก้ พวมขึ้นโชให้คนเบิง

    ฟ้อนนวยนาย เทิ้งลำเซิ้ง งานนั่นกะแมนหลาย ปลีกโตหนีกะบอได้

    สิไปไสกะยากอยู่ แม่อยากบอกให้ลูกฮู้ ตอนนี่ นั่นเมื่อยหลาย

    งานเดินสายกำพวมหยุ่ง ออกจากกรุง แล้วไปต่อ ลงทางเหนือยังบอพอ

    ตะเว็นตกออกใต้ เดินสายเรื่อยแมนบอถอย คุมลูกน้องอีกอีกนับร้อย

    ให้ทิดจ่อยนั่นอดเอา ฮอดยามเซาหยุดเดินสาย แม่สิไปดอกส่งฟ้าว

    เดินสายยาวไปหลายหม่อง ให้เจ้าคองถ่าไปก่อน อีกสิบงานต้องไปฟ้อน

    อย่าใจฮ้อนให้อยู่รอ นี่แหล่ว


    แม่มาบอกข่าวจ้า อิอิอิอิ

  6. #6
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    หญ้านางเอ้ยน้องหล่า ไปไสน้อหนาน้องพี่
    อ้ายทิดจ่อยคนผู้ดี ใจวี่วอนนำเจ้า บ่มาเข้าต้อยผญ๋า
    กลับมาเด้อน้องหล่า บ้านมหาท่าหล่ำล่ำ
    สงสารแน่คำ ทิดจ่อยอ้าย เพิ่นนั่งไห้จนตาโป อิอิ



    มาแจมนำจ้าอ้ายทิดจ่อย ปราช์ญอีสาน นำหาคู่ขวัญเนาะ

  7. #7
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3
    อะนะ---อ้ายทิดจ่อย จนได้ว่า ผญา นำหาพู้นติอ้าย

    หญ้านางน้อย อ้ายทิดจ่อย ยังคอยหา ซั่นเด้นาง
    ไปหลงทางม่องได๋ ให้ต่าวคืนบ้านมหานั่น
    มีหยังกั้นกายไว้ กั้นใจบ่ให่แอ่ว ซั่นบ่
    หรือแม่นวางใจถิ่ม ขมองอิ่มจงคึดต่อ ให้คิดพ้อเอื้อยอ้าย
    ผุถ่าจ่ายผญาเจ้า ต่อคำเว้าของนาง ซั่นดอก--

    คือไปทางข้าง แล่นแจ้นๆ จั่งซี้น้อ บาดนิ

    ข้าแต่อาจารย์ผญา ขะน้อย อยากแต่งเป็นนำหมู่ ก่าเลยลองแต่งเบิ่งซั่นละเนาะ
    ลุงศรี อย่าวีฆ้อนไส่น้องเด้ละ แต่งผญาพออึดลึด อาดล๊าด นิ
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    กะจั่งว่านี้หละพี่น้อง ขอบคุณทุกๆ ท่าน ที่มาส่อยกันเอิ้น
    บ่อแม่นเลาไปนำผุบ่าวแล้วตริ อิ อิ อิ อั่นแม่เฒ่าชุดกะบ่อส่งข่าวจักเถื่อเนาะ หึยยยย


    แต่งผญานำหาน้องไปอ่องล่องบ่อคืนหวน
    จั่งมาชวนมิตรสหายย้อนห่วงหลายนำหาน้อง
    แม่นไปเกาะเกี่ยวข้องไม้สักทองทางใด๋บ่อ
    เลยลืมเกาะเกี่ยวก้อยกกติ้วน้อยได้ส่องหา
    หือไปคาเครือข่องคีงบางพ้อเนื้อคู่
    ยินเสียงกู่กูกเอิ้นให้นางน้องส่งข่าวคราว.....พะนะ

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อั่นว่าโตแม่เฒ่านี่ กะบอมีเวลากล่าว งานตัดเย็บหยุ่งบอเซา ขาดข่าวคราว

    ส่งบอกเจ้า ก็อย่าฟ้าวด่วนโมโห ว่าสิโทรไปบอกแล้ว ผัดหากลืม

    บอมีเบอร์ หาบอเจอจั๊กอยู่ไส ว่าเอาไปบอมีซ้ำ

    หนำบอมีคอมสิเล่น คอบจำเป็น ขาดส่งข่าว เรื่องลูกสาวของแม่นั่น

    ใจยังหมั่นต่อลูกเขย นี่แหล่วจ้า อิอิอิอิ ทิดจ่อย อย่าใจน้อยหลาย หึยยยยยย

  10. #10
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ป๊าสสสสสสสสส อ้ายทิด นางบ่ได้เข้ามาด่นจนได้เอิ้นประกาศหาพะนะ ขอบคุณแม่ลำซิ่ง อ้าย เอื้อย ทุกคนหลายๆเด้อจ้าที่ยังคึดฮอดนาง ขอโทษหลายๆจ้าช่วงนี้คาเคลียร์งานเลยบ่ได้เข้ามาบอร์ดผญาแต่จากนี้ไปกะสิพยายามเข้ามาดู๋ๆจ้า อิอิ


    ยังสบายดีบ่น้ออ้าย
    เอื้อยพี่ทั้งหลาย
    ใจสบายหายทุกข์
    ส่วงฤทัยหายฮ้อน
    ออนซอนนำผญาเอิ้น
    เตินใจให้น้องฮ่ำ
    อ่ำคะนิงอิงอ้อน
    หัวใจฮ้อนสิค่อยจา
    บุญผลาได้ห่างเว้น
    จิตกะเซ็นเป็นแนวต่าง
    คึดฮอดทางเอื้อยอ้าย
    อยากหมายเอื้อได้อ่าวหา
    แต่กะคาเครือข้อง
    คาคอคือเวียกใหญ่
    แต่หัวใจฝากไว้
    เป็นไทบ้านบ่าวมหา.....
    คือเก่าเนาะจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •