หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 28

..ตำบัว..

  1. #1
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330

    ดวงดาว The Star ..ตำบัว..


    ..มีเมนูแซบมาฝากพี่น้อง..คือ..ตำบัว..บัวที่ใช้ตำคือใช้ส่วนรากของบัว หรือที่บ้านผมเพิ่นเอิ้น..หัวบัว..
    หัวของบัวชนิดนี้เป็นชนิดเดียวกันกับบัวที่เฮาใช้ดอกมาไหว้พระหรือทำพิธีต่างๆชื่อบัวหลวง บางพื้นที่กะเอิ้นว่าบัวหนามเพราะลำต้นเป็นหนาม..
    สมัยเป็นเด็กน้อยเลี้ยงควายกะหารายได้พิเศษโดยการไปหาจกหัวบัวนี่หละมาขาย..ได้มื่อละกะต่า มื่อดู๋กะได้เป็นหาบ.
    .เมนูตำบัวนี่ที่บ้านถือว่าเป็นเมนูปกติครับ เพราะมีให้อยากให้กินอยู่ตลอด วัตถุดิบกะหาได้ง่าย..


    มีวัตถุดิบสำหรับเมนู..ตำบัว..ตามนี้ครับ

    หัวบัว/หัวหอยต้มสุกหั่นเป็นชิ้นเล็กๆ/มะขามเปียก/แม่เป้ง/น้ำปลาร้า/พริกป่นหรือพริกสดสีแดง/หอมแดง/ผงชูรส


    ..นำหัวบัวมาหั่นเป็นชิ้นไม่ใหญ่มากเพื่อให้ใส่ครกได้และตำง่าย..เสร็จแล้วก็ตำ..ไม่ต้องให้แหลกมาก..

    ..ตำบัว..

    ..ตำบัว..


    ..จากนั้นก็ปรุงรสโดยใส่พริกป่น/หอมแดงซอย/มะขามเปียก/น้ำปลาร้า/ผงชูรส..ตำให้เข้ากันแล้วชิมดู..ถ้ารสชาติถูกปากแล้วก็ใส่แม่เป้ง/หัวหอย..ตำให้เข้ากัน..แค่นี้เป็นอันเสร็จ..ได้เมนูระบายท้อง/แก้ง่วงแซบๆมา 1 จาน..55

    ..ตำบัว..

    ..ตำบัว..

    .มีคนมาพิสูจน์ฝีมือ..เป็นไผพี่น้องกะเบิ่งเอาเอง..หลอยมาแต่ยามได่กะบ่จัก..ตำบัวแล้วพอดี..กะเลยให้เพิ่นชิมก่อน เพราะเมนูนี่ผมบ่ได้เฮ็ดกินเองมา20กว่าปีแล้ว..55


    ..ตำบัว..

    ..ตำบัว..

    บอกให้เพิ่นเอาหัวบัวที่เหลือกลับไปตำสู่ผุอยู่เฮือนกิน.เพิ่นหละหักหัวบัวกินดิบๆเล่นเสย..เออ..แซบตั๊วหละ..รสชาติมันๆดีพะนะ..55

    ..ตำบัว..

    ..หลังจากกินตำบัว..ย่านเพิ่นแสบท้อง.กะเลยเลี้ยงข้าวปุ้นที่ป้าแม่บ้านเพิ่นเฮ็ดไว้ถ่า
    เป็นข้าวปุ้นน้ำยาลูกผสมระหว่างน้ำยาป่ากับน้ำยากะทิ..คือน้ำยาใส่กะทินิดหน่อยให้เข้มข้น ..แซบครับ..ได้สูตรมาจากพี่น้องทางบุรีรัมย์..งานนี้เจ้าบ้านปล่อยไทแขกลุยเองเลย..555


    ..ตำบัว..

    ..ตำบัว..

    ..ตำบัว..

    ..ตำบัว..


    .ขอบคุณเวบบ้านมหาดอทคอม.... .ขอบคุณอ้ายพลที่มายามถึงหม่องทำงานและพี่น้องที่เข้ามาเบิ่งครับ..
    แก้ไขครั้งสุดท้ายโดย กำพร้าผีน้อย; 25-04-2011 at 23:43. เหตุผล: แก้ไขคำผิด


  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    โอ๊ะ เป็นตาแซบแท้อ้าย ตำให้กินแน๊เด้อ ใส่มดอีกแล่ว อิ อิ อิ


    อ้ายพลมาคือกินหลายแท้จ้า บ่จุกติ้ 555555+

  3. #3
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    849
    บล็อก
    8
    เกิดมากะเพิ่ง เคยเห็นนี่ละ ตำหัวบัว เมนูแปลก อยากลองชิมเบิ่งเด้ เอามาชินแหน่คับอ้าย

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    ฮ่า ๆ ขอบคุณพ่อพราหมณ์ยางตลาดครับ ที่เลี้ยงดูปูเสื่อเป็นอย่างดี

    พ้อโรงทานแล้วบาดเนี่ย ยามเงินเบิ๊ดสิมายามดอก

    ไปมือเปล่า แต่ขากลับมีของติดไม้ติดมือกลับมากินนำ ....คุ้ม 5555

    เกิดจากท้องพ่อท้องแม่มากะบ่เคยกินดอก ตำบัวน่ะ นับว่าเป็นบุญปากขะน้อย..

  5. #5
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    ตำบัว เพิ่งเคยเห็นจ้า ป๊าดดดด อ้ายดุลย์ เมนูนี้บ่ได้เฮ็ดกินมา 20 ปีแล้ว ยังจำได้ยุเนาะ มีแม่เป้งนำ เป็นตาแซบแท้ นายแบบผุเพิ่นชิมแหมะ เป็นตาเผ็ดแท้จ้า

  6. #6
    ดูแลตรวจสอบเนื้อหา สัญลักษณ์ของ พ่อบักเบนซ์
    วันที่สมัคร
    Mar 2007
    ที่อยู่
    บ้านหนองทุ่ม เมืองพล ขอนแก่น ...City
    กระทู้
    350
    บาดหน้านายสิไปยามเด้อครับผม เฮ็ดให้กินนำแน้ครับ พึ่งเคยได้ยินนี้หละ ตำบัว เกิดมากะบ่เคยเห็นบ่เคยกินจักเทือคือกันครับ

  7. #7
    ร่วมถ่ายทอดความรู้สู่สังคม สัญลักษณ์ของ ฮักณ.ทุ่งใหญ่
    วันที่สมัคร
    Jan 2011
    กระทู้
    537
    ผมกะเพิ่งได้ยินหนิหละครับ ตำบัว แต่วากะทรงสิแซบยุครับ โดยเฉพาะขนมเส่น ป๊าดดดดดดดด เป็นตาอยากกินนำแทร่ (เว้าแล่วกะอิจฉาอ้ายพล)เผื่อนำจักสองจานแนเด้อ ครับอ้าย

  8. #8
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    5555 สำพอบ่มีคนมาฮ่มหมากมี่น่อ ไปลักลี้ตำกินสองคนบำรุงกระสุนหึได่บุ เฮ็ดปานเลี้ยงคนเหมิดคุ้ม 55 กินสองคน ไม่เรียกเลย 55

  9. #9
    แบ่งปันความรู้และประสบการณ์ สัญลักษณ์ของ อ้ายเขียว
    วันที่สมัคร
    Jan 2010
    กระทู้
    513
    เห็นแล้วส้มปากเด้อ้าย สุดยอดเมนูแล้ว หากินอยากครับเมนูนี้ หาซื้อทางได๋น้อครับหัวบัว

  10. #10
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,625
    ป้าด ที่ ดีเจ พล พญานาค ผุบริหารคุ้ม สามเสน มา เผิ่นให้ นั้งกิน เทิงโต๊ะ แต่ว่า เมนูนี้ เกิดมา 38 ฝน นะตะเคยได้ยินเด้อ ฮ่าๆๆๆ