กำลังแสดงผล 1 ถึง 10 จากทั้งหมด 10

ป๊ะหล่า..ไปไต้อึ่ง

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา ป๊ะหล่า..ไปไต้อึ่ง

    มือถือหวิงสะพายข่อง หัวกะคาดติดไฟโคม
    ใส่เกิบยาวที่เขาฮิต อีบู้ทยาวกันเท้า
    ใส่โส่งลิงโตน้อย ฮัดหลายจนแอวกิ่ว
    จนว่าหมากกะต้อน สองข้างสิบ่มี 555
    ฝนตกดีแต่หัวค่ำ หน่ำลงมาปานฟ้าฮั่ว
    เลยเตรียมตัวออกไต้ กบเฒ่าเทิงอึ่งยาง
    ซวนเอานางคนข้างบ้าน สิไปนำอ้ายบ่
    คันสิไปให้รีบฟ้าว ให้เตรียมข่องอีกหนึ่งใบ
    เฮาออกไปทางนาห้วย นอนางนอ กบมันมาก
    ฟังตี้เสียง จ้ากจ้ากฮ้อง ปานฟ้าสิล่วงบน
    สองคนเดินนำร่อง งานนาผ้ากะเปียก
    ฝนกะลงอีกซ้ำ รินย้อยอยู่บ่เซา
    เอาแมะนาง เอาแมะ นั้นคู่หนึ่งกำลังโคม
    บักคางลายกำลังปีน ขี่หลังอี่โตอ้วน
    นางกะซวนสะยานเต้น จับแอวกบใหญ่
    หักขายัดใส่ข่อง เทิงหัวยุ้ม ใส่พี่ชาย
    มางามหลายแท้น้อหล่า เทิงกายาน้องเปียกซุ่ม
    ใจเอ้ยใจมันฮ้อนฮุ่ม.. สาบ้อฮือ สาบ้อ.. ให้อดไว้แหน่ใจ555
    ข่องหนึ่งได้ กบใหญ่ จนเต็ม
    เลยเล่าจากับนาง ว่าพอกบ เซาแล้ว
    อ้ายสิพานางแก้ว ไปทางดอน หม่องอึ่งอยู่
    ฮ้องอึ่งอ่างอึ่งอ่าง ฟังตี้หล่า ฟ้าวย่างไป
    นางกะไวไวฟ้าว ออกก่อน อ้ายตามหลัง
    บั้นท้ายนางบาดยามเดิน แกว่งงามปานช้าง
    ฮอดกลางทางแถวใกล้ หม่องโพนทันกะเลยแว่ะ
    ป้าด ฝนลงแฮงแท้บาดนี่ เฮาเซาซ้น อยู่เลาะโพน ก่อนเปี๋ยงนาง
    นางเลยแนมเบิ่งหน้า เทิงวาจาบอกพี่
    ดับไฟถะแม้อ้าย ยามฝนฟ้ามันบ่ดี พะนะ
    แล้วหยับมาทางพี้ บังฝนให้น้องแหน่
    หนาวจนว่าสะบั้น จนคิงแข่นแก่นส่ำหิน
    หยับเข้าไปได้กลิ่นแก้ม อ้ายเลยสูด เอาเต็มมัก
    สองคนเฮาเหมิดแนวเฮ็ด...(โอ้ย555คึดเอาโลดผุอ่าน555)
    คึดฮอดวันเฮาพี่น้อง สองคนเฮาไปเบิ่ง เด้นอ
    หนังบักแหยมกับอี่เจ้ย เขาเซาซ้นอยู่เถียง
    จักเอียงขวาเอียงซ้าย เถียงนา กวยสนั่น
    ย้อนอี่เจ้ยอดบ่ได้ เห็นคันคากมันขี่กัน
    ในคืนนั้น บักแหยมเมื่อย แป๋ตาย
    เจ้ยหากสมใจหลาย พ่องหัว ฮิ้วฮ้อง
    อี่งเอ้ยอึ่งมึงบ่ท้อง กะตามมึงบักแหยมว่า
    ขาลากดินแล้วบักอ้าย ป๊ะ เมือบ้านแม่สิคอง ป๊ะ ป๊ะ ป๊ะ 55555ฮิ้ว
    :l-ป๊ะหล่า..ไปไต้อึ่ง:l-

  2. #2
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    220
    บล็อก
    2
    มางามหลายแท้น้อหล่า เทิงกายาน้องเปียกซุ่ม
    ใจเอ้ยใจมันฮ้อนฮุ่ม.. สาบ้อฮือ สาบ้อ.. ให้อดไว้แหน่ใจ 555


    บุ๋ยยยๆๆๆ ... 5555 หื่อ ! ไปโลด ถ่ากินต้มอึ่งอยู่บ้านดอก ย่านนนนนน

  3. #3
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    ...ใส่โส่งลิงโตน้อย ฮัดหลายจนแอวกิ่ว
    จนว่าหมากกะต้อน สองข้างสิบ่มี 555...

    ..มักหลายท่อนนี้ ตะสิโตนหมากกะต้อนแท้น้อบาดเนี๊ยะ..เนาะอึ่ง เนาะกบ..ฮ่าๆๆๆ

  4. #4
    ไคยุฟ้าบ่ฝ่า ฟ้ามันเลี่ยมนำเด้เนาะหลังฝนตก อิอิ

  5. #5
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    สิไปใต้ทางได๋น้อๆๆๆๆๆ อึ่งนี่แมะ จักต้มแนเด้อๆๆๆๆๆๆๆ

  6. #6
    ร่วมถ่ายทอดความรู้สู่สังคม สัญลักษณ์ของ GROOPPY
    วันที่สมัคร
    Nov 2009
    ที่อยู่
    Loei Thailand
    กระทู้
    734
    หาใบบักขามอ่อนไว้ถ่าก่อนดอก 555 เอาอึ่งแม่ไข่มาปิ้งแน่เด้อครับ

  7. #7
    เอาไผน้อมาลืมข่องกบไว้โพนหมากทัน

  8. #8

    เยี่ยมครับ

    ชั้นครูเลยขอชม จบครบถ้วนกระบวนความเลย เยี่ยมครับ

  9. #9
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855
    ละเอียดยิบ ตั้งแต่หมากกะต้อนกิ่ว ฮอดเถียงนาสั่น หลังจากนั้นเอ่นก็ยิ้มปุ้ยๆผิวปากย่างออกหน้าผู้สาว 555+ หมายเหตุ แสดงว่าเผิ่นนี้วางแผนมาดีบ่อคือไปไต้แมงกีนูน อิอิ

  10. #10
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    คึดเบิ่งเอา อ้ายเซียงน้อย555

    อ้ายเซียงเอ้ย... ล่ะแม่นไผ สิอดได้ กบอึ่งยังมีใจ
    มันยังจับคู่กัน ขี่หลัง เป็นคู่
    ดูดูไปอดใจกลั้น บ่อยากเฮ็ดคือมัน แต่ใจนั้นอดบ่อยู่
    ผุที่มาเป็นคู่ กะหั่งงามดั่งนางฟ้า ถืกฝนซ้ำคึดเบิ่งเอา
    คิงเลากลมสมส่วย นวยนายบาดนางย่าง
    ได้เข้านอนแนบข้าง แผ่นดินปลิ้นกะบ่แหนง5555
    คึดเบิ่งเอา อ้ายเซียงน้อย555:l-:l-คึดเบิ่งเอา อ้ายเซียงน้อย555