แรกเริ่มการเฮ็ดหมอนสม๊อคในบ้าน
น้องเขมฯ แม่ ๆ ป้า ๆ เพิ่นพากันต่างคนต่างเฮ็ด
บางคนเก็บไว้ บางคนกะขายแหน่แล้วแต่ว่าจะขายได้ ปีที่แล้วน้องเขมฯ
เลยชวนให้เพิ่นพากันรวมกลุ่มกัน เฮ็ดซ่อยกัน ตั้งราคาขายราคาเดียวกัน
ให้รายได้กระจายให้คนอื่นนำ น้องเขมฯ แค่เป็นพี่เลี้ยงให้เพิ่นอยู่ห่าง ๆ
อย่างห่วง ๆ :l-ผ่านไป 1 ปี มีหน่วยงานมาขอเบิ่งงานนำเพิ่นเป็นความภูมิใจลึก ๆ
ที่บ่อาจเก็บไว้คนเดียวได้ค่ะ เลยเอามาแบ่งปันให้พี่น้องเบิ่งนำค่ะ
พอมีการรวมกลุ่ม การพัฒนากะเกิดค่ะ จากที่มีลายหมอนแค่ 2-3 ลาย
เพิ่นกะพากันคิดลายใหม่ ๆ พัฒนาลายใหม่ ๆ ขึ้น สุดยอดอีหลีค่ะ
การบริหารจัดการกันภายในกลุ่มเพิ่นกะซ่อยตั้งกติกากันเองค่ะ
รวมไปฮอดการแบ่งงานกันเฮ็ดเพิ่นกะตั้งกติกากันเองนำค่ะ
จากการร่วมแรง ร่วมใจของกลุ่มเพิ่นเฮ็ดให้มีชุมชนอื่นสนใจมาเบิ่งการเฮ็ดงานของเพิ่นค่ะ
พี่น้องที่สนใจอยากหัดเฮ็ดเพิ่นกะยินดีสอนนำเด้อค่ะ หรือจะมายามให้กำลังใจเพิ่น
เพิ่นกะยินดีค่ะ ก่อนกลับอาจจะได้หมอนสม๊อคเป็นของฝากกะได้เด้อค่ะ
Bookmarks