หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

เพราะเรา...คู่กัน..

  1. #1

    เพราะเรา...คู่กัน..

    ตราบได๋ดาวยังคู่ฟ้า ดวงจันทราคู่ราตรี
    แสงสุรีย์ชี้ส่องใส ผ่องอำไพลงภายพื้น
    หมากเขือขื่นบ่กลายเป็นหมากส้ม เครือส้มลมบ่กลายเป็นเครือผักแว่น
    คำว่าแฟนยังแนบแหน่นติดอ้อนต้อน ออนซอนเจ้าเฝ้ารักเธอ
    ตราบได๋เด้อ..คันปูปลาบ่ลาน้ำ ท้องฟ้าครามมีเมฆหม่น
    กาลวสันต์ยังมีฝน หัวใจคนที่ฮักแท้ ยังแคร์เจ้าเฝ้าแต่รอ
    คันปลาหมอบ่กลายเป็นปลาค้าว ปลาขาวนาบ่กลายเป็นปลาจิเดิด
    ผักอิเลิดใบบ่ใหญ่ท่อกระด้ง รักคงที่ตราบนิรันดร์
    กาลเวลาบ่อาจกั้น ภูผาตันเหวซันซ่อง
    หรือแม่นหนองนทีกว้าง ขวางหน้าสิฝ่าไป
    ตราบได๋ไก่บ่เขี่ยไปทางหน้า ม้าบ่ป่งเป็นเขา
    หมากกะเลาบ่หุ้มก้น โพนบ่ย่างคือหมู
    ภูบ่เป็นดินเพียง บองสะรัญเนียงบ่เอียงคล้อย
    ตราบได๋กลอยหัวสั้น มันยังคันทันถืกแซ่
    อ้ายสิรักและดูแล คอยเทคแคร์บนไซเบอร์ จากคอมพิวเตอร์สู่โลก..อินเตอร์เนท...


    เพราะเรา...คู่กัน..เพราะเรา...คู่กัน..เพราะเรา...คู่กัน..

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    อ่ะบุยยย .. เป็นตาม่วนเนาะ..ดูแลบนโลกไฟเบอร์วะติ ควมคึดฮอดแล่นตามสายเนทเนาะ ฮ่าๆๆๆ

  3. #3
    ฮักนำแน่เด้อ มวนหลายเด้ผญ๋าเพิ่น

    อยากเป็นเด้ อยากเป็นสาวส่ำน้อยผู้ฮ้อยใจ

    ในนภารอท่าแต่อ้ายบ่าว อยากเป็นสาวคนนั้น คือสิตั้นตื่นชื่นหัวใจ แท้น้อ

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    พบปะพูดคุย สองคนบนหนทาง...ใจ

    สองคนบนหนทาง...ใจสองคนบนหนทาง...ใจ บู๋ยยย เปลี่ยนชื่อใหม่เป็นพลายแก้ว ว่าติ สองคนบนหนทาง...ใจสองคนบนหนทาง...ใจ

    อยากเห็นเด้ อยากเห็นสาวคนนั้น ผู้ที่เหมาสมกันกับอ้ายคือว่า...คงสิสวยสง่า งามทั้งใจและหน้า และดีพร้อมดอกส่ำกัน ชายเอ้ย... สองคนบนหนทาง...ใจ เอื้อยนางศิริพร พาว่า ฮ้าๆๆ

    ตราบได๋เดือนเพ็ญยังไสแจ้ง อิตะเวนยังมีแสง ยังฮักแพงกันคืือ....เก่า
    บ่ได้ปล่อยเปล่า เลาะทิ่มป้อย ลอยหนีน้ำออกทะเล
    สะพานบ่เพ ตึกบ่ถืกม้าง บ่ไกลล้าง หย่างถอยหนี
    ตราบยังชีวาอยู่ จะคอยดูแลอ้าย
    เสียงตามสาย ลายอักษรเส้น ถึงว่างเว้นแต่บ่เหินห่าง
    ยังมีนางอยู่เคียงอ้าย ถึงทำได้แค่...ลำมอง


    :l-:l- แจมนำแหน่ เห็น กลอนม่วนๆ อิอิ

  5. #5
    mikaze...อิอิ ตามนั้นละเพิ่น แนวเฮ็ดได้กะดาย ฮ่าๆๆ ขอบคุณสำหรับแรงใจครับ ในทุกคอมเมนท์...


    ข้าวต้มมัด...คันอยากเป็นกะมาติละเจ้า สิเอาใจไปต้อนต่อ
    สิเฝ้ารักและเฝ้ารอ ถักทอฝันสัมพันธ์สร้าง ร่วมทางสู้ไปคู่กัน...อิอิ


    นูน้อย... แม่นสิมาชื่อใหม่ แต่หัวใจบ่หลายแหง่
    ยังมีแต่พี่และน้อง ที่เนาว์ห้องแห่งเฮือน
    แม่นปีเดือนสิเคลื่อนย้าย ฮ้อนกลายสู่ฤดูฝน
    จากไปดนกะวนมา จำนรรจาคือเก่ากี้
    อ้ายกะรออยู่ตรงนี้ บ่เคยหนีป๋าปล่อย
    กะยังคอยตั้งแต่เจ้า และยังเฝ้าต่อผญา
    หลงมนตราอักษรแต้ม เพิ่นมาแซมให้ใจซื่น
    มิตรไมตรีบ่มีลืม ยังปลาบปลื้มซาบซ่าน แสนสะท้าน..ทุกอณู...



    ขอบคุณทุกกำลังแรงใจที่มีให้ตลอดมา ขอบคุณครับ..

  6. #6
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    พบปะพูดคุย

    :l-:l-:l- ขอบคุณเช่นกันจ้าอ้าย อิอิ ผญ๋าดื้อคือคนละเด้อทางนี้ บ่ได้มีความรู้หยางดอก อาศัยจื่อและอารมย์พาไปเอา จั่งได๋กะขอเป็นลูกศิษย์นำแหน่จักคน หลังจากฝากโตเป็นลูกศิษย์อาจายร์จ่อยไปแล้ว กะค่อยๆเรียนรู้มาเรื่อย 555555555 :b-b คาราวะท่านอาจารย์ หนึ่งจอก
    แก้ไขครั้งสุดท้ายโดย นู๋น้อย; 30-04-2011 at 09:01.

  7. #7
    ตอบ นู๋น้อย ครับ..


    พอได้ฟังคำเว้า ตามสำเนานักปราชญ์
    ผู้ฉลาดเลิศล้ำ คำจาน้อมเพิ่นถ่อมตน
    พอได้สนทนาร่วม ฮ่วมอักษรป้อนคำหว่าน
    ศิษย์อาจารย์จ่อยติเจ้า สำพอเว้าม่วนยิล
    ศัพท์สำนวนม่วนสิ้น ทะรงกลิ่นคำจาหวาน
    ได้พบพานเป็นบุญตา วาสนาจาดอมด้วย
    วอนคนสวยอิดูอ้าย คำได๋กายเกินล้นล่วง
    ขอให้นางได้ทักท้วง ควงแขนอ้ายใส่มรรคา
    อย่าเอิ้นว่า..อาจารย์..เถาะหล่า อายอัญญาผู้มาอ่าน
    อ้ายสิพาลปากบ่ได้ ย่อนอายท่าน..สั่น เขิลลล..นั่นแหล่ว อิอิ

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ขอม่วนนำแหน่5555

    จารย์หน้าลาวอยู่ทางพี้ มาตี้มา อ้ายสิบอก
    เรื่องผญาเล็กน้อย กล้วยเข้าปาก กะบ่อปาน
    สิพานางคราญหล่า ไปซ่อนปลา ไปไต้อึ่ง
    อ้ายสิพา เจ้าไปไต้ กินูนคั่ว ใส่แลง
    บอกแฮงแฮง ไปตามคลื่น อินเตอร์เน็ต ให้ฮู้ทั่ว
    สอนลูกศิษย์สาวท่อนั้น บักเทิกท้าวอย่ามาเด้อ 55555ฮิ้วๆๆๆๆๆ
    (ฮู้จักเว้าเล่นเว้าอิหลีแหน่เด้อ ไผกะดาย 55555)
    ขอม่วนนำแหน่5555ขอม่วนนำแหน่5555ขอม่วนนำแหน่5555

  9. #9
    ส่างมาเหลือใจฮ้าย เป็นตาหน่ายพวกหมู่
    สิเป็นครูหยังเรื่องมาก อยากได้แต่ศิษย์สาว
    ทางผุบ่าวบ่ให้ใกล้ หนีไกลๆ พะนะว่า
    อันลูกศิษย์ลูกหา ไก่วัดวาสมภารท่าน สิฉันม้วนโม่มกิน
    พอได้ยินคำอ้าง ส่างมาฉิวปานจี่เกิบ
    สิสอน เวิร์ฟ ทู ดู หือได๋บู๋ซงเว้า
    บ่กล้าเข้าไปหวงห้าม หมูเขาสิหามบ่กล้าสอด
    ห่าตำปรอดดด เพื่อนผุข้าฯ บาดยามฟ้าเหิ่มเหลือง..แน่แม้ 5555



    หึยยยยย คันแข่ววุ้ย ให้ป้อยสาเถาะ หน่ายเสี่ยวตะของ..5555

  10. #10
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318
    ได้ยินตะคนเว่า หนุ้มหน้าลาว เพิ่นเปิดสอน
    มาตาสะออน ว่ารับสอน แต่สาวสาว
    ซุ่มผู้บ่าว อย่ามาไกล้ ไปให้ไกลโลดเพิ่นว่า
    หน้าลาวสิเสาะหา เอาผู้สาวเข้ามาซ้อน ฮ่วมดอกห้องเรียน
    อันแนวว่าผญาย่อย แนวทางข่อยดอกถนัด
    สิสอนให้เห็นชัด สอนให้เห็นแจ้ง หนทางแห่งแต่งผญา
    ให้คนลือคนส่า ว่าหน้าลาวเพิ่นเก่งแล้ว
    ให้ศิษย์แก้วดอกเก่งตาม สั้นแหล่วพี่น้องเอยยย

    5555555พิจารณาเอาเด้อผู้สาวทั้งหลายจ้า อาจารย์หน้าลาวนิจ้า แม้นบ่จ้าอ้ายพลายแก้ว:l-