เพราะเรา...คู่กัน..

[มะเหมี่ยว]

5555 ว่าสิไปเรียนผญา หน้าลาวพั่นว่ารับตะพุสาวพะนะ อ่อยยยยยยยข่อยกะพุสาวยุ(แต่ว่าไกล้เถ่าแล้ว) ลาวสิรับสอนบ่แหล่วบาดทีนี่...

[นู๋น้อย]

ตอบ นู๋น้อย ครับ..

พอได้ฟังคำเว้า ตามสำเนานักปราชญ์
ผู้ฉลาดเลิศล้ำ คำจาน้อมเพิ่นถ่อมตน
พอได้สนทนาร่วม ฮ่วมอักษรป้อนคำหว่าน
ศิษย์อาจารย์จ่อยติเจ้า สำพอเว้าม่วนยิล
ศัพท์สำนวนม่วนสิ้น ทะรงกลิ่นคำจาหวาน
ได้พบพานเป็นบุญตา วาสนาจาดอมด้วย
วอนคนสวยอิดูอ้าย คำได๋กายเกินล้นล่วง
ขอให้นางได้ทักท้วง ควงแขนอ้ายใส่มรรคา
อย่าเอิ้นว่า..อาจารย์..เถาะหล่า อายอัญญาผู้มาอ่าน
อ้ายสิพาลปากบ่ได้ ย่อนอายท่าน..สั่น เขิลลล..นั่นแหล่ว อิอิ

ธุจ้า

ปาเจรา จริยาโหนตุ คุรุวาส
น้อมนอบบาทบังคมครู ผู้ฝึกสอน
แค่ตอบคำเอ่ยเอื้อน ผ่านบทกลอน
เปรียบครูสอน สั่งศิษย์นิมิตงาม

:l-
โอ้ย...น้ออ้าย ที่เปรียบหมายเป็นครูสอน
เพราะสะออนนำบทกลอน และสะออนถึงควมเว้า
จั่งได้ฝากโตเป็นศิษย์เค้า หวังเผิ่งให้ครูเสริม
เพราะทุนเดิมนางต่ำ บ่เรียนนำดอกทางนี้
อันวจียังบ่กล้า หาญว่าเอ่ยหลายควม
ย้านไปหลวมโตเผลอ ปล่อยไก่ให้ชายเลี้ยง
นางเป็นเพียงคนดื้อ อย่าถือสาหากว่าล่วง
ให้อ้ายทวงทักเอิ้น ยามเดินอ้างย่างกลอน...

[นู๋น้อย]

จารย์หน้าลาวอยู่ทางพี้ มาตี้มา อ้ายสิบอก
เรื่องผญาเล็กน้อย กล้วยเข้าปาก กะบ่อปาน
สิพานางคราญหล่า ไปซ่อนปลา ไปไต้อึ่ง
อ้ายสิพา เจ้าไปไต้ กินูนคั่ว ใส่แลง
บอกแฮงแฮง ไปตามคลื่น อินเตอร์เน็ต ให้ฮู้ทั่ว
สอนลูกศิษย์สาวท่อนั้น บักเทิกท้าวอย่ามาเด้อ 55555ฮิ้วๆๆๆๆๆ
(ฮู้จักเว้าเล่นเว้าอิหลีแหน่เด้อ ไผกะดาย 55555)

ธุจ้า

ขอคาราวะอาจารย์ท่าน ผู้บ่ข่องป่องทางกลอน
ขะน้อยยังหัดอ่อน ในเรื่องกลอนผญ๋าย้อย
อยากฝากโตเป็นศิษย์น้อย กะย้านครูหล๋อยไปไต้อึ่ง
ย้านเบิ้ดหม่องจะพึ่ง กล่าวถามเอิ้นย้านบ่เห็น...นั้นแหล่ว

:b-b อ้าว คาราวะท่านอาจารย์ผู้ปราชญ์เปรื่องเรื่องหากิน พะนะว่า... บ่แม่นลูกศิษย์จะหลายยุบ้อบาดนี้ อาจารย์รับสอนเฉพาะสาวๆนะ