อาหารบ้านๆที่มีชื่อว่า "ก้อยส้ม"

[นู๋น้อย]

:b-b ก่อนอื่นกะต้องบอกว่า เมนูนี้เป็นเมนูกับแกล้ม ค่ะ แต่กะเป็นกับข้าวได้คือกัน ถนัดนักแลเรื่องกับแกล้มนิ ได้ห่อส้มมาตะบ้านตอนสงกรานต์แม่ห่อให้ มีทั้งส้มหมูและส้มเนื้อ สมัยเป็นสาวน้อยเอ๊าะ 12-13 ขวบ พ่อกับอ้ายใช้ให้เฮ็ดกับแกล้มดู๋กะเลยจื่อได้ แต่ตอนนั้นจักแซบบ่แซบ แต่กะเบิ้ดสุเทื่อ :l-

มาลงมือกันเลยแบบบ่หวงสูตร

ห่อส้ม หมู กับเนื้อ




บี้ให้หมุ่นๆ ใส่ พริกป่น ข้าวคั่ว หอมซอย(ขนมาตะบ้าน) และหอมอื่นๆเท่าที่มี แต่ เกาใส่แต่หอมแดงกะแซบละ จ้า



คลุกๆขย้ำๆ (ล้างมือก่อนเด้อจ้า)



ได้ที่ละซิมเบิ่ง เค็มๆ ส้มๆ เผ็ดๆ เอาเป็นว่าใช้ได้ ตักใส้ถ้วยพร้อมเสิร์ฟกับผักต่างเท่าที่มี





:b-b มีน้ำปานะตั้งข้างๆ แม๋...เข้ากันอิหลีเด้ละนาง ท่านพ่อเลาว่า บ่สงวนลิขสิทธิ์เด้อจ้า

[สาวทองแพง]

ไสละติ๊บข้าวจ้านู๋น้อย ยกมาให้จกกิบกับก้อยส้มจักปั้นแหน่ :l-

ว่าแล้วอากาศกำลังฮ้อน สิไปซื้อเนื้อมาเฮ็ดกินอยู่ดอกจ้า

[กะทิสด]

...นู่ๆๆ...วันที่ 14 เฮ็ดให่ซิมแน่เด้อ.....สาวหล่า....

[คนตระการ...]

ก้อยนี่บ่อทันเลยลองครับ..ปิ้งส่มกะแซบ จี่ส่มกะแซบ

[บ่าวห้วยละโอง]

หญิงหญ่ายหาแนวมาให้ชายหิวข้ายอีกแล้ว เอามาส่งวังผักกะแยง2จานเด้อด่วนๆ

[ฮักณ.ทุ่งใหญ่]

เป็นตาแซบเนาะครับ ได้ข้าวเหนียวฮ้อนๆ จักนอย คือสิคักน้อครับ

[บอยเมืองยศ]

ว้าววววววกับแกล้มห่อไว้หลายๆๆแนหัวล้าน....

[pcalibration]

กับแกล้มอย่างดีนี่เอง..แนมด้วยพริกทีละครึ่งเม็ดกะเทียม 1 กลีบ
รับรองซี๊ดน้ำตาออกหูเลยสิบอกให่...ขอบคุ้ณขอบคุณ
:b-b:b-b

[๛หนุ่มบ้านไกล๛]

โอ้ยยยยยยยย ส้มปาก อยากลองชิมเด้

[จ่าเหลือง]

ป้าด อ้ายเอ่ย น้ำลายแตก เลย เปิดเจอ กำลังสิเที่ยง หิวๆๆ ไปแนวแหบก่อน ฮ่าๆๆๆ