ขอเอ้ยอ้างศาสดาองค์เอก ได้ยุในวิเวกหวังมุ่งสู่พระนิพพาน
จั่งสิเอ้ยอ้างทางพระสุบินนิมิต ก่อนสัมฤทธิ์มหามงคลมีผล ๕ประการ ท่านเอ้ย
๑)ทรงพระสุบินแจ้ง แอนองค์บรรทมหงาย
พระวรกายเหนือปฐพี พระเศียรศรีหนุนเขาหิมพานต์พุ้น
พระหัตถ์ซ้ายซูนหยั่งพื้นทางทิศบูรพา
พระหัตถ์ขวาและพระบาทาทั้งคู่ หยั่งสู่มหาสมุทรทางทิศใต้
๒)ทรงพระสุบินแจ้ง แหนงหญ้าแทรกแตกหน่อ
ต่อจากพระนาภี ยาวบ่มีที่สินสุด หมุดไปจรดฟ้า
๓) ทรงพระสุบินแจ้ง หมู่หนอนน้อยหลากสีขาวดำด่าง
ไต่ขึ้นทางพระบาทา เกาะจนเต็มพระชงฆ์
ทุกตัวตนไต่เต้า เข้าถึงพระชานุมณทล
อย่าสุฟ่าวพากันฉงง
เดียวนางสิเป็นคนเขยแจ้ง แต่งมาให้ท่านอ่าน
๔)ทรงพระสุบินว่า ฝูงนกบินมา ๔ จำพวก
บวกกันมามีสีต่าง สีเหลืองเขียวแดงดำบ้าง บินมาจาก ๔ ทิศทาง
เกาะกลุ่มก้อนแนบลงยุคลบาท
เหตุประหลาดกลับกลาย เป็นสีขาวทุกตัวตนหมดสิ้น
๕) ทรงพระสุบินแจ้ง แดนดงด้นป่า
เดินจงกลมบนยอดผา ภูเขาใหญ่สูงล้น
อลวนปฏิกูลมากมูล ทั้งเหม็นพร้อม
แต่บ่หอนเฮ็ดให้ ปนเปื้อนพุทบาท
มิบังอาจกีดกั้น เฮ็ดให้บรรลุธรรม นัน้แหล่ว
Bookmarks