..ลาบนกเป็ด.เมนูเอาเคล็ดงานเปิดตัว...

[กำพร้าผีน้อย]

..วันที่ 14 ช่วงเช้า ซึ่งเป็นมื่องาน เปิดตัวอัลบั้มเติมฝันปั้นดาวของพี่น้องสมาชิกบ้านมหาเฮา.
.ทางนี่หละคึดหาแนวกิน แนวแปลกๆที่บ่ค่อยได้กิน...พอดีผ้อ..นกเป็ด..ที่แม่ค้าทางเมืองกะสินเพิ่นเอามาขาย กะเลยซื้อมาลอง 3 โต
ราคาค่อนข้างแพงครับพี่น้อง โตละเป็นร้อย แต่กะซางเนาะแนวมันอยาก แพงกะกิน..555

.

.ซื้อของมาแล้วกะมอบภาระให้ป้าแม่บ้านเพิ่นจัดการอยู่ปั้มบ่ฮ่างแต่นางเมิน..ทางนี่กะจกเวียกจะของ.
.ขั้นตอนต่างๆกะบ่แตกต่างจากการเฮ็ดลาบเป็ดครับ..







..หลังจากเลาะเอาเนื้อนกออกมาแล้วกะสับให้ละเอียด+ลวกให้สุก หั่นผักเตรียมเครื่องไว้ จากนั่นกะปรุงรสตามใจปาก
เครื่องปรุงหลักๆกะมี ข้าวคั่ว/น้ำปลา/พริกป่่น/ผงชูรส/ผักชี/ต้นหอม/ผักชีฝรั่ง/ข่า/ตะไคร้/ใบมะกรูด/สะระแหน่ไว้แต่งหน้า








ส่วนที่เหลือจากลาบกะเอามาต้มซดน้ำ..สูตรกะแบบเดียวกับต้มเป็ดนั่นหละ..



..แล้วพอดี..ทางนี้กะย่าวเลย เอิ้นอ้ายพล พระยาแลมานำเพื่อที่สิมาซื้อของบางอย่างไปงาน..แต่มื่อนี่บ่ได้ถ่ายรูปเลาไว้.
.กินล้ายหลายๆแหมะพี่น้อง เพิ่นว่าเมนูนี่อ้ายกะบ่เคยกิน เจ้านี่กินแต่ของแปลกๆเนาะพะนะ..ว่าให้เฮาเสย..5555





..ช่วงที่กำลังกิน..ผู้ใหญ่บ้าน บ้านมหาเฮา..บ่าวคนเดิม..เพิ่นว่าเพิ่นฮอดหม่องงานแล้ว เลยบอกเพิ่นว่าสิเอาลาบนกเป็ดไปสู่กินเด้อ.
.เพิ่นหละฟ่าวว่า ผมปั้นกินแนแล้วหละแต่เช่า..แต่ฟ่าวๆมาแนกะดีเด้อพะนะ...ทางนี่กะเตรียมโต พี่น้องสมาชิกพร้อมแล้วกะเดินทางทันที.
.ไปฮอดกะให้พี่น้องทีมงานจัดการ..ตั้งสำรับเอิ้นผู้ใหญ่บ้านมาชิม..ลาบนกเป็ด..





..คิดว่าคือสิแซบเติบยุ..ได้ยินทิดรสเอิ้นหาซ้อน.
.จ่าเหลืองสวนทันที..สิเอาซ้อนมาหยังคือบ่มีแนวซด สิซดลาบนกเป็ดติแฮ่งมีน้อยยุ..อย่าได๋ ..พะนะ.





..หลังจากกินข้าวกับลาบนกเป็ดแล้ว พี่น้องทีมงานกะซ่อยกันจัดการภารกิจต่างๆเพื่อให้งานช่วงแลงสนุกเต็มที่
บ่ให้มีแนวขัดคา..มื่อนี่ให้เก่งคือนกเด้อพี่น้องเฮา..สุดท้ายแล้วงานกะออกมาเป็นที่น่าพอใจครับ..

..ขอบคุณเวบบ้านมหา/ขอบคุณพี่น้องสมาชิกและทีมงานทุกท่านครับ..

[พล พระยาแล]

ลองซิมแล้วรสชาติดีครับ ถ้ากินหลายกะย่านบ่าวคนเดิมบ่ได้กิน กะเลยโหยะ ๆ ไว้ครับ

ว่าแล้วกะสิไปลงอ่างก่อน สงสัยนกเป็ดน้ำเริ่มสิออกฤทธิ์แล้วล่ะเบิ่งซงกะดาย 55555

[ลุนนี ศรีเกษ]

หึยยยยยยยยยย ปานนี้จั่งสิฮู้ว่าลาบนกเป็ด(โตละเป็นร้อย) ป้าย่างฮะเถียงนาน้อย สิไปสวัสดีวมต.
เสียงเอิ้นว่า มาเดอออออกินลาบงูสิงห์ พะนะ พะนา กินงู กะเลยว่าเชิญแซบเลยจ้า แนวคนบ่อกินงูเนาะ โอ๋ยยย คันว่าลาบนกเป็ดอันแสนแพง กะสิซิมนำยุดอก หมายซาดว่าตะของได้กินแล่วนั้นหนา
เบิ่งซง วมต. เพิ่นคุ้ย ม้วนผักนำคำข้าวกะสิบ่อทัน เบิ่งซงคือสิแซบเติบยุ เซียยยดายจัง........
คันได้กินลาบนกเป็ดน้ำ อะสิลืมแจ่วแพวผัก คันได้กินพาเงินพาคำอย่าสิลืมกะเบียนฮ่าง เดอพี่น้อง

[คนตระการ...]

ฮ่วย มื่อหน่าจัดอีกแน่เด้อท่าน ..น้ำลายไหลนำเว่ย...

[pui.lab]

อ้ายดุลย์ ว่างๆจะไปกินข้าวเที่ยงนำเด้อ ลาบนกบ่ได้กินนำดอกอ้าย หัวหน้าปุ้ย
จ้ำอยู่คนเดียว ย่านเลาบ่อิ่มปุ้ยเลยบ่ได้กินนำ

[จ่าเหลือง]

ฮ่าๆๆๆ เมนูนี้ แชบ ของเผิ่น ยุ เอาไป หนึ่งแบงค์ อิสานเขียว ฮ่าๆๆๆ

ตั๊วหมู่ไว้กะ บ่ฟัง ย้านเอื้อยติ่ม กับ ดีเจปุ้ย แย่งกิน ฮ่าๆๆ

เอื้อยติ่ม: ลาบยังน้องจ่า

จ่าเหลือง: บ่ แมนลาบเอื้อย ผัดงู

เอื้อยติ่ม: ชั่นเอื้อยบ่กินหรอก

จ่าเหลือง: ฮ่าๆๆๆๆ

บ่าวคนเดิม: เออ!บ่าวยางตลาด เผิ่นว่า ก้อยนก บ่ แมนตี้

เอื้อยติ๋ม: โอ้ย น้อ ให้เอื้อยชิมแน่จักคำ

ฮ่าๆๆๆๆ แชบ บ่ แชบ เบิ่งเอาครับพี่ ข้าวเหนี่ยวเบิดไปกองไหย่

[เซียนเมา]

ลาบนกเป็ด บ่ได้กินโดนแล้วจนลืมรสชาดไปแล้ว
เห็นแล้วกะอยากนำ แกล้มเบิ่งเด้เนาะ

[คนพนมไพร]

ขั่นกินกับพี่น้องซุมเฮา แม่นอิหยังกะแซบ ขั่นแนวมันแซบแล้วกะหากินยากจั่งลาบนกเป็ดแห่งสิแซบเป็นตาหน่าย เว้าแล้วกะอยากนำ

[สาวผู้ฮ้าย]

แซ่บๆๆๆๆๆๆๆๆๆๆๆหลายเด้อจ้า แนวบ่เคยกินกะได้กิน แซ่บตอนแย่งคำข้าว วมต.นิล่ะ5555555

[บ่าวข้าวจี่]

ป้าด...พากันกินอยู่ไส เป็นตาแซ่บแท้...