กำลังแสดงผล 1 ถึง 8 จากทั้งหมด 8

หัวข้อ: ซวนน้อง..คืนนา..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ซวนน้อง..คืนนา..

    หอมไอดินแกมกลิ่นหญ้า ยามฝนซาตอนฟ้าใหม่
    ความสดใสชุ่มชื้น กลับคืนคุ้มพุ่มพฤกษ์ไพร
    คูนไสวชูช่อ ออกดอกจ่อจีจูม
    แลเป็นพุ่มพวงงาม เหลืองอร่ามตามคันฮั้ว
    ผักลืมผัวคะน่องม้า เทิ่งผักขาปิ้นป่งหน่อ
    เทิ่งผักขอแลผักพาย เป็นลายทางสระพังแก้ว
    เสียงแซวๆยามฝนเอื้อน ยินเสียงเตือนกบฮ้องโห่
    เขียดอีไม้ฮ้องฮับต้อน จินาซ้อนส่งสะแนน
    อึ่งอ่างแอ่นอกเอ่ยอ้อ คละคลอส่งเสียงประสาน
    เป็นสัญญานฤดูฝน เวียนมาวนอีกคราแล้ว
    ฝากเสียงแซวผู้ไกลบ้าน หลังสงกรานต์สิคืนอ่วย
    ถึงคนสวยคนผู้นั้น ที่ฝันพ้ออยู่สุวัน
    สิได้หันคืนมาบ้าน มาหว่านข้าวบ้านเฮาบ่
    แต่ปีกลายนั้นน้อ มาคิดพ้อตั้งแต่เจ้า ผู้เคยเว้าหยอกกัน.. แท้นา..



    สำพอข้าวหยุ่งดอกยามเกี่ยว ตอนหว่านข้าวหยอกกันโพด 5555

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ไผ๋มีรูป"ผักลืมผัว" แน่ะคะ เอามาเบิ่งแน่ะเด้อค่ะ คาดว่าสิมีหลายคนอยู่ที่บ่รู้จักคือกันค่ะ..
    มองต่าง..อย่างปลง

  3. #3
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    ...บ่ไปเหล๊วหาย่างเหล่น ขี่ตมเลนสิฟ่งใส่
    นากะไกลแดดกะฮ้อน ซ่างมาเอิ้นเฒ่าห่าตำ
    ...เก็บมาแหม๊ผักลืมผัวกะน่องม้า เทิงผักขากำลังป่ง
    เก็บบักเขียหน่วยต่งต่ง กินกับป่นเขียดน้อยอั่นซุมฮ้องอยู่ทั่วนา.... นั่นแหล่ว

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    "ผักลืมผัวคะน่องม้า เทิ่งผักขาปิ้นป่งหน่อ"
    เยี่ยมคักเสี่ยว เฮาย้านขายดีย้อนวรรคนี้ยุดอก 5555555

  5. #5
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    สุดหรรษา กบเขียดฮ้องต้อนฮับเสียงฝน
    เหลียวเบิ่งคนผุอยู่หลัง กำลังนังจาเว้า
    ฟ้ามืดดำมาเป็นเค้า สิเข้านาได้เริ่มใหม่
    คิดนำคำบักอ้าย ชายผุท่านั่งคอย
    อย่าฟ่าวทำใจน้อย คือดอกคำฝอยเด้ออ้ายพี่
    ไวมื่อดีคืนดีสิกลับมาหาพี่แท้ มายามต้อนตอนเฮ็ดนา เด้ออ้ายเอ้ย



    มาแจมนำจ้าเพื่อน
    แก้ไขครั้งสุดท้ายโดย ข้าวต้มมัด; 26-04-2011 at 04:06.

  6. #6
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296


    คิดว่านี้สิแม้น ผักลืมผัว น้อจ้า
    มีแนวสิถามต่อจ้า ว่าเป็นหยังเพิ่นจั่งเอิ้น"ผักลืมผัว" จ้า
    ช่วยไขปัญหาเด็กน้อยแหน่เด้อจ้า

  7. #7
    ศึกษาหาความรู้ สัญลักษณ์ของ หนุ่มน้ำโขง1
    วันที่สมัคร
    Apr 2010
    กระทู้
    48
    ญาอ้ายพลายแก้วเอ้ย น้องมาขอในผักลืมผัวนินาอ้าย
    พอได้เอาแนวนไปไว้ปลูกให้กิ๊กกิน เหอๆๆๆๆ

  8. #8
    ศึกษาหาความรู้ สัญลักษณ์ของ หนุ่มน้ำโขง1
    วันที่สมัคร
    Apr 2010
    กระทู้
    48
    แต่ผมว่ายอดผักลืมผัวนั่นถ้าไผได้กินแล้วลืมไปชั่วขณะอะหลี เอิ้กๆๆ แม่นบ่อ้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •