กำลังแสดงผล 1 ถึง 4 จากทั้งหมด 4

หัวข้อ: ฮักอ้ายหลายตายกะส่าง

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    ฮักอ้ายหลายตายกะส่าง

    หอบผ้าแลนนำอ้าย ชายมาประเทศต่าง

    ดั้นด้นทางข้างหน้า ที่คอยท่าถ้าทาย

    ย้อนความหมายว่าฮักอ้าย ชายหนึ่งในดวงใจ

    หนทางไกลส่ำได๋ แต่หัวใจบ่เคยล้า

    อุปสรรคขวากหน้า พงษ์หนาร่วมบากบั่น

    ต่างอดทนและอดกลั้น ปันข้าวก้อนสู่กันกิน

    จินต์กรรมเวรนำต้อง ตอบสนองถ้วนถี่ มี่ทั้งดีและฮ้ายไกลใกล้ไล่ทัน นั้นแหล่ว

    แนววาสนาคนบ๊อคือกัน ทุกคืนวันผันเปลี่ยน

    อดทนพากเพียรฮักแท้ ซ่อยแม่พ่อยุไทย

    อดออมเงินจนว่าได้ ชื้อเฮือนใหม่คือบ้านเขา

    พอให้ลูกสองเฮา แลนเล่นเป็นสวนบ้าง

    หยังบ่หยังยุหลังอ้าย ยอมโสตายแล้วเด้อพี่

    ย้อนว่าฮักอีหลี บ๊อเคยมีปลิ้นปล้อน พี่สอนน้องให้ฮักจริง นั้นแหล่ว
    แก้ไขครั้งสุดท้ายโดย ข้าวต้มมัด; 19-05-2011 at 14:38.

  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ควมฮักมาแหล่นกุ้มคือกะสุ่มงุมหัว
    ควมฮักมาพอพอคือกะทองุมไว่..ปานนั่นอยู่ติข้าวต้มมัด

    (สาวอุดรต้องจ้อนสิ่นแหล่นตั๊วจั่งสิแหม่น)
    *****
    แนวหว่าบุญผลาสร่างปางหลังแต่ครั้งก่อน
    จำต้องจรหนีจากบ้านสถานก้วงถิ่มห่วงหลัง
    ไปลำพังหนีพ้นความยากจนแสนลำบาก
    บ่อยากพรากพี่น้องแต่กรรมต้องให่ผ่าเวร
    :l-:l-:,1-:l-:l-

  3. #3
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อิอิ อ้ายพี น้องอยากจ้อนยุจ้าสิ่นแลน
    แต่สาวสมัยใหม่ใส่แต่กางเกงจ้า
    แต่งผญ๋าเว้าถืกใจหลายค่ะอ้ายแม่นๆๆ


    แมนหนทางสิไกลเยิ้น เกินคำสิบรรยาย
    อัศจรรย์ใจหล๊ายหลาย จั๊กฮักกันได้จั่งได๋น้อ
    คือจั่งเคยพบพ้อ สายแนนน้อดึงจ่อง
    สายตาเกี้ยวเนี่ยวค่องน่อง มาค้องเข้าใส่กัน นั้นแหล่ว
    แนวยุไกลคือพันไว้ เกรียวหัวใจได้กุ่มก่อ
    ความฮักให้ห่อหุ่ม โฮมตุ้มพาเจริญ
    ตกกระเทินส่อยกันสร้าง หนทางสู้ต่อ
    ต่างอดทนบ่อย่อท้อ ความหวังน้อหากบ่ไกล นั้นแล้ว

  4. #4
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    กลับมาสาหล่า มากินต้มปลาค่อไหย่ เมืองนอกแดนศิวิไลย์ไหนเลยจะเท่า ทมป่าข่า อิอิ ยังท่าอยู่เด้อ... จํากลอนลําสาธิตกลอนหนึ่งเผิ่นว่า "มีลูกหนึ่งตัวอ้ายกะสิคอง มีลูกสองตัวอ้ายกะสิท่า ลูกสามสี่ห้า คันเจ้าป๋าผัวมาตัวอ้ายกะสิแต่ง" ฮ่าๆๆๆ กลอนเผิ่นพาว่า
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •