หน้าที่ 1 จากทั้งหมด 5 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 45

ความคิดฮอด.....

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    ความคิดฮอด.....

    ใจเอ้ยใจคือเป็นไป น้อ ลายต่าง
    ใจคือเป็นว้างอ้าง หนักน่วงบ่ส่วงเส่า
    คิดเห็นแต่คำเว่า คำเก่าที่เคยจา
    สนทนาพาทีกับคนดี ยามจาเว่า
    ย่านแต่ในใจเจ้า เว่าเล่นไปบ่ได่ฮัม
    บ่คิดนำอิน้อง ให้หมองเศร้า เน่าทางใจ
    ....แม่นบ่จริงใจแท้ ชายเอ้ย ให้บอกแน
    พ่อกับแม่นางหล่า คอยถ่ายุสุแลง
    เพิ่นละแปลงพาข้าว ถามนางสุเส่าค่ำ
    ว่าเป็นหยังโตอ้ายหายจ้อย บ่ค่อยเห็น .......สั่นแหล่ว..


  2. #2
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ความคิดฮอด.....

    สิบ่แม่นความฮักเข้าตาแล่วบ้อเอื้อย....

    ใส่แว่นคือนางซา บิดบังความช้ำ ให้มาลัยเอื้อย๑

    แต่งได้ถูกใจ




  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ความคิดฮอด.....


    แม่นถ้าไผหล่ะไก่ฟ้า ปราถนานำไผน่อ มาซ่างเฮ็ดกะด้อ ลักป๋าทิ่มกะซ่างเป็น
    ได้คึดเห็นนำคำเว้า คิดฮอดเขาอยู่ออ้มล่อม ได้ถนุถนอม เก็บเอาความฮักไว้ ใจสิม้างมุ่นเพ
    แม่นไผเด๊มาตั๋วเจ้า ทิ่มความเหงา เอาใจออ่ย ตั๋วให้คอยค่ำเช้า เอาความเว้าออ่ยหวาน
    น่าสงสารผู้เฒ่า แต่งพาข้าว ถ้าจนจ่อย ทางผู้บ่าวหนีไปจ้อย ทิ่มไก่น้อย ให้ฮ่ำหาสั้นบ้อ

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ความคิดฮอด.....

    โอน้อ..ความฮัก ความคิดฮอดมันจอดอยู่กลางหัวใจ
    ถึงสิไลลาไกลกะคิดนำบ่มีเว่น
    กรรมหรือเวรหยังแหล่วอ้ายเอ้ย ...เคยสร้างแต่ปางก่อน
    จั่งมาเฮดให้น้องได่นั่งเศร้าข้าวบ่กิน ...(กินแต่กับ อิ อิ)
    ...แม่นสิป๋าลาทิ่ม ชายเอ้ยน้องบ่ว่า
    ขอให้จา บอกเว่า ทางผุเฒ่าเพิ่นละคอย

    (กะลังอินเลิฟรึได่ละนาง 555 )





  5. #5
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ความคิดฮอด.....

    ป้าด เจ่าติ อินลีฟ เว่าสู่น้องฟังแหน๋ อั่นผุใด่ คือซางมากล้าลักหัวใจสาวกาสินแท้หล่ะ

    ครั้นลําบากในการคึดฮอดหลาย บอกเผิ่นมาขอซาเอื้อย อิแม่เจ่าฝากนางไว่กะดั่ยนางสิดูแลเลาไห่ (เจ่ามีน้องซายบ่ ฮ่าๆ)
    อิอิอิิ

  6. #6
    บ่าวสายฟ้า
    Guest

    Re: ความคิดฮอด.....

    เฮือนไผฝักลาบน้อ แนมไปคือทางไปเฮือนสาวไก่ แท้ บ๊ะ ย่างไปเบิ่งจักบาดก่อนน๊า

  7. #7
    kuru
    Guest

    Re: ความคิดฮอด.....

    คันบ่ได้เห็นหน้า เห็นหลังคากะพออยู่
    เห็นแต่ซิ่นพาดไว้ ใจอ้ายกะหวั่นไหว
    นางเอ้ย.............

  8. #8
    atirat
    Guest

    Re: ความคิดฮอด.....

    นี่ละน้อเพิ่นว่า .... ความฮักมาแล่นตุ้มคือสุ่มงุมหัว ความฮักพัวพันคอคือกะทอคุมไว้
    แม่นผู้ได๋เด้หล้าซังมาป๋าทิ่มปล่อย บ่หลูโตนคนคอย ให้นั่งหงอยอยู่บ้าน งานเวียกกะบ่เอา
    อย่าสุเหงาหลายหล่า ให้เจ้าเซ็ดน้ำตาทางอ้ายกะยังอยู่ นั่งจอบเบิ่งสู่มื้อนางน้องให้หล่ำเห็น
    อย่าซะมองข้ามเว้น ดึกฆ้อนกลายบักม่วง อย่าสิค่วงฆ้อนถิ่ม พ้อหมาฮ้ายยังได้ตีเด้คำ...

  9. #9
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ความคิดฮอด.....

    แม่นเวรกรรมหยังแหล่ว สร้างมาแต่ปางก่อน อ้ายเอ้ย.. จั่งมาเฮดให้น้องหมองเศร้าบ่ชื่นบาน
    จักว่ามารทานฮ้าย แนวได่ดอกคุณพี่ น้องละได่อักนั่งลี้ เทิงนอนไห้อยู่ผุเดียว
    จักสิเหลียวหาไผแหล่ว แนวคนไกลเพิ่นบ่ต้าว บ่ส่งข่าวให้น้อง ทางนี้หละนั่งคอย
    .......กำลังใจน้อยๆจากพี่ขิโก๋นา ส่ำวาจาคำหวานปลอบประโลมให้หายกุ้ม
    ขอขอบคุณยาอ้าย ซึ้งใจหลายคำอ้ายนั่นเป็นห่วง บอกดวงใจ ดวงน้อยๆกะพลอยได้ชื่นบาน
    จากไปนาน เขาไปแล้ว ข่าวคร่าวกะบ่ส่ง .... ปานไปท่งเดินหน้า บ่โงโค้งต่าวหลัง
    นางสิขออยู่ยั้ง คอยเมิงใจเขา ว่าไล ลาป๋า ..บ่ต้าวนามาหาน้อง
    มันสิหมองสิเศร้า ส่ำได่สิทนอยู่ ดอกอ้ายเอ้ย .. ให้เพิ่นฮู้ใจน้อง ว่าฮักแท้แม่นส่ำได่....น่อละชายย เอ่ยน่อ ..


  10. #10
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3

    Re: ความคิดฮอด.....

    วางหัวใจให้อ้ายแล้ว
    สิเห็นเป็นแก้ว หรือว่าเศษหิน
    สิมีค่าเทียมฟ้า หรือว่าแค่เศษดิน
    กะแล้วแต่อ้ายตัดสินใจ...
    ด้วย ความตั้งใจ ..สิมอบให้
    ถ้าบ่เห็นค่า...กะอย่าผลักไส..
    แค่ให้ฮู้ไว้...
    บ่เคยมีไผ...นอกจากอ้ายผู้เดียว...