มากินข้าวเที่ยงอยู่แถวๆ ชุมพรจ้า กับร้านนี้ ครัวอิสานน ห้องน้ำเพิ่นน่ารักดีจ้า เก็บภาพไว้จักหน่อย
เช่นเคยจ้า เก็บภาพแห่งความทรงจำเอาไว้ ว่าเฮากินหยังแหน่
แล้วกะเดินทางกันต่อจ้า จากชุมพรมาสุราษฎร์ฝนตกตลอดทางเลยจ้าพี่น้อง ผู้นอนอยู่ทางหลังคือจิเปียกเบิดละคือ
จุดพักรถอีกปั๊มหนึ่ง จอดเข้าห้องน้ำ เปลี่ยนอิริยาบทกันแหน่จักหน่อย แต่พอย่างกลับมา สภาพแต่ละคน
ป๋าขาคือมานอนคือโดราเอมอนแท้ ฮ่าๆ
ไปถ่ายรูปไว้กะน้า แต่หลังๆ เพิ่นเริ่มจิรู้โตแล้ว อิอิ
มาถึงบ้านท่านประธานคุ้ม ประมาณหกโมงแลงกว่าๆ เช่นเคยพี่นางเฮ็ดแนวกินไว้ถ่าอีกแล้ว ขอบคุณหลายๆจ้า
แต่ละคนกะเทียะแล้วกะเลยแยกย้ายกันไปนอน เหลือแต่สองท่านที่กำลังปรึกษากันแบบเครียดๆ เรื่องค่ายเพลงใหม่
ขอบคุณสมุยบอย ช่างภาพคนหล่อจ้า
ออกเดินทางกันจากบ้านท่านประธานเวลาตีหนึ่งกว่าๆ เพื่อให้ทันเรือเที่ยวตีห้า มาฮอดตีสี่ครึ่ง แต่ว่าบ่ทันรถบรรทุก ขนผักผลไม้
เพิ่นให้ลงเรือเที่ยวหกโมงเช้าเป็นคันแรก แล้วสภาพแต่ละคนอยู่เทิงเรือกะเป็นคือเห็น อิอิ
ปิดท้ายทริปนี้กับฮูปตะเว็นกำลังสิขึ้นจากทะเลจ้า สิ้นสุดการเดินทางกว่า 1,627กิโลเมตรไปกลับ เกาะสมุย-กรุงเทพฯ
ขอบคุณมิตรภาพของไทพี่น้องชาวเกาะเฮา ที่ร่วมเดินทางไปนำกันตลอดสามมื้อ สามคืน
ขอบคุณความสามัคคีของสมาชิกบ้านมหาทะเลใต้ ที่รวมโตกันได้เพื่องานนี้โดยเฉพาะ
แม่นว่าสมาชิกบางท่านบ่สามารถมาได้ย้อนว่าติดภารกิจ กะถือว่าเป็นเหตุสุดวิสัย และหวังเป็นอย่างยิ่งว่า
เฮาคงมีโอกาสได้เฮ็ดกิจกรรมดีๆ ฮ่วมกันแบบนี้อีกเด้อจ้า
ขอบคุณท่านประธานคุ้ม อ้ายหนุ่มแก่นนครกับพี่นาง สำหรับการต้อนรับที่อบอุ่นทั้งขาไปและขากลับ
ขอบคุณเอื้อยคนติดเกาะสำหรับหม่องอยู่หม่องเซาเด้อจ้า
ขอบคุณทีมงาน อ.ข้าวจี่และทีมงานทุกท่านที่ร่วมแรงร่วมใจกันเฮ็ดให้งานดีๆ แบบนี้ได้เกิดขึ้น และผ่านพ้นไปได้ด้วยดีจ้า
และที่สำคัญลืมบ่ได้ กะคือขอบคุณไปยังท่านเว็บมาสเตอร์ ญาอ้ายบ่าวคนเดิม ที่สร้างสรรค์เว็บดีๆนี้ขึ้นมา
ให้คนอีสานบ้านเฮาได้มาตุ้มมาโฮมกัน เป็นกำลังใจให้อ้ายตลอดไปจ้า
Bookmarks