กำลังแสดงผล 1 ถึง 7 จากทั้งหมด 7

ฮ้องไห้แข่งเขียด

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    ฮ้องไห้แข่งเขียด

    ฮ้องไห้แข่งเขียด

    ฮ้องไห้แข่งเขียด

    สายฝนจุมพิตพื้น ธรณีหอมไอกลิ่น
    ผืนแผ่นดินใหญ่ก้วง สุขล้ำน้ำเจิ่งนอง
    ฝูงหมู่กบเขียดฮ้อง เป็นทำนองเอิ้นหาคู่
    ผู้ผิดหวังนั่งสะอื้น อยู่เถียงน้อยหม่องพักใจ
    เสียงเครื่องไฟอยู่ในบ้าน งานกินดองผุสาวเก่า
    เป็นแฟนเขาแล้วน้องแก้ว สมแล้วเป็นคู่นาง
    เหลือแต่ความอ้างว้างน้ำตาหลั่งปานสายฝน
    สาละวนนำความหลังเขียดขาคำผัดมาฮ้อง
    อึ่งบักยางผสานซ้องประสานเสียงฮ้องหงึ่งหง่าง
    นั่งถ่างตาหลับบ่อได้ใจมันฮ้อนว่าแม่นไฟ
    บายข่องได้พร้อมแบตไฟสะพายบ่า
    ลงท่งนาหาเขียดน้อยพอได้ก้อยแกล้มเหล้าขาว
    ลำล่องยาวไห้สะบั้นพอปานกันกับเต้ยโศก
    เสียง โกก! เกก! อึ่งเผ้า คือโฮไห้กล่อมกัน
    เขียดบักแดงฮ้องอยู่จั้นๆ ฮ้องเส็งกันสนั่นท่ง
    กบโตนลงบวกน้ำเซาฮ้องบัดหย่างกาย
    สายฝนยังคงย้อย ตกพรำๆ เป็นฝอยฝุ่น
    น้ำตาอุ่นเปียกแก้ม ใจสะอื้นขื่นขม
    เสียงระงม กรอด กรอด ฮ้อง เขียดบักแอะเบิดหน้าจ่ม
    ฮ้องระงมนำป่าหญ้านาโคกป่ากระเดา
    ฟังเสียง โกด! โกด! เว้า เขียดขายาวออกวางไข่
    งอยอยู่เทิงหง่าไม้มีฟองห้อยเป็นไข่ฮัง
    ฟังเสียงเขียดจานาฮ้อง เสียง แอ้ะๆ แอ๊กๆ
    แอ็บๆ ฮ้อง คือเจ้าบ่าวน้อง สิเยาะหยัน
    อ้ายนี้แทบสิไห้กลั้น น้ำตาหลั่งออกเป็นสาย
    เช็ดน้ำตาฟูมฟายบ่ออยากอายฮอดเขียดน้อย
    หย่างใจลอยสะดุดล้ม ตกคันแทก้นขี้ทั่ง
    ซังเสียงเขียดอีโม้ฮ้อง คือนางน้องฮ้องสั่งลา

  2. #2
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    683
    อ่านผญาอ้ายทิดจ่อยแล่ว นึกถึงมื่อนั่นน้องสาวมุกเอาผญาอ้ายทิดไปอ่านให้บักเสือน้อยฟัง(ปลูกฝังให้มันรู้จักผญาภาษาอีสานน่ะค่ะ) มันฟังไปแต่ละคำกะให้แม่อิ๊กแปลให้ฟังทีละคำๆ ...แม่คนแปลไปกะขำไป.....อดขำบ่ได้กับภาษาอีสานที่เจ้าของแปลเอง อิอิ มันฟังไปบางคำกะถามขึ้นมาว่า มันใช่หรือแม่คำนี้ มันแปลว่าอย่างนี้จริงหรือครับ มันว่า...อิอิ

    เด็กน้อยสมัยใหม่เนาะจ้า มันบ่เคยได้ยิน

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    เขียดจานา..ฮ้อง..แอ๊ะๆๆๆ..มันขี่เดียดหือมันสมน้ำหน้าคนตกคันแทนี่หละ
    กลับเมือฮอดเฮือน..ไก่สองโตตกใจฮ้องเยาะเย้ยอีก...บักบัก บักห่า...บักบัก บักห่า
    ไคแหน่แต่เป็ดก่า(เป็ดเทศ)ซุมนอนอยู่ข้างคอกงัว...มันบอกหว่า..ลาบลาบ..ลาบลาบ..หว่าซั่นน๊า..ก๊ากกส์
    ......ฟังให้ดีดีเด้อทิดจ่อย:,1-

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    เป็นตาสงสารคักเนาะจ้าทิดจ่อยจ๋า อั่นสงสารเขียดนั่นดอกวา อิอิอิอิ

    มวนหลายจ้า อ่านแล้ว วาดภาพ แล้ว อยากให่นำ ให่นำเขียดนั่นน๊า อิอิอิอิ

  5. #5
    สมาชิกที่ยังไม่ยืนยันอีเมล์
    วันที่สมัคร
    Jan 2009
    ที่อยู่
    บ้านละเอาะ ต.จีกแดก จ.สุรินทร์
    กระทู้
    531
    บล็อก
    1
    โอ้ยน้อ...จับกบ..มีฮอดเต้ยโศก .... ซ่างมาเฮ้ดบาปอ้ายผู้วาสหน่อยน้อนางเอย

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    อิ อิ อิ ขอบคุณพี่น้องทุกท่านที่เข้ามาอ่านและแสดงความสงสารและเห็นใจ...เขียด..พะนะว่า
    มื้อคืนที่แล้วฝนตกหนัก บ่อฮู้สิเฮ็ดหยังเลยไปหาไต้เขียด กะเลยคิดฮอดควมเก่าควมหลัง
    กะเลยได้เขียนผญาให้พี่น้องอ่านซั่นดอก ....พะน้า ..พะนะ

    อ้ายพี อ้ายพี ไก่เจ้าสะมะกะต๊ากเป็นตาต้มใส่ใบบักขามอ่อนแท้
    55555
    แก้ไขครั้งสุดท้ายโดย ทิดจ่อย; 26-05-2011 at 11:19.

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ฮ้าๆๆ ออยถืกใจหลายผญากลอนนี้จ้า อ้ายจารย์จ่อยอ้าย "แฟนเขาผุสาวอ้าย" พะนะ ต่อกลอนเบิ่งกะน่า ห่าเทื่อมันคือ

    เสียงกบฮ้อง แข่งกันประชัดแช่ม
    เสียงเขียดแกม แซมอึ่งเต้ยบทกลอนหย่าว
    เสียงเฮือนสาวเปิดเครื่องเสียงกินดองกะปานนั้น
    ใจเอ้ยใจ อดสากั้นหันยาวๆให้มันส่วง
    พออยากป่วง บุกงานเจ้าสาวเอ้ยชู้เก่าหลัง
    น้ำตาพังไหลย้วยๆ คนสวยอ้ายไปเป็นอื่น
    บ่มีคืนกลับหวนแล้ว แฟนเขาเอ้ยสาวเก่านาง.......


    อิอิ อยากเว้าแทนเจ้าสาวว่า ...
    ...นางหล้าพอปานกัน สุดใจกั้นงานแต่ง ทดแทนคุณ
    เพื่อบ่ให้ขุ่นมารดา เคื่องใจให้หมายหม้าง
    ใจนางหล่ายังฮักอ้ายอยู่คือเก่า
    แต่ตัดใจเป็นแฟนเขา เจ็บทดเอาเรื่องเก่าๆฝังใจไว้
    ให้อ้ายชายพบใหม่พ้อ คนดีๆศักดิ์ศรีเอี่ยม
    ให้ทัดเทียมโตบักอ้ายชายคนโก้ บ่าวผู้ไค
    ให้ได้สดใสหน้า การงานเจริญฮุ่ง
    สมหมายมุ่งทุกก้าวย่าง ทางเดินหน้าให้สง่างาม...เด้ออ้ายเอ่ย

    อิอิ อารมย์พาไป ฮ้าๆๆ