กำลังแสดงผล 1 ถึง 8 จากทั้งหมด 8

วาสนาน้องหน่อย 2

  1. #1
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    220
    บล็อก
    2

    วาสนาน้องหน่อย 2

    หลูโตนใจเจ้าของฮ่าย...ฟายน้ำตา เป็นบ้าป่วง
    คนเคยฮัก ใจเคยหวง หลุดมือแล้วถิ่มฮอยแป้ว ให้ครวญหา
    หวานเด้น้อคำว่า"รักทอฟ้า" กะอย่าเอามาเปรียบ
    อย่าเอามาเทียบความฮักเฮาให้ต่อกันในวันนั้น
    ชายเอ๊ย...ชายผู้องค์อินทร์แกล้งปั้นแต่งให้น้องหลง
    ให้น้องฮักจนงง พะวงนำแต่คำอ้าย
    หวานเหลือฮ้าย ยามพี่ชายออดอ้อนวา
    "แพงเจ้าป่านหน่วยตา ฮักเจ้าป่านหน่วยแก้ว" ฟังแล้วซุมฮอดใจ
    หนุนตักนอน อ้อนคำเว้า ภาพเก่าๆยังติดตา
    บายแก้มขวาหยิกแก้มซ้ายป่วนใจจนคีงฮ้อน
    ฮอดยามนอนวา "ฝันดีเด้อหล้า" ข้อความมาให้เนื้ออุ่น
    เจ้าผู้แก้มจุ่นพุนของบักอ้าย อย่าฝันฮอดแหม่นผู้ได๋ เด้อนาง .....
    ชายเอ๊ย... เจ้าผู้พวงดอกซ้อน น้องอยากซ้อน ซ่อนเสี่ยงไว้ในใจ
    บ่ให้พ้อผู้ได๋ ให้อยู่ในแต่ใจน้อง
    แต่ความจริงแล้วบ่มีไผ๋ ครอบครองไผ๋ ได้คือวา
    แพ้ทางวาสนาได้แต่ยอมปล่อยฮ่าง วางอ้ายให้เพิ่นเขา
    วาสนาหน่อย สุดมือสอย กะต้องปล่อย
    คงเหลือไว้แต่ฮอยดอกรักร่วง กลีบหล่นลงดิน
    หอมเอ้ย..หอมกลิ่นดอกวาสนาหอมมาในมือเพิ่น
    กลบกลิ่นดอกรักร้าว จั่กสิเอิ้นอ้ายคืนดอกจั่งได๋

    ฝนฟ้ามาพาอารมณ์ไปนำซือๆดอกจ้า
    แก้ไขครั้งสุดท้ายโดย กะแยงนา; 26-05-2011 at 16:40.

  2. #2
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    "หอมเอ้ย..หอมกลิ่นดอกวาสนาหอมมาในมือเพิ่น
    กลบกลิ่นดอกรักร้าว จั่กสิเอิ้นอ้ายคืนดอกจั่งได๋ "

    ว้าว....กรี๊ด ๆ ๆ ๆ สุดยอดจ้ากะแยงนา ...เอาอีก ๆ ๆ ๆ

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    วาสนากาดำน้อย ต้อยต่ำอยู่เพียงดิน
    บ่ถวินหาหงส์ เสริมส่งให้มันวุ่น
    ถึงพ่อคุณม่วนนำฟ้า ลืมหมู่กาเคยพักฮ่วม
    ลืมฮอดควมเก่าเว้า แนวไปเย้าคำอื่นแทน
    ใจเคยหวงแหนไว้ เพื่อชายบ่หมายอื่น
    หากสิคืนใจให้แก่เจ้า คืนคำเว้าว่า...ฮักกัน ซั่นเด้..อ้ายเอ่ย

    แจมนำแหน่จ้าเอื้อย ม่วนๆ อิอิ

  4. #4
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,331
    วาสนาน้องหน่อย พะนะ ชื่อหน่อยพอดีเลยเข้ามาเบิ่งซั่นดอกว่า .

  5. #5
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,044
    บล็อก
    8
    บ่เป็นหยังน้องหล่า เนื้อคู่กันแล้วบ่แคล้วกัน
    แต่ที่สำคัญ "อย่าเป็นรักสามเศร้า เราสามคนเด้อ"
    มันจะเศร้า จะทุกข์ยิ่งกว่า แอบรักเขาข้างเดียว อิ อิ อิ

  6. #6
    สมาชิกที่ยังไม่ยืนยันอีเมล์
    วันที่สมัคร
    Oct 2008
    ที่อยู่
    สะพานใหม่
    กระทู้
    16
    เอื้อยกะแยงนา...หน้าคุ้นๆ นะ

    แมนเอื้อย อยู่ชั้น 16 สป.ทส. บ่นอ

    เห็นเสื้อส้มๆ คือเสื้อกีฬาสีนี้หล่ะ

    คันบ่แมนกะขออภัยมานะที่นี้..ที่ทักผิด

    คันแมนกะดีใจว่าไทบ้านเฮาอยู่ใกล้ๆ กัน

  7. #7
    ศึกษาหาความรู้ สัญลักษณ์ของ toyota1001
    วันที่สมัคร
    Feb 2010
    ที่อยู่
    นกขมิ้น ถิ่นพลาญชัย
    กระทู้
    61
    อย่าไปน้อยเนื้อหน้า น้ำตาอย่าไหลหลั่ง ช่ำความหวังที่วาดไว้บ่สมใจจั่งแม้งตะแคงข้างกระช่างมัน
    ให้เจ้าอดสากั้นใจต่อรอหวัง ความฮักเคยเพพังให้ปล่อยป๋าอย่าเก็บไว้ ปล่อยเขาไปเถิดนอหล้าวาสนาบ่สมเพิ่น แม่นไปเอิ้นเฮียกเว้าเขานั่นกะบ่แล ให้น้องแคร์คนข้าง อยู่บ่ห่างทางใจ สิไปใสมาใสค่อยห่วงหาบ่มีเว้น แม่นเจ็บเอ็นเป็นไข้ทางใจบ่ได้หล่า ขอให้เพียงพบหน้าเห็นน้องอยู่สิเว้น...สั่นดอกว้า ....น้องเอย

  8. #8
    อ้ายเอ๊ย.....
    วาสนาอีนางน้อย
    ได้หลงพลอยกำพร้าป่วง
    หวงฮักแฮงแพงฮักไว้
    เขาผัดได้พี่ไปนอน
    มาออนซอนแต่นำอ้าย
    มาเสียดายแต่นำพี่
    วาสนามีท่อนี้
    สิตีล้มให้ล่วงตม
    อ้ายเอ๊ย...
    นางนี้เครือผักส้ม
    บ่สมเครือพี่ผักใส่
    ซ้างกับแหย่งมันผัดไค
    ซ้างกับไซมันบ่คล้าย
    น้องกับอ้ายกะดั่งเดียว....นั้นแหล่ว
    มาม่วนนำเด้อจ้า เอื้อย....