กำลังแสดงผล 1 ถึง 6 จากทั้งหมด 6

บุญบั้งไฟ..มาฮอดแล้ว

  1. #1

    บุญบั้งไฟ..มาฮอดแล้ว

    พี่น้องเอ้ย....ขอสายกยกกลอนชี้ ประเพณีอีสานเก่า
    ถึงฮีตคลองตั้งแต่เค้า บาดยามเข้าสู่วสันต์
    หลังคิมหันต์สงกรานต์ล่วง ละเลยสู่ฤดูฝน
    ฝูงหมู่คนกะเตรียมการ สืบสานงานบั้งไฟโก้
    เอามาโชว์โสมาอ้าง อลังการงานใหญ่
    แห่บั้งไฟขบวนฟ้อน ออนซอนล้ำอร่ามตา
    มีผาแดงขึ้นขี่ม้า บักสามมากับนางไอ่
    งามประดุจดั่งเทพไท้ สวรรค์ย้ายสู่ดิน
    เครื่องประทินประดับโก้ โอ่องค์ละอออวน
    นำขบวนแห่บั้งไฟ สู่สายตาประชาราษฎร์
    จุดบั้งไฟอาดหลาดฟ้า เพื่อบูชาพญาแถน
    สัญญาณแทนบอกข่าวเตือน เคลื่อนสู่กาลทำนาไร่
    ประทานสายฝนฮำพื้น ให้ผืนดินได้จื้นซุ่ม
    พอให้ซุมพวกพี่น้อง ผองลุ่มใต้ได้เฮ็ดนา...แน่ถ่อน.


    :l-:l-:l-

  2. #2
    โอ่เฮาโอ่...พวกสาวเซิ้งเฮาโอ่
    ขอเหล้าโทนำผุบ่าวจักแก้ว
    อ้ายให้แล้วสาวสิเหล่าแถมพร
    ขอเมือนอนเป็นคู่คิงจักบาด
    ท้ายอาดหลาดสิสนใจนางบ่
    คึดติดต่อแต่นำอ้ายผุไค.....พะนะ (อดเซิ้งบั้งไฟนำบ่ได้จร้าอ้าย อิอิ)ม่วนหลายจ้า

    ฤดูกาลผันเปลี่ยนค้อย
    ฝนยอยๆสาดหน่ำๆ
    หญ้างามๆป่งดั้ว
    เขียวขั้วกลางท่งนา
    ผญานางสิบอกบั้น
    มาโฮมกันเตรียมบุญใหญ่
    บุญบั้งไฟไทบ้าน
    บอกตำนานอีสานแก่น
    ฮักแป่นแวนแหนพี่น้อง
    มาโฮมต้อมส่อยเอาบุญ....
    เด้อจร้า

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    พฤษภามาถึงแล้ว เดือนหกแซ่วเข้าเดือนเจ็ด
    พายุฝนพลอยลงเม็ด ให้เฮ็ดนาหว่านข้าวกล้า
    คิดฮอดยามนางหล้า น้อยเล็กเด็กอ่อนเฮียน
    เพียรนำไล่ตั๊กแตนบิน เก็บหอยปังตามคลองน้ำ
    ยามได้ยินเสียงเขาจุดบั้ง ไฟใหญ่ใกล้ตีนเฮือน
    ได้แต่แหงนหน้าหัน ตามสายบั้งไฟ้เร่ง
    เสียงเป้งๆ แตกปั้งๆ ยามบั้งไฟดังแตกพังเพ
    คึดย้านเด้แต่อยากเบิ่งตามประสา ยังอ่อนน้อย
    คึดฮอดฮอยควมหลังแล้ว ม่วนเหตามประสา
    อยากคืนถิ่นบ้านนาเจริญตาม ฮีตคลองดั้ง
    คืนความหลังอั่นประณีต วิถีชีวิตถิ่นอิสาน
    หัดหว่านไถนาใหม่ ไล่ตามฤดูต้อง
    ตามครรลองคลองแต่กี้ คือเก่าแล้วอยากต่าวคืน

    อิอิ แจมนำแหน่เด้อจ้า อาจารย์

  4. #4
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,368

    บุญบั้งไฟ..มาฮอดแล้ว

    มื้อนี่ ๒๘ พ.ค. ๕๔ บุญบั้งไฟบ้านโพนเมืองบักทัน กะเริ่มมื้อนี่หละครับ

    Thailand Rocket Launching Festival


    ลิขสิทธิ์บน YouTube Credit By : https://www.youtube.com/watch?v=2lFvsOkcfmo&feature=fvwrel

    บุญบั้งไฟ..มาฮอดแล้ว

    คลิ๊กอ่าน ประวัติประเพณีบุญบั้งไฟ ประเพณีขอฝนฅนอิสาน

  5. #5
    ขอบคุณครับ หญ้านาง ที่มาต่อกระทู้ให้ เว้าหยังกะม่วนเนาะคนงามคนเก่ง ม่วนหลายหล่า หย่าวต่อๆๆ 5555

    นู๋น้อย..ฮ่าๆๆๆ คิดฮอดตอนเป็นเด็กน้อยเนาะ...



    คิดฮอดเด้..คิดฮอดตั้งแต่กี้ ประเพณีบุญเดือนหก
    นู๋น้อยตกลงใจ เป็นนางไอ่แต่คราวกี้
    โตของพี่หาบกั๊บแก้ สายตาแลสิ่งส่อง
    เห็นแต่น้องเทิ่งหลังม้า มาหัวร่อบ่าวพี่ชาย
    เทิ่งอยากอายเจ้าผู้โก้ ส่วนโตอ้ายผิวดำก่ำ
    เธอมาขำทางอ้าย ใจเลยฮ้ายแอ่งฮึ้น
    กะเลยโยนกั๊บแก้ขึ้น ตกใส่หัวนางไอ่
    เจ้าเทิ่งฮ้ายเทิ่งป้อย พลอยตกม้าขาแพลง
    เจ้าป้อยแซ่งให้อ้าย จำได้หลายแม่นคัก
    แต่ว่าหากสุมื้อนี้ ดีกันแล้วฮักดั่งเดิม..เนาะนางเนาะ..5555

  6. #6
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ม่วนๆๆ จ้า อิอิ

    ตกใจจนหลงส้น ป่นตื่นตีนกับแก้
    แลดูชายผู้แกล้งอำ คึดคันแข่วนำหยังน้อส่างมาล้อหลอกกลั้นแกล้ว
    เหลียวเบิ่งขาเป็นแดงๆ แฮ่งตกใจปานไฟจ้ำ
    เห็นคนอำเผลอหลงป้อย ออยอ้ายเอ่ยส่างเป็นน้อ
    นี่เห็นบ่คนแฮ่งเจ็บ อยากเอาเล็บหยิกแขนเจ้า
    เวลาล่วงดนเข้า เซาเคียดแล้วละพี่ชาย
    มื้อนี้หมายหวังคืนดีว่าติ ความใจอ้าย
    คั้นสิหายให้หมดหม่อง คล่องใจในอดีต
    ขอล้างผิดจาก ลูกชิ้นปิ้ง 2 ไม้ได้บ่น้อ..อ้ายเอ่ย

    อิอิ