หัวอก..บ่าวบ้านมหา

[พลายแก้ว]

คนบ่หล่อพอส่ำอ้าย สิย่างกายบ่หลิงหล่ำ
ถึงตัวดำปอดปี้ ฤดีแผ้วผ่องใส
คันบ่เบิ่งใกล้ๆ กะไคแน่อยู่เด่ะสาว
กะเร้าใจอยู่เด่ะนาง ระยะทางหว่างเกินร้อย (เมตร)
เจ้าผู้สอยวอยหน้า สาวบ้านมหาผู้ตาตีบ (ยามยิ้ม)
อย่าฟ้าวฮีบด่วนฮ้าย เห็นหน้าหน่ายสะอาง
อย่าฟ้าวหมางเมินหน้า เว้าจานำจักคำแน่
ถึงบ่หล่อแต่รักแท้ บ่แปรปลิ้นหล่ายลวง
เจ้าผู้ดวงดอกส้ม อย่าไปหลงคารมบ่าวรูปหล่อ
ย่านเขาล่อหลอกเจ้า สิหมองเศร้าเก่าศรี
ถึงว่าในมื้อนี้ เงินทองพี่มีเพียงศูนย์
บาดภายลุนอาจถึงพัน คันซ่อยกันอาจถึงล้าน
จั่งโบราณเพิ่นว่าไว้ ให้เจ้าอดสาจ้ำ น้ำปลาแดกไปสาก่อน
หลอนว่าบุญส่งให้ ยังสิได้ซดอ่อมปลา
กะคือกันนั่นแหละหล่า อุปมาน้องกับพี่
ล๊อตเตอรี่ อ้ายกะซื้อไว้สุงวด ลังค่าตรวจถืกรางวัล..นั่นเด..

:l-:l-:l-

[ข้าวต้มมัด]

โอน้ออ้ายเอ้ย เจ้าผุเงาะดำเกลี้ยง ข้างในเหลี่ยมขาวผ่อง
เปรียบดั่งทองหลายค่าน้ำ ยามเจ้าเว้าเอ่ยจา
ไผ๋น้อ......นางคำหล่า สิมีวาสนาได้เป็นคู่
ผู้หมั่นดู๋คือจั่งอ้าย ไผ๋สิได้ร่วมฮ่วมเคียง น้ออ้ายเอ้ย

[ทิดจ่อย]

อ้าว! สิกหล่ะตริครับทิด มาหย่าวต่อซั่น ตามเชียร์ตลอดเดอครับ

[ดอกมันปลา]

ถึงอ้ายทิด(บ่าวบ้านมหา)สิผู้บ่เกี้ยง แต่อยากบอกว่าเนียงสลันบองเด้อ
55555555555555

[มะเหมี่ยว]

ซื้อโตได๋ล่ะอ้ายทิด ล๊อตเตอรรี่นั่นแหม
บอกนางนำแนสิไปซื้อนำ สั่นดอกหวาๆๆๆ

[เเมงสะดิ้ง]

โอ้หนอ...อ้ายพลายแก้วเอ้ย
ขอมาม่วนนำเด้อจ้า แต่วาจานั่นบ่คอง
ได้แต่ หลอง ลอง ล่อง ลองแล่วได้แต่ลอง

โอ๊ยพี่น้องเอ้ย...อั้นไว่หลายมันโลดปวดนั่นหนา
อัน วา อยาก ลอง เว่าเป็นผญาคือจั่งเพิ่นแท้เด๊
มันโลดมุ่นเอ้เป้อุ้ยปุ้ยคือจั่งเห็นนี่แหล่ว...ตะแหง่ว

[บ่าวอิง]

ล๊อตเตอรี่ อ้ายกะซื้อไว้สุงวด ลังค่าตรวจถืกรางวัล..นั่นเด..[/CENTER][/SIZE][/COLOR]

:l-:l-:l-

[/QUOTE]

คำเว้านี้มาถืกใจคักแหน่
อันโตผมกะซื้อไว้ ล๊อตเตอรี่ แห่งความหวัง
ซื้อมาหลายงวดตรวจได่กะบ่ถืกจักเทื่อ อ้ายเอย

[หนุ่มหน้าลาว]

ตัวพี่ซายผุนี้ ภูมิฐานดี พร้อมรูปหล่อ
เทียบพอพอฟิล์มกะได้ สาวหลงไห้แล่นนำ
เงินคำมีเป็นล้าน บ่หวังผลจากสลาก
แต่งเอามื้อละร้อย พวกสาวน้อยพวมจ่อจี
เอามาวีมาพัดให้ สำบายใจบ่อุกอั่ง
นั่งในเฮือนเรียกใช้ สาวเป็นปุ้ม มาแย่งชิง
บางมื้อจนได้วิ่ง ออกไปซ่อนย้านสาวเห็น
ตาเว็นตกจั่งโงเฮือน คอบผุสาวมากุมเกี้ยว
เหลียวเบิ่งกะไดบ้าน เฮือนซานบ่แห้งเหือด
ให้เลือกเบิ่งดู้น้องหล่า สิเอาอ้ายหรือพี่พลาย
คันสาวได๋ผุฮ้ายอย่ากลายเหยียบกระไดเฮือนเด้อ
อ้ายหน้าลาวสิหนหวยบ่อยากจากับคนฮ้าง
เดียวนี้ทั้งสองข้าง สาวมาดึงทึ้งกันใหญ่
ขวากะมีตั้งแปดร้อย ทางซ้ายอีกเคิ่งแสน 5555
...แบ่งเอาจักเคิ่งบ่เสี่ยว555...

[เเมงสะดิ้ง]

โอ๊ย...
อ่านแล่วอุกอั่งเอ้าพออยากเซาแนมฮอดหน้าพุ่นแล๊วหนุ่มหน้าลาวนี่เอย
แว่วๆ มาวาจาเจ้ามาซ่างเว่าให่ยายขี่เดียดแท้หนอ
ยายนี่ขอพอแล่ว อันแนวผุซายหลายหญิงผ่านนั่นแล่ว
แต่อันแนวยายอยากได่แมนพะชายมือแรกตั่วล่ะท้าว
ฮิ๊ว...

อันวา ป.ล.นี่แปลวาหยังกะตามซ่างเด้อหล่าเด้อ
ที่ยายเผลอปากเว่าอย่าเอาเข้าไปใส่ใจเด้อท้าว
ควมที่แมนแต่เค้าคือยายอยากเจ่าเว่าผญาสั่นดอก
ฮ่ะเฮ๊ย...เติ๊ดดดด
เต้ยส่งท้ายใส่ผญาได้บ่หือพี่น้อง....คือม่วนแท่ะหวา

[pui.lab]

อ่านแล้วก็ตาหลิโต๋นแท้น้อ เดี่ยวยายนู๋กับมา
ปรึกษายายก่อนว่าจะหอบผ้าแลนนำดิบ่