กำลังแสดงผล 1 ถึง 7 จากทั้งหมด 7

หัวข้อ: หลงร่างหุ่นเงา

  1. #1
    ศึกษาหาความรู้ สัญลักษณ์ของ แก้วแก่นหล่า
    วันที่สมัคร
    Aug 2008
    กระทู้
    13

    หลงร่างหุ่นเงา

    ยามเมื่อแลตาต้อง เห็นฮูปหลงฮัก
    แสนกะสันต์ในมโน ห่วงหาเห็นร่าง
    เหลียวเบิ่งปรางโอดเว้า ยินเสียงหลงเสน่ห์
    แยงใส่กายาเจ้า เห็นแล้วซุ่มใจ
    ปานใดนอจังสิได้ ฮ่วมอาสนาเตียง
    ปานได๋นอจังสิได้ ฮ่วมเฮียงพาขวัญน้อง
    ได้แต่คองคอยถ้า ซาดสิมา อ้ายคึดต่อ
    ขอให้แถนแนนเกี้ยว คือด้ามดั่งประสงค์ แน่ถ้อน

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แม่นสาวได๋น้อเจ้า ซ่างให้บ่าวหลงหล่า
    หลงวาจาปากต้าน ขานข้อคิดต่อแฮง
    หรือว่านางสวรรค์แกล้ง แปลงกายมาให้เบิ่ง
    ฮูปงามเถิงอินทร์ปั้น สวรรค์เบื้องป่อนมา
    คันแม่นมักกะอย่าซ้า ฟ้าวไปจาฮักฝากส่ง
    มัวตะหลงพร่ำเพ้อ ระวังเด้อ..ผู้จอบหลอย..ฮ่าๆๆๆ

  3. #3
    ศึกษาหาความรู้ สัญลักษณ์ของ แก้วแก่นหล่า
    วันที่สมัคร
    Aug 2008
    กระทู้
    13

    ตอบสานพลายแก้ว

    [SIZE="5"]สานนี้ถวยถึงไท้ ต้านตอบคำผญา
    อันว่ากายาหลง หุ่นองอวนน้อง
    บ่อาจปองเอาได้ คือไฟฮ้อนเฮ่ง
    ซุมอูดเอ้า มโนเศร้าเน่าทรวง
    จิงได้เขียนขีดแต้ม ผญาคำยอยื่น
    พอให้หายซ่วงกลุ้ม แยงเจ้าใส่ผญา สาแหล่ว

  4. #4
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    เจ้าผุแก้วแก่นหล่า..สอดวาจาสารส่ง
    ถึงอนงค์นาถไท้..คนไคก้ำแห่งได๋
    เผิ่นอยู่ไกลหรือใกล้..หรือว่าแม่นไทมหา
    สาวโสภาคนโก้..มโนน้องแก้มอ่องต่อง
    มีคนปองจ้องจาเว้า..ย้อนหลงร่างหุ่นเงา..พะนะ


    ม่วนๆส่งมาอีกเด้อ บัดฮ่าผุสาวเจ้าเข้ามาอ่านพ้อ

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ตอบ แก้วแก่นหล่า..ครับ



    พอได้ฟังคำต้าน สาร์นต่อยอกลอน
    อนาทรทนทุกข์ มะโนอุกปานไฟจี้
    ย่อนบ่มีคนแฝงเฝ้า นอนเนาว์ซ่อนอาสน์
    บ่สมปรารถ์นำนารถน้อง นวลเนื้อหน่อนาง
    อย่าเมินม้าง เหินห่างเฮือนมหา
    สาวโสภาเพียงอัปสร วาทอ่อนหวานปานตาลอ้อย
    ลองมาเตาะต่อมต้อย ออยเล่นพอได้ม่วน
    บรบวนบาดเว้า ย่านลืมเค้าผุสาวเดิม..พุ้นแหล่ว...อิอิ

  6. #6
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    หลงแต่ร่างกายากลมก่อง
    คิ้วจ่องก้องเขียนแต้มตื่มสอ
    สอคอลิ้นแกมกันการะเกด
    นิ้วนบเนตรเพียงพื้นมฤคี
    เกสีเส้นสายสางเส้นอ่อน
    อันว่านุทธะนาฎน้อง
    มองแล้วบ่แม่น
    คน..............พะนะ (ว่าเล่นเด้อจร้าอ้าย)55555555

    (มองแล้วว่าแม่นแถน)

  7. #7
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    5555 น้องนาง เอื้อยล่ะอ่านกำลังเพลิน ลงท้ายผัดว่า "บ่แม่นคน"เอื้อยเกือบหัวสัก 555

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •