กำลังแสดงผล 1 ถึง 4 จากทั้งหมด 4

หัวข้อ: ผุลังคนไปไสน้อ...

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา ผุลังคนไปไสน้อ...

    เมษากลายไปแล้ว หลายแนวกะหากล่วง
    ไปกับอากาศฮ้อน กับดินแห้งไง่ผง
    ตอนนี้ฝนมาย่าง เหยียบย่างเข้ามาแทน
    คิดฮอดแฟนที่เคยคุย ไปอยู่ไสบ่เห็นหน้า
    เถิงเวลาทำนาแล้ว สาวเอ้ย ให้กลับต่าว มาเด้อ
    เทิงพ่อแก่แม่เฒ่า เสียงเลาเว้าจ่มหา
    กลับมาถอนต้นกล้า เหน็บกลีบลงในตม
    กลับมาชมควายอีหลอย พร้อมลูกมันกำลังดื้อ
    กลับมาถือบักจกเหี้ยน สับคันแทแจหม่องขุ่ม
    กลับมาตุ้มพี่น้อง ซ่อยกันสร้างหว่านดำ
    เสียงหลวงพี่ตีกลองเพลอยู่ตั้มตั้ม เอิ้นเฮียกมาเตรียมบุญ
    งานบุญบั้งไฟแสน บ้านหมู่เฮากำลังเริ่ม
    พ่อลุงเติมเพิ่นเตรียมหมื่อ อาวทิดลีเพิ่นเตรียมบั้งไม้ไผ่
    พ่อใหญ่ไลไปแนมต้นไผ่บ้าน เอามาเอ้แต่งหาง
    แม่ใหญ่นางเตรียมข้าวคั่ว หัวหอม เทิงพริกป่น
    เสียงคนตำ จาม ฮัดเช้ย ฮัดเช้ย กลิ่นมันเข้า ใส่ดัง
    แม่ป้าลัง เพิ่นหัดเซิ้ง สอนหมู่เฮ็ดนำกัน
    เตินหลานซายหลานสาว พวมจ่อจี ให้มาฟ้อน
    ออนซอนเด้ ชาวบ้านอีสานเฮา สืบคลองฮีต
    ซ่อยกันเพียรสืบไว้ บ่ไลถิ่ม ฮีตเก่าหลัง
    เจ้าผุวังเวินน้ำ สาวงาม ผู้สมซ่า
    ชื่อสาว ดอกมันปลา ว่าสิกลับต่าวบ้าน ปานนี้ไปอยู่ไส
    บุญบั้งไฟเป็นวันที่สิบเก้า เจ้าอย่าลืมฟ้าวมาด่วน
    อ้ายสิคอยรับน้อง หม่องเคยเค้าเก่าเดิม
    กลับมาเติมแฮงใจอ้าย กลับมาเป็นแฮงใจ พอให้อ้ายนี้สู้ต่อ แหน่เด้อ
    กลับมาหอมแก้มอีพ่อ กลับมาหอมแก้มอีแม่
    เจ้าอย่าแซหลีกลี้ หนีไปซ้อน ผุบ่าวกรุง เด้อหล่าเอ้ย
    :l-:l-:l-

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    บ่ได้ไปใสดอกอ้าย บ่าวพี่ชายบ่ต้องห่วง
    นางไปควงผุบ่าวถ่า ซามพ้อหน้าผุเก่าเดิม พะนะว่า
    บ่ต้องห่วงนางเด้อจ้า น้อง 4 ถ่าอ้ายคือเก่า
    น้อง 4 เฝ้าคองคอยอ้าย แม่นหลายมื้อกะ 4 รอ
    ย่านเด้น้อ..ย่านแต่อ้าย จิมามายฮ้างนางก่อน
    หลงสะออนยินดีล่ำ นำสาว..ซะเราะแอง..อิอิ..



    เอาม่วนเด้อพี่น้อง อิอิ..

  3. #3
    ศึกษาหาความรู้
    วันที่สมัคร
    May 2010
    กระทู้
    23
    บ่ได้ไปใสดอกอ้าย บ่าวพี่ชายบ่ต้องห่วง
    นางไปควงผุบ่าวถ่า ซามพ้อหน้าผุเก่าเดิม พะนะว่า
    บ่ต้องห่วงนางเด้อจ้า น้อง 4 ถ่าอ้ายคือเก่า
    น้อง 4 เฝ้าคองคอยอ้าย แม่นหลายมื้อกะ 4 รอ
    ย่านเด้น้อ..ย่านแต่อ้าย จิมามายฮ้างนางก่อน
    หลงสะออนยินดีล่ำ นำสาว..ซะเราะแอง..อิอิ..
    :l-จั่งแม่นเพิ่นคัก มักคักถืกใจเด้.........................ซำบายดีบ่ออ้าย

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    คันเว้าบ่แม่น สิจับเจ้ามาตอนเดะพลายแก้วเอ้ย

    ฮะ ฮะ ฮ่วย มาช่างว่าแท้พลายแก้ว บอกเป็นแนว ทางคึดยากแท้ล่ะหือ
    เป็นซั่นตี้ล่ะน้องแก้ว แนวโตอ้ายนี้อยู่ไกล เนาะ
    เพิ่นซ่างไปหาเว้า ควงผุซาย ทางใหม่ แท้
    กะหยอนเพิ่นบ่สนใจ ถิ่มพี่ชายนี้ไว้บ้าน จนนานแล้วบ่ข่าวคราว
    ใจเอ้ยใจมันโหลดปวดจ้าวจ้าว ได้ยินข่าวในทางหมอง
    ทองเอ้ยทองราคาแสน ปล่อยให้แฟน รอคอยเก้อ
    คันเจอตัว สิจับมาคั้นส้ม สิจับมาโยนลงตม คั้นคอแง่บีบคอทั่ง
    เป็นหยังน้อมาทำลายความหวัง บ่าวบ้านนอกจั่งอ้าย ตามลายน้องนี่บ่ทัน
    กลับมานี่สิได้คั้น ให้นางบอก ความจริง เบิ่งกะนา
    คันเป็นญิงใจสอง สิล่องนางไปนำน้ำ
    คันบ่เป็น คือพลายเว้า สิจับเอาผุเว้าว่า นี่ล่ะ
    จับเอามา ให้ลุงคำเพิ่นคีบค้ำ หมกหม่ำอี่พ่อพลาย เดะ555
    คันเว้าบ่แม่น สิจับเจ้ามาตอนเดะพลายแก้วเอ้ยคันเว้าบ่แม่น สิจับเจ้ามาตอนเดะพลายแก้วเอ้ยคันเว้าบ่แม่น สิจับเจ้ามาตอนเดะพลายแก้วเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •