อยากตอบแทนอ้อมแขนเจ้า

[วัฒนชัย หาริโร]

อยากตอบแทนอ้อมแขนเจ้า ที่เป็นเงาสู้ฟันฝ่า
ทุกเวลาเคียงข้างอ้าย ถึงทุกฮ้ายกะบ่หนี
ทุกข์ที่มีเจ้าเคียงข้าง ทุกทางหย่างยังมีเธอ
อยู่เสมอเคียงหัวใจ บ่มีไผเหลือเพียงเจ้า
ขอแค่เงามาเคียงข้าง สู้ทุกอย่างบ่มีถอย
บอกใจคอยดูแลกัน ในทุกวันยามใจว่าง
ขอให้ทางฮักสายนี้ คือน้ำชีที่ใหลเอื่อย
ฮักกันนานไปเรื่อยๆ อย่ามีมื้อได้เปลี่ยนแปลง
ตราบจันทร์ทรายังสวยแจ้ง ยังมีแสงคู่ฟ้าหม่น
คนหนึ่งคนอยากบอกเจ้า ยังอยากเว้าว่า ฮักแฮง ชั่นแหล่วน้องสาวเอย

[เขมราฐ]

ม่วนคักเด้อวัฒ ม่วนจนข้าวมันไก่หลุดมือพุ่นน่ะ.......55555+++

(หัวเราะแบบสะใจแฮง ๆ)

[ดอกมันปลา]

"คนหนึ่งคนอยากบอกเจ้า ยังอยากเว้าว่า ฮักแฮง ชั่นแหล่วน้องสาวเอย"
แม้นบอกสาวทางได๋หล่ะเสี่ยวเอ้ยยย
555555

[phey yang]

คักยุเพื่อน เอาอีกเด้อ เป็นหมู่กันโดยบ่รู้ตัวเอิ๊กๆๆๆๆๆๆๆๆๆๆๆๆๆๆ ดีคือกันเนาะ

[บ่าวโจ่โล่]

จะแม่นสีเขียวววววววววววว แปร๊ดดดดดดดด คักเหว่ย

โอ๊ยยย สายตาบ่ดีหล่ะกะบ่จัก ขะน้อยกะดาย (ลักเฒ่าบ้อเหอออ)

ม่วนครับน้อง เก่ง ๆ

[chudhancock]

อ้าเอ้ย แมนสิทุกยากฮ้าย น้องบอหน่ายอ้ายพอหนิด
อ้ายบอผิดแนวได๋ น้องบอไปหนีจากเจ้า ขอเป็นเสาร์ไม้แต้ อยู่ข้างแจ ติดขางดู่
มีตาปูเหน็บหย่อ บอขอม้างห่างซาย คำตอบแทนอ้อมแขนน้อง ได้เปิดป่อง
ให้มองเห็น คำชัดเจนจากใจซาย มีความหมายสำหรับน้อง เปรียบเงินทองใส่กับอ้าย
เทียบกับชายอ้ายเป็นหนึ่ง ยังคนึงตรึงใจน้อง ขอเกี่ยวข่องแมนบอลัย
คำตอบแทน จากปากอ้าย น้องขอบใจในโตพี่ ยังยินดียอมรับไว้
ยังฮักอ้ายอยู่บอลืม คือกัน จ้า จุ๊ฟ ๆ ๆ ๆ อิอิอิอิ

อ่านแล้วม่วน หลายจ้าเลยอดมาม่วนนำบอได้ ผิดตกขออภัย ผิดใจ ขอเงินแน อิอิอิ