กำลังแสดงผล 1 ถึง 9 จากทั้งหมด 9

หัวข้อ: มีสิทธิ์..แค่ได้รัก..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    มีสิทธิ์..แค่ได้รัก..

    ฮู้เต็มอกอยู่ดอกหล่า ว่าบ่มีสิทธ์หึงหวง
    อยากเดินควงกะแค่ฝัน บ่มีวันเป็นจริงได้
    เจ็บส่ำได๋อ้ายทนสู้ ทนจมอยู่กับความเหงา
    ยามเห็นเขาควงเธอเดิน เจ็บเหลือเกินทางใจอ้าย
    เวลากายหลายวันพ้น ทนทรมานนานคักแน่
    คันบ่มักบ่ฮักแท้ สิแคร์เจ้าอยู่ผู้เดียว เฮ็ดหยัง
    ในหัวใจคิดต่อตั้ง ด้วยหวังว่าเห็นเธอสุข
    แสนสิทุกข์ทรมาน นานปานได๋กะทนได้
    ขอปล่อยใจไปแนวนี้ แม่นบ่มีหวังกะส่าง
    ขอแค่ใจได้ฮักบ้าง เติมฝันฮ้างแต่ละวัน
    มีสิทธิ์..แค่ได้รักเพียงท่อนั้น บ่มีวันได้หัวใจ
    เจ็บเรื่อยไปจำใจทน ดั่งไฟลนมะโนเนื้อ
    บ่แม่นเพื่ออยากเรียกร้อง สิ่งต้องการจั่งต้านกล่าว
    เหตุผลเดียวที่ทนเอา เฝ้าทรมานนานมื้อ กะคืออ้าย..รักเธอ..


    :l-:l-:l-

  2. #2
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433


    โอ๊ววววววววว..........พระเจ้าจอร์จ มันยอดมาก (เฮ็ดเสียงพระเอก)

    แต่ละบท แต่ละบาท ที่คอยวาด ลายอักษร

    แต่ละกลอน บ่อนทำนอง พออยากฮ้องงง ว่า งึดนำ (พะนะ)

    ปรบมือให้ครับ อันนี้เผิ่นว่า ผญา เว้าม่วนเนาะครับ หรือ กลอนลาว

    ผมเห็นพัฒนาการที่ละท่าน แต่ละคน เว้านัวหัวม่วนขึ้น กะขอแสดงความ ชื่นชมครับผม

    ..........กรี๊ดดดดดดดดด.......กรี๊ดดดดดดดดดด.........กรี๊ดดดดดดดดด...........

    ฮ้องก่อน มดคันไฟกัด โอ๊ยเนาะ




    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  3. #3
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อย่าคิดหลายไปเลยอ้าย อย่าเสียใจไปเลยพี่
    น้องบอติเจ้าดอกอ้าย อย่าเป็นฮ้ายจ่มเจ้าของ
    ไผ๋บอมองอย่าไปง้อ น้องสิขอเป็นคนเกี่ยว
    ขอเป็นเกรียวกอดก้อย คอยคร้องจ่องแขน
    ขอเป็นแฟนเคียงคู่เจ้า ตามคือเงาบอสุบาดหย่าง
    ไผ๋เพินซังกะซ่างเถาะ อย่าไปง้อให้เพินหยาม อ้ายเอ้ย อิอิอิ

    เข้ามาม่วนนำจ้า สมบอสม แล้วแต่ สิเห็นสมควร กระจ่างสาด อิอิอิอิ

  4. #4
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24

    พบปะพูดคุย

    ฮักเขาหลายเลยตายจ้อย เห็นต่ะฮอยกับไหง่
    เป็นจั่งได่ล่ะบาดเนี่ย ยายบอกแล่วบ่เซื่อควม
    คาดแต่แถนบ่ได่ร่วม สายแนนจ่องบ่ถึงกัน
    บอกแล่วให่เลิกฝัน อย่าจั้นใส่ผุสาวน้อย

    มีแต่ห้อยกับแห้ว บ่มีแนวได่คึดต่อสั่นแหล่ว...
    จื่อบ่...บาดนี่เจ่า ซางม่ะเว่าหลื่นควมคนแถ่ะ
    หึย.....สมบ่ บาดเนี่ย

    อันเสียแฮงแม่นยายเฒ่า โอ๊ย...ฟ่าวนำแลนไล่คุบ
    ให่มันจุบกันมื่อนี่ สมน้ำพื่นเพิ่นคั่กหลายเนาะ
    ขอจั๊กบาดสาเถาะ คั่นล่มมาแม่นเหยียบตึ่มเด้อ
    อย่าให่เผลอดี้ๆ เวลานี้เป็นของยายแล่ว...สั่นแหล่ว
    ฮ่ะฮ่า จื่อไหม?


    //////////////////////////////////////////

    ให่จื่อไว่บาดเนี่ย คั่นบอกคั่นเว่าล่ะให่ฟังควมผุเฒ่าผุโถ...
    สะดิ้งคือน้องได้ยินเสียงฆ้องกะแล่นตำ

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ฮ่าๆๆ ดิ้งเอ้ย แห้วพอเคยเห็นอยู่จ้า ห้อย นิ มันเป็นทรงได๋ละหือนาง เอิ้กๆๆ..
    มองต่าง..อย่างปลง

  6. #6
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24
    อันแนวนามวา"ห้อย"นั่น
    ตามรูปพรรณและสันฐาน
    คาดตามการณ์เอาไว่
    คึดต่อนำบ่ได่แมนจั๊กแนว
    สั่นแหล่วล่ะ...พี่น้องเอ่ย
    ฮิ๊ว....

    สะดิ้งคือน้องได้ยินเสียงฆ้องกะแล่นตำ

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    พ๊วนน เว่าตามรูปพรรณสันฐานอีก..เอิ้กกๆๆ เหมิดกัน..เห็นกันเมิ๊ด.. บาดนิ.. เอ๋าๆ จั่งได๋กะม่วนดอก คนรวยอารมณ์ขันเนาะจ้า ว่าปายๆ.. :l-
    มองต่าง..อย่างปลง

  8. #8
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24
    หึย...กะให่ละไว่ในฐานที่เข้าใจกันและกันแน่ะอันได๋กะด่าย
    หึย...ชั๊ง...ชัง ยายหั่งต่ะเป็นคนอายเป็นๆ ซะ
    สะดิ้งคือน้องได้ยินเสียงฆ้องกะแล่นตำ

  9. #9
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แค่หนึ่งคำที่นำย่อง ซร้องแซ่สรรเสริญ
    ใจกะเพลินพองบาน พะไมติ์มวลมิตรแม้ง
    เปรียบดั่งท่งนาแล้ง แห้งกิ่นดินไหง่
    พิรุณไหลหยาดย้อย พลอยซื่นซุ่มเลิง
    เข้ามาเบิ่งมาส่อ ต่อคำนำกล่าว
    จากใจบ่าวขอกราบก้ม ประนมน้อม..ขอบพระคุณ...


    ธุจ้าธุจ้าธุจ้า


    ขอบพระคุณ อ้ายโจ่โล่ ป้าชุด มิก แมงสะดิ้ง ที่เข้ามาแจมนำ เป็นกำลังใจให้มีแฮงแต่งต่อ ทุกคำคอมเมนท์ ขอน้อมรับด้วยความจริงใจ ซาบซึ้งใจ และขอบคุณอีกครั้ง ขอรับ...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •