หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

สิให้อ้ายเฮ็ดจั่งได๋

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884

    สิให้อ้ายเฮ็ดจั่งได๋

    สิให้อ้ายเฮ็ดจั่งได๋


    น้องสาวเอย คนปอนๆคืออ้าย บ่มีหยังให้คึดต่อ

    เจ้าว่าพอกันซำนี้ บ่ขอร่วมเกี่ยวทางฝัน

    ความผูกพันว่าคงมั่น เจ้าบ่หันฮอดสิเบิ่ง

    ได้แค่เคิ่งกะถิ่มอ้าย ป๋าปล่อยไว้บ่เบิ่งแยง

    เคยฮักแพงกันเพียงคู่ หวังสิปูร่วมทางฝ่า

    เจ้าผัดมาป๋าถิ่มอ้าย แล้วสิให้เฮ็ดจั่งได๋

    ฮ้อนคือไฟหัวใจอ้าย ยามย่างกายทางสายเก่า

    ที่สองเฮาเคยเกี่ยวก้อย นางกับอ้ายเดินเกี่ยวแขน

    เจ้าตอบแทนหัวใจอ้าย ด้วยการไกลหนีจากอื่น

    ทุกวันคืนคึดฮอดเจ้า สิให้อ้ายเฮ็ดจั่งได๋ ละน้อน้องสาวเอย
    [/CENTER][/SIZE]

  2. #2
    แม่นผู้ได๋เฮ็ดให้เศร้า กอดกระเป๋าบังเสาเหม่อ
    นั่งรอเธอผู้ใจร้าย ป๋าปล่อยไว้บ่หล่ำแยง
    เหลือแต่แสงนีออนจ้า กับรถราที่กายผ่าน
    บ่สงสารคนฮักแท้ ที่แคร์เจ้าอยู่สุยาม
    มาเดินตามความหวังไว้ ทุกลมหายใจที่มีอยู่
    อยากมาดูหน้าน้องเจ้า เพื่อเบาบ้างหว่างคิดถึง
    สานสัมพันธ์อันลึกซึ้ง กับนิดหนึ่งในคำจา
    สบสายตากุมมือบาง ได้ย่างเคียงควงแขนอ้าย
    พอได้คลายเหงาลงบ้าง ด้วยความหวังทั้งใจพี่
    เจ้ามาหนีห่างหน้า ป๋าอ้ายไว้อยู่ผุเดียว
    หนทางเทียวเดียวดายแล้ว ไร้วี่แววแท้น้อเพิ่น
    ส่างบ่มารีไซเคิ่ล ทางเดินย้ายกับอ้ายบ๊อ
    ถิ่มให้รอล่อให้ถ่า ก้มหน้าเศร้าเฝ้าสะพานลอย
    กับน้ำตาที่ปรอย ปรอย ย้อยหย่างลงทางพื้น...แท้น้อ..



    เมือบ้านบ่ถืกติน้องวัฒน์ หรือว่าหลงทางน้อ อิอิ
    แก้ไขครั้งสุดท้ายโดย พลายแก้ว; 13-06-2011 at 08:08.

  3. #3
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    5555 เป็นตาหัว หลายกว่าเป็นตาอิโตน วัฒเอ้ย...555+++

    บ่ต้องเฮ็ดจั่งได๋ ก้มเก็บข้าวมันไก่สองกล่องที่หลุดมือย่อนความสะเทือนใจ กลับไปกินแก้ช้ำใน...

    55555 (หัวเราะแบบสะใจอีกครั้ง)

  4. #4
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318


    มานั่งเหงาซกมก คือบักบกบ่ผ่า
    ลองเหลี่ยวเบิ่งไปข้างหน้า ให้เบิ่งว่ามีคนถ้ายุบ่..เสี่ยวเอ้ยยย

  5. #5
    แบ่งปันความรู้และประสบการณ์ สัญลักษณ์ของ aobab1980
    วันที่สมัคร
    Oct 2008
    กระทู้
    117
    มักเขากะบอกเขาตี้ สิมาว่าย่านเสียหมู่อิหยัง ซั่นเขาสิรู้จักเทื่อติ5555555555555555

  6. #6
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    งึดเอื้อยข่อยแต่ละคนเด้ มีแต่ช้ำเติมเนาะ ไคแหน่ตะอ้ายบีนิละ เข้าใจกันยุ อิอิ

  7. #7
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    3,025
    เฮ็ดใจอย่างเดียวเด้อจ้า แนวสิเฮ็ดได้ อิอิ แบบว่านางบ่คือเก่าแล้วเนาะ

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    พอแต่เปิดผ้ากั้งเห็นคนนั่งเฮ็ดซกมก
    ตกใจหลายแม่นผู้ใด๋ล่ะน้อนี้
    เบิ่งดีๆ คือจั่งคนเคยฮู้ จักกันมาตั้งแต่ก่อน
    โอย! ตะแม่นออนซอนน้องซายเฮาตั่วนี้ คือสีหน้าบ่อสบาย
    เบื่อหน่ายโลกแล้วติหล่า มากอดกระเป๋านั่งเจ่า
    หรือแม่นเจ้าถืกถิ่มเป็นครั้งที่ร้อยซาว
    สาวทางใด๋เฮ็ดอีกแล้ว ตามกะเยิมของคนหล่อ
    ถ่าผุสาวมาตามง้อ หือรอถ่านั่งรถเมล์
    ตะแม่นเท่เอาฮ้ายปานพระเอกมิวสิค
    เบิ่งผู้สาวหยิกกันบัดหย่างกายมาเห็นเจ้า
    อย่าสุไปโศกเศร้านำเขาผู้เป็นอื่น
    หันมายิ้มระรื่น สิพาน้องเป๊กเหล้าโท อิ อิ อิ

  9. #9
    ล่ะจั่งว่าเหลียวเห็นหน้า วาจามาเตื้องต่อ พอแต่เห็นหน้าอ้าย อยากอายอ้อนสิป่่อนลำ
    คนก่ำคือน้อง สิพอคองได้บ่พี่ นางมาลำมื้อนี้ ย้อนคุณพี่มานั่งซึม.....โอ่ละนา 555555บ่มีหยังเว้ากะมาลำสู่อ้ายวัฒน์ฟังเด้อจร้า อิอิ

  10. #10
    ไปจี้เครื่องบิน บินมาชนหม่องสาวนั่นอยู่กับผู้บ่าวใหม่เลย สะใจดี ฮ่าๆๆๆๆๆๆๆๆๆๆๆๆๆๆๆ