กำลังแสดงผล 1 ถึง 5 จากทั้งหมด 5

"ขอบคุณที่รับสาย"

  1. #1

    "ขอบคุณที่รับสาย"

    "เบอร์คนพ่ายฮักโทรมารบกวนหรือไม่..
    จุดประสงค์ของปวดใจก็แค่เพียงฟังเสียงเธอนั้น
    ฮุ้ว่าบ่สมควรแต่ความเหงากวนใจรายวัน
    หากแฟนเคียงฝากขอโทษกันแต่ยืนยันบ่แกล้งทำลาย..
    บ่ทวงสิทธิ์ใดให้ฮักน้องต้องกลายเป็นเศร้า
    อย่ากังวลเด้อแฟนของเขาว่าสิมีเงาอ้ายขวางทางไว้
    ที่โทรหาคนดีด้วยเหตุผลคือทนบ่ได้
    เว้าตรงๆแบบลูกผู้ชายยังลืมบ่ไหวแม้ใจฮักจาง..
    ขอบคุณนาง..ขอบคุณที่ช่วยรับสาย
    อย่างน้อยยังมีน้ำใจหลูโตนอ้ายคนที่ฮักพัง
    บ่ถามหลายดอกเพราะอ้ายรู้ดีสุขขีทุกอย่าง
    ผิดกับอ้ายคนหัวใจฮ้างแทบหาทางยืนสู้บ่ไหว..
    โตคนปวดใจที่ต้องใช่ยาคือเสียงเจ้า
    เพื่อช่วยลดคำว่าเหงาหากรบกวนต้องขออภัย
    ก่อนวางสายคนดีอีกกี่เดือนปีสิได้คุยใหม่
    ขอคำเว้าม่วนทาใจฮอดมื้อบ่ไหวสิได้เป็นยา"
    "ขอแปลงเป็นผญาให้แน่เด้อครับ"
    แก้ไขครั้งสุดท้ายโดย บ่าวขจร; 18-06-2011 at 12:23.

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    เข้าท่าครับผมบ่าวขจรทำได้ดีมากๆครับผม

  3. #3
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197
    ผญา เพราะมากค่ะ เข้ามาอ่านแล้วปลื้มมากเลยจ้า

  4. #4
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    เพลงขอบคุณที่รับสาย
    ศิลปิน เอกพล มนต์ตระการ



    ลิขสิทธิ์บน YouTube Credit By : https://www.youtube.com/watch?v=GfmfeALPIbc

  5. #5
    ...เบอร์โทรคนผู้ฮักพ่าย กวนหัวใจเจ้าบ่นาง
    อ้ายแค่หวังอยากฟังเสียง ฟังสำเนียงคนเคยเว่า
    ย้อนความเหงากวนใจอ้าย จำต่อสายโทรหาอุ่น
    ทั้งหัวใจอ้ายกะวุ่น เป็นฮนฮ้อนย้อนคึดนำ
    อ้ายจำใจโทรหาเจ้า พอบรรเทาหัวใจป่วย
    อ้ายต้องขอโทษเจ้าด้วย หากสายนี้กวนใจนาง
    บ่ได้หวังสิมาแกล้ง หล่าคำแพงอย่าได้ห่วง
    สิบ่ทวงสิทธิ์หยังเจ้า ให้หมองเศร้าหัวใจนาง
    หากเส้นทางเจ้าเลือกไว้ ตรงกับใจเจ้่าประสงค์
    อ้ายกะคงสิบ่ขวาง ยินดีห่างให้เจ้าได้
    แค่รับสายพี่ชายบ้าง เป็นพลังมื่อใจเหง่า
    ขอคำเว่าม่วนเก็บไว้ ทาใจอ้ายมื่อทุกข์ทน น้องหล่าเอย... (แปลคร่าว ๆ เด้อคับ