กำลังแสดงผล 1 ถึง 6 จากทั้งหมด 6

เหลือโตน ห้องแชทบ้านมหา

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา เหลือโตน ห้องแชทบ้านมหา

    สงสารในใจข่อย ในเหตุการณ์ที่มันเกิด
    ห้องแชทต้องมาฮ้าง ย้อนคนสร้างสิ่งบ่ดี
    คึดฮอดพวกน้องพี่ ที่เคยอยู่เคยคุย
    เคยสนุกเฮฮา ม่วนแซวคลายกลุ้ม
    มรสุมขณะนี้ บ้านมหามีคู่แข่ง
    หลายคนก่อประโยชน์สร้าง หวังผลได้ซื่อเสียง
    วอนผู้เป็นเจ้าของบ้าน เร่งมองหาตรวจสอบ
    อาจสิมีหนอนบ่อนไส้ ระวังไว้ให้ถี่ใจ
    แนวคนสุมื้อนี้ สิไว้ใจกะบ่อได้ มีแต่โลภ โทโสหลง
    คงยังมีอิจฉา ริษยาแฮงกล้า
    ทำดีอยู่ต่อหน้า แต่ทางหลัง ตะแยงถั่ง
    บ่ระวังอาจเดือดฮ้อน มีคนป้ายใส่ความ
    อย่าหลวมตัวเข้าไปใกล้ คนจังไรสิขอบอก
    อเสวนา จะพาละนัง พระเพิ่นเทศน์บอกไว้ ใจเจ้าให้ฮิ่นตรอง
    แค่นี้ล่ะพี่น้อง สะกิดแหน่ ออกความเห็น
    จักสิเป็นหรือบ่เป็น แล้วแต่ไผสิเห็นด้วย
    แต่ว่าคนสวยอ้าย ขอจงหมายเชื่อใจพี่ แหน่เด้อ
    สิ้นปีนี้คันฝนดี สิขายข้าวอยู่เล้า ไปขอน้องแต่งงาน หล่าเอ้ย
    เหลือโตน ห้องแชทบ้านมหาเหลือโตน ห้องแชทบ้านมหาเหลือโตน ห้องแชทบ้านมหา55555555 เอิ้ก เกี่ยวกันบ่นี่เหลือโตน ห้องแชทบ้านมหาเหลือโตน ห้องแชทบ้านมหา

  2. #2
    :l-สดยอดครับนับถือ พรสวรรค์พรแสวงอีหลีตั่วนี้เนาะ

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    ขึ้นชื่อว่าหนอนบ่อนไส้ ซางจังไฮเกลือเป็นหนอน บ่ออนซอนปานใด๋พวกจังไฮซุมหมู่นี่
    เอาความดีซอยยู้ ซอยซูอย่าย่านลืน ไผเฮ็ดผิดให้ซอยแก้ ไขต้องส่องกัน นั่นแหลว

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    ซวดๆๆๆเด้อหล่า
    ผญาเจ้าสางมาม่วน
    อยากชวนบ่าวหน้าลาว
    เข้าไปเล่นส่อยกันแหงง
    บ้านมหาเฮาบ่แล้ง
    ยังมีแฮงให้เฮาส่อย
    คนละเล็ก คนละน้อย
    หั่งสิถอยดอกคนเถื่อน
    ส่งคำเตือนไปบอกเจ้า
    สุมผุเฒ่ายุคไอที
    แนวบ่ดีให้ละเว้น
    อย่าสะเล่นหม่องบ่ควร สั่นละล๊า....

  5. #5
    หากหลายคนกะหลายยาก หลายปากความจา
    หลายปัญหาหลายหัวใจ อั่งภายในบ้าน
    ความต้องการบ่มีสิ้น เป็นมลทินพร้อยด่าง
    บางคนเอาจั่งสั้น บางอันเอาจั่งซี้ บ่มีมื้อแม่นสิพอ
    คิดหยังหลายกะด้อ สอพออยู่ค่อยอยู่ไป
    หากินซามตายไผ๋มัน ด้ามดั่งกันเหมิดสิ้น
    แล้วแต่ซินสมสร้าง บุพเพปางหลังเก่า
    อย่าติเขาว่าขี้ล่าย เพียงแต่บ่ได้คิดคือ
    อย่าไปถือสาถ่อน บ่อนคาใจหทัยหม่น
    นี่แหละ..เอิ้นว่าคน มีปะปนเปบ้าง ดีชั่วบ้างกะส่างมัน..พี่น้องเอ้ย...



    ...อมิตาพุทธ... เฮ้อ....

  6. #6
    ปัญหามีอยู่แล้ว อย่าเอาไฟไปสุมตื่ม
    ต่างคนหากต่างซึมอยู่แล้ว บ๊อได้แซทเพิ่นสิสูน นั้นแหล่ว


    มาแจมนำค่ะ
    แก้ไขครั้งสุดท้ายโดย ข้าวต้มมัด; 21-06-2011 at 16:10.