กำลังแสดงผล 1 ถึง 3 จากทั้งหมด 3

ศักดิ์ศรี..พี่ขอคืน..

  1. #1

    ศักดิ์ศรี..พี่ขอคืน..

    อย่าหยามหยันประจานหน้า ว่าพี่ชายเป็นคนซั่ว
    คันฮู้ตัวว่าน้องแก้ว มีแฟนแล้วสิห่างไกล
    โปรดอภัยให้กับอ้าย ที่ปล่อยใจถลำมัก
    ตกหลุมรักจนจมพื้น ป่ายปีนขึ้นกะบ่ทัน
    ย้อนความเหงาเข้าบีบคั้น ให้พบกันวันใจว่าง
    มื้อที่คนใจฮ้าง ฮ้าง ย่างมาพ้อพบเธอ
    ลอยคอเจอกับขอนไม้ มือซาวใส่อยู่กลางวัง
    บ่เหลียวหลังหรือทางได๋ หวังพักใจที่โรยล้า
    แมวรอปลาหมารอก้าง แล้วแต่ทางเพิ่นสิแบ่ง
    อุกใจแฮงแท้น้อหล่า ถืกตราหน้าเอิ้นว่าแมว
    ถืกคนแซวคำคนเว้า ฉายาเฮาคือ..ชายโฉด
    บ่คิดโกรธไผ๋ดอกหล่า แต่ปานฟ้าผ่าสมอง
    เลยสิจำจากน้อง ให้ครองคู่สุขสม สาเด้อ
    อภิรมย์สำราญใจ ตลอดไปภายหน้า
    จำใจลาป๋าจากเจ้า ให้คนเซาเว้าหยามหมิ่น
    กลืนน้ำตาที่ไหลริน ด้วยดวงจินต์ที่ร้าวแหลก เพื่อขอแลก...กับศักดิ์ศรี...



    :b-b:b-b:b-b

  2. #2
    เจ้าหน้าที่ประชาสัมพันธ์ สัญลักษณ์ของ ใบไม้สีชมพู
    วันที่สมัคร
    Jun 2006
    กระทู้
    3,025
    ไปดีมาดีเด้ออ้าย คิดถืกแล้วจ้า อิอิ

  3. #3
    อ้ายเอ้ย วาสนาบ่ได้ซ้อน สิฮ่ำฮอนกะดายเปล่า
    ย้อนว่าบุญของเฮา บ๊อได้เคยเฮ็ดสร้าง นำกันนั้นแต่ปางหลัง
    อย่าฟ่าวซังน้ำหน้า หาธรรมะเข้ามาใส่
    เพื่อขัดใจให้ผ่องแผ่ว บ่คือแหล่วสิตัดรอน อ้ายเอ้ย





    มาแจมนำจ้าเพื่อน ม่วนทุกบทจ้าผญ๋าเพิ่นพลายแก้ว ภาษาสวยงามอีหลี่