กำลังแสดงผล 1 ถึง 3 จากทั้งหมด 3

ลำเพลินสลับเต้ย สาวหญ้านาง

  1. #1

    ลำเพลินสลับเต้ย สาวหญ้านาง


    มื้อนี้ลองแต่งลำเพลินสลับเต้ยเล่นๆมาลงบ้านมหาฝากเอื้อยอ้าย อ่านเล่นๆเด้อจ้า อิอิ
    บางเทื่อเอิ้นชื่อบ่เบิดกะอย่าว่าเด้อจร้า หรือนำชื่อเอื้อยๆและคุณแม่มาลงกะอย่าว่านางเด้อจร้า
    ลองอ่านม่วนๆเนาะจ้า

    ลำเพลินสลับเต้ย

    ละพอแต่เปิดผ้ากั้ง ออกมาส่องละมองเห็น ละบ่าวพี่ชายมาฟังเพลง บ้านมหานี้หลายแท้....พออยากแก่เอาเมือบ้าน.......

    โอ่ย เด้ชาย พอคราวแล้ว สิพาชายไปซ้อนต่อ สาวพะนางนี้คึดง้อ โอยนำอ้ายบ่าวพี่ชาย นางสิพาไปผ่าย บ้านมหา โอ๊ยแดนถิ่น ใจถวิลอ่าวเกื้อ อยากเมือซ้อนฮ่วมเตียง สนใจบ่ สนใจนางเตี่ยงเหลี่ยง
    ผิวเหลืองคิ้วก้อง สาวส่ำเล็กเ็ด็กส่ำน้องสิมองเล่นให้ม่วนใจ คึดอยากได้ให้อ้ายต่าวมาหา สาวพะนางสิหลงพาหมู่ลงเล่นน้ำ
    (เต้ย)คนงามเอาน้องไปเป็นคู่ (ซ้ำ) ทั้งหมู่น้องกะหลายเด้อชาย เอื้อยไก่น้อยกะงามสุดใจ เอื้อยมิกซ์คนไค เอื้อยปุ้ยคนงาม เอื้อยอี๊ทแม่ครัวสุดยอด งามตลอดเอื้อยขามคนดี งามล้ำคือเอื้อยลูกหินนี้ แม่หนูซิงคนดีป้าลำซิ่งคนงาม อันนี้ยังมีหลายเด้ออ้าย ฝากไว้ในอ้อมอกพี่ชาย คึดฮอดสาวงามยามใด๋ ให้อ้ายคึดไป บ้านมหาดอทคอม
    โอ๊ย หอมๆอ้ม หอมอ้ม ตามลมลอยล่อง บ้านมหาเด้อพี่น้องมาลงเล่นม่วนกัน สัมพันธ์นั้น ฮักกันให้หมั้นแก่น สาวพะนางยากแค้น สิลาอ้ายอ่วยลง ......อ่วยลง โอ๊ยลาอ้าย...


  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    ม่วนจ้า คึดพ้อสมัยเป็นเด็กน้อย อิพ่อ อิแม่ พาไปฟังลำบ้านนั่นบ้านนี่ ยามเพิ่นมีบุญ ย่างลัดโคกลัดป่าไป

  3. #3
    ร่วมถ่ายทอดความรู้สู่สังคม สัญลักษณ์ของ ฮักณ.ทุ่งใหญ่
    วันที่สมัคร
    Jan 2011
    กระทู้
    537
    อ้ายหละนึกว่า มวนแต่แต่งผญา แต่งลำเพลินกะมวนหลายน้อจ้า