กำลังแสดงผล 1 ถึง 6 จากทั้งหมด 6

หัวข้อ: ข้อธรรมคาใจ..

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ข้อธรรมคาใจ..

    ไม่มีเขา ไม่มีเรา ไม่มีอะไร
    ได้ยินข้อธรรมนี้ ฟังหลายที แปลบ่ออก
    อยากมาบอกพี่น้อง ขอแฮงให้ ซ่อยแปล
    บางทีได้ซ่อยแก้ ความทุกข์โศก มวลมนุษย์
    อาจสิเป็นผลบุญ ส่งให้เฮาผ่องใสขึ้น
    เพื่อให้เป็นป่องให้ ปัญญาทาน ของพวกท่าน
    จงอุทิศปัญญาทาน ให้แก่พวกหนุ่มน้อย คอยครองสร้าง ฮีตสืบไป ท่านเอ้ย
    ธุจ้าธุจ้าธุจ้า

  2. #2
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24

    รอบยิ้มพิมใจ

    "ไม่มีเขา ไม่มีเรา ไม่มีอะไร"
    V
    V
    คือบ่มีไผ มีอีหยังที่แน่นอน
    อย่าได่วอนอย่าได่เว่าให่เซาคึด
    นี่ตัวกู นี่ของกู อย่ายึดติด
    สุดท้ายคิดให่ได้ดีมีแค่จิต
    ดวงน้อยนิด ประคองไว่ให่ใฝ่สูง
    เด้อคำเอย....
    V
    V


    อัน...สั่นดอกหวา คึดวา
    คั่นสิหาหลักฐานมาอ้างอิง
    ขอพาดพิงหลักธรรมะพระศาสดา
    ที่ผุข้าใซ่ส่องหาป่องทาง
    เพื่อสิหย่างตามฮอยเพิ่นผุเจริญแล่ว
    สั่นดอก
    โด๊ย....ข่ะน้อย
    สะดิ้งคือน้องได้ยินเสียงฆ้องกะแล่นตำ

  3. #3
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24

    ฮ่วย..วาจั่งได๋ล่ะพี่น้อง

    ฮ่วย..วาจั่งได๋ล่ะพี่น้องคือเป็นสีน้อมิด-มิด
    ยายกะเริ่มคิดพะวงงวก หาพวกพ้องจ้องยุเด้อ
    หือแมนเผลอปากแปเว่า เจ่าจับมาบ่ถืกฮ่องหรือได๋?
    มาซ่างพากันไลหนี คนท่าดีคือยายเฒ่าแท้ไผกะด่าย
    อย่าป่อยให่ยายเว้หว่ายุคนเดียวหลายน๊า....
    ฮ่วย..วาจั่งได๋ล่ะพี่น้อง
    สะดิ้งคือน้องได้ยินเสียงฆ้องกะแล่นตำ

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ตอบแม่ใหญ่ดิ้ง

    ฮ่า ฮ่า ฮ่า ที่มิดมิด ไปนั่น บ่เป็นหยังดอกอีแม่
    เอานิสัยแย่แย่ ไปฝังถิ่ม อยู่ป่าดง พุ้นเด๋
    ใจยังคงคอยท่า ยายสิมา สอนสั่ง ยุน้า
    หวังสิอยากให้ท่าน เมธีไท้ ได้สั่งสอน
    นั่งหรือนอนมีแต่กลุ้ม สุมในใจ บ่คลายออก
    ไปถามไผ เพิ่นกะบอกบ่ได้ จำใจมุ่ง สู่ป่าดง ล่ะยาย
    กลับไปถาม พงศ์พันธุ์เชื้อ แนวหน่อองค์พุทโธ
    ผู้เจริญในธรรม ให้บอกทาง ให้มันแจ้ง
    พอแต่เพิ่น เหลียวเห็นหน้า ของบา แล้วเอิ้นกล่าว
    ฮ่วย ฮ่วย เป็นหยังนอล่ะท้าว ทรงสีเศร้า เก่าหมอง แท้น้อ เพิ่นว่า
    ท้าวกะเลยกราบก้ม ตรงบาท บาทา
    พร้อมแถลงวาจา ออกไต่ถาม ยังท่าน
    เพิ่นเลยหัว ฮ่าฮ่า โอ้ยเด้น้อซุมปึกใหญ่ พะนะว่า
    เรื่องขี้ไก่ส่ำนี้ สั่งหนาฮ้าย เคาะบ่ดัง พุ้นตั้ว สูนี่
    มามามากูสิเว้า เอาไปเผยให้แจ้งแจบ
    อย่าแอบซุกซ่อนไว้ แนวหมองเศร้า ให้หม่นหมัก
    ไม่มีเขา”ความเพิ่นเว้า แจ้งต่อ สาธุชน
    อย่าไปฮนฮวยนำ สิ่งบ่ดี มาติต้อง
    อย่าไปหัวซาถ่อน คำของคน เฮ็ดให้ใจ เฮาเศร้าหม่น
    ให้เจ้าละถิ่มไว้ บาท้าว อย่าใส่ใจ
    ทำใจลืมเด้อเจ้า “บ่มีเขา” ใจของเฮาสิใสส่อง เด้หล่า
    ปฏิบัติเป็นทำนอง อย่าให้ลดหล่าร้าง ให้เคียงข้างคู่ใจ ไว้เด้อ
    ไม่มีเรา”ท่อนไท้ แจ้งต่อ บาคาน
    ใจของมึง อย่าถือ เป็นของท้าว
    แม่นมีคนมาเว้า ว่าบ่ดี เจ้าอย่าไป เคียดเค่ง เด้อคำ
    ใจของเฮา บ่ไปดึงเกี่ยวข้อง สถานนั้น อย่าฮ่วมการณ์
    Ego free เด้อท่าน ลดลงสา พ่อขอสั่ง
    แม่นไผเว้า อีหยัง บ่มีเฮาแล้วกะแล้ว ใจท้าว สิซื่นบาน
    ไม่มีอะไร”อยู่ในโลกท่อนท่าน เป็นโลกของความสุข
    พุทธองค์เพิ่นเคยละ กิเลสมายาซ่อน
    หนีจากคอนเนายั้ง กษัตริย์ตราลือซ่า
    หนีออกไปอยู่ป่า เลือกวิถีฮ้างฮ้าง เดินทางเที่ยว เที่ยวขอ
    กิเลสตัณหาราคะ เพิ่นนี้บ่อยากพ้อ ละเลิกบ่สะสม
    ถิ่มกายากรรม วจีกรรม มโนกรรม ให้อยู่หลังบ่คาข้อง
    มองออกไปทางหน้า หานิพพา หม่องว่างหว่าง
    เป็นหนทาง พระโคดมเพิ่นเลือกแล้ว ขอยอน้อมมัสการ...
    เนิ่นนานจาเฉลยข้อ ของธรรม ที่ยกกล่าว
    ขอหนุ่มสาว ผู้ที่ยังอ่อนน้อย เอาไปซ้องฮิ่นตรอง
    แม่ใหญ่ดิ้ง(555) เพิ่นจามากะถืกต้อง บ่ผิดพลาดพอคำ
    เพิ่นคงเห็นในธรรม จั่งบอกบน เฉลยเบื้อง
    ท่องเอาสาเด้อหล่า “ไม่มีเขา ไม่มีเรา ไม่มีอะไร” เอาไปใช้ให้ถืกป่อง
    ชีวิตของพี่น้อง สิใสแจ้ง ซื่นบาน
    ก่อนสิไป ขอปรบมือให้ท่าน ยายย่าผู้ หัวไว
    เป็นเมธีประจำใจ หนุ่มหน้าลาว(+เฒ่ายาว) คนนี้
    อัญชลีขอน้อม ต่อฉายา แม่ใหญ่ดิ่ง
    ไปละเด้อแมงสะดิ้ง ขอโตเจ้าจงอยู่เย็น...สาธุ 5555
    ธุจ้าธุจ้าธุจ้า
    แก้ไขครั้งสุดท้ายโดย หนุ่มหน้าลาว; 26-06-2011 at 13:20.

  5. #5
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24

    เรื่องฮิตน่าอ่าน ขอบคุณอย่างสุดเหงี่ยนมือเด้อ

    บ๊ะ...
    หย่างมาส่งเสียงแจ้วเเว่วแล่วคือไปเลยแท่ะละท้าว
    กำลังฟังเพลินๆ โลดปัดดากหนีจากส่ำ
    คึดวาหลานสิใจป้ำจกจั๊กซาวให่แมไหย่แม่ะ
    พอซื้อพลูและแก่นไม้ต้อยแข่วห่างของเฒ่ายายตั่ว

    :*-

    อันขอบคุณหลายเด้อจ้ากับวาจาอันหวานฉ่ำ่
    สิได่นำไปแต่งแต้มใจเหี่ยวน้อยให่สดใส
    หมุนวนไปอยุ่เหลิงๆ เทิ่งข้อธรรมอันดีพ้อม
    ยายขอยอมน้อมนำเจ่าเฮามาเป็นกันและกัน...สาเนาะ
    อันวากัลยาณมิตรแท้ เฮาซอกพ้อจากหน่าคอมพ์ตั่วล่ะท้าว

    +++++++++++++++++++++++++++++


    วาได๋...ใจบ่ ?

    :l-
    แก้ไขครั้งสุดท้ายโดย เเมงสะดิ้ง; 26-06-2011 at 13:23.
    สะดิ้งคือน้องได้ยินเสียงฆ้องกะแล่นตำ

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    55555 ให้ข่อยไปนอนคึด จักสามเช้าก่อนเด้อยาย ข่อยย้านเจ้าตั๋ว 55555
    เว้าคือคักดอกขะน้อยเหลียวเบิ่งบ่ทันเฒ่าจักเม็ด

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •