ไปตลาดมา เห็นแม่ค้าวางมัดผักไซกะบ่มองแล้ว...ขม แม่ค้าร้องทัก "คุณหมอเอาไปลองกินแหม๋" กะเลยตอบแม่ค้าไปว่า "บ่จ้ามันขม" แม่ค้าบอกว่า "บ่ขมติล่ะคุณหมอ" ตอบแม่ค้ากลับไปอีกว่า "ขมจ้าผักไซ บ่ขมบ่แม่นแหลว" แม่ค้ากะตอบกลับมาอีกว่า "บ่แม่นผักไซติล่ะ เพิ่นเอิ้นผักกระดอม กินกับแจ่วปลาร้าแห่งแซบจ้ากินสด หรือลวกกะแซบ" อิ๊ทบ่แน่ใจ หูบ่ดี "ผักอิหยังเก๊าะจ้า" แม่ค้าตอบน้ำเสียงหนักแน่น "ผักกระดอม" เอ๊า...ลองจัก 2 กำ 10 บาทจ้า ตั้งใจลวกดีกว่า คันขมกะขมหน่อยล่ะว้า
"ยอดผักกระดอม"
บัดลวกแล้วก็เป็นแแบบนี้จ้า
แจ่วปลาทูแหล่วจ้า ง่ายที่สุด
แจ่วปลาทูบ่คนแบบนี้แซบจ้า อิ๊ทมักๆ
สุดท้าย สรุปยอดผักกระดอม นี้ก็รสชาด ขมเล็กน้อย โดยรวมแล้ว แม่ค้าเว้าถูก สงสัยจะต้องเป็นอาหารโปรดของน้องอิ๊ทต่อไปแล้ว ในครั้งนี้เพิ่งเคยกินครั้งแรกจ้า
สุดท้ายขออภัยเด้อจ้าสำหรับผู้ที่เบิ่งเมนูของสาวบ้านแต้แล้วว่ามันธรรมดาบ่สมควรเอามาโพสต์ ด้วยความบริสุทธิ์ใจ จากใจจริงของสาวบ้านแต้ กะอย่างแบ่งปันเผื่อผู้ใดที่ คิดเมนูแต่ละมื่อบ่ออก เออ...เห็นแล้วเกิด ไอเดีย แต่สำหรับท่านผู้ใดที่มองว่าจังซี้กะเอามาลง กะขอโทษ ขออภัยจ้า
Bookmarks