หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 30

มาถามข่าว

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    มาถามข่าว

    กลับมาอีกแล้วพี่น้อง บ่าวทองคำผู้ฮ่ายใหญ่
    หายหน้าไปกะหลายมื้อ บ่อได้ยื้อมาหย่องยาม
    ธรรมดาแนวนามแบ้ แวหลงทางเข้ากลางพุ่ม
    มาหาซุมพี่น้อง อีสานเชื้อก้ำฝ่ายเฮา
    เป็นจั่งได๋นอเจ้า สุขส่ำบายดีหรือบ่อ
    ตั้งหลายคืนจั่งมาพ้อ ไทยเจ้าแม่นเทื่อเดียว ท่านเอย

  2. #2

    Re: มาถามข่าว

    ไปใสมาน้อ บ่อพ้อหนวดจ้ากเส้น
    หละบ่อข่าวคราวกันแน่บ้าง คิดว่าฮ้างป๋าละแหม
    ย่านเด้ใจย่านอ้ายทองคำบ่อต่าวคืนมาบ้าน
    ย่านบ่อได้ฟังกลอนผญาน้อยซั่นดอก เดี๋ยวสิบ่อมีไผมาแต่แข่งกับอ้ายผม(อ้ายบ่าวโจ่โล่นั่นแหม)
    เพิ่นหละแต่งเอง แก้เอง ย่อนบ่อมีผู้มาแต่งแก้

  3. #3
    NONGNAN
    Guest

    Re: มาถามข่าว

    น้องสาวหล่ามาจาเว้า เอาผญาเป็นสื่อผ่าน
    ย้อนว่ายากหลาย งานอยู่บ้านบ่หาญกล้ามาว่ากลอน
    สุดสะออนแต่หมู่เจ้า เว้ากันหม่วนแท้น้อแฟน
    คนต่างแดนทั้งหลาย อยู่ทางใกลมาตุ้ม
    คันแมนซุมญาอ้าย มาทักทายน้องสาวหล่าแหน่
    ผู้ได๋ว่างกะมาเขียนกลอนแก้ ถะแม้อ้ายให้ม่วนยินนนน


    สวัสดีค่ะ บ่าวทองคำสบายดีบ่น๊อ

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: มาถามข่าว

    @ ว่าจั่งได๋น้อ เจ้าผู้คิ้วแล่นแค่น แนนส่าผญาดี
    อ้ายคำศรีมาขอจา กล่าวผญามาต้อย
    อยากนำฮอยเมือบ้าน ทางอุบล บ้านเจ้าอยู่ เบิ่งเด้
    ใจอ้ายเซ ย้อนมักน้อง นางหล่า ต่างหลัง เสียแหลว ฯฯฯ เอ้า..ตอบมาบาดนี้ อิ อิ อิ

  5. #5
    NONGNAN
    Guest

    Re: มาถามข่าว

    555555 คึดทัน ออก

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    Re: มาถามข่าว

    อย่าฟ้าวก่อนเด้ออ้ายฑิตศรีให้ถามข่าวเลานำแน่สาวแนนนี่หนา อิๆ
    อะ แฮ้ม ๆ หมาดคอจักบาดก่อนเด้อ
    เป็นจั้งใด๋น้อหล้าสาวซ่าเมืองอุบลฝนตกแฮงบ่น้อคำน้ำฝั่งมูลไหลล้นบ่น้อ
    คนผู้จบคือเจ้ามาเห็นแล้วเป็นคือเขายอย่องอยู่ตั้วอุ่นบุญอ้ายหลายจั้งได้พ่อมาเห็นแล้วสมซ่าลืออยู่ตั้วนี่เนาะอิๆ งามคือเพิ่นว่าอี่หลีตั้วนี่

    โอ้ยเว้าผญาบ่เป็นนำเพิ่น

  7. #7
    NONGNAN
    Guest

    Re: มาถามข่าว

    ย้อนคึดฮอดตั่วญาอ้าย ชายพูดีศรีจาส่ง
    ย้อนว่าหลงฮักอ้าย ซายคนฮู้บ้านมหา
    คันสิเมือนำนางหล่า เมืองอุบล บ้านหยั่งงงง
    แมนหลังน๊อ ญาอ้าย ... หรือสิย้ายไปสู่ขอ 555555

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: มาถามข่าว

    @ หล่าแนนนาง ใจประสงค์ต่อไม้จั่งได้แบกเสียมมา
    ว่าสิขุดเอาสา ให่ฮากเหมิดกกเผี่ยน
    ให่มันเตียนเสมอเพี้ยง ดินเพียงพื้นฮาบ
    หมายสิหาบฮอดบ้าน เอาเมือต้อนแม่อยู่เฮือน
    บ่อได้เว้าแอ่วเอื้อน ให้เปื้อนแปดเสียศรี
    ตั้งหากมีใจจิต คิดนำหมายซ้อน
    ซายนี้นอนเดียวแล้ง เถิงยามแลงได้โอ้อ่าว
    คึดฮอดสาว ทางอุบลผู้โก้ โฮฮ้องให่ฮ่ำหา นั้นแหลว.....ฯฯฯ
    ......ไปคักๆอุบลนี้ เดี๋ยวไปหายืมเงินค่ารถก่อน....อิ อิ อิ

  9. #9
    NONGNAN
    Guest

    Re: มาถามข่าว

    ใจประสงค์ต่ออ้าย หวังเอาชายมาเคียงคู่ ใจอยากอยากบู๋ไปหาอ้าย
    ชายคนโก้ ทิดคำศรี คันอ้ายมีใจต่อตั้ง หวังเอานางมาแนบข้าง
    อย่าสุหลงลืมล้าง เตรียมมาเด้อผู้เฒ่าแก่ พาแม่อ้ายมาพร้อม นางสิน้อมถ่าไหว้ ย่า
    สิอดสา รอถ้าอ้าย ฮอดปลายปีเบิ่งสาก่อน อ้ายอย่าได้หลอกหลอน มาตั๋วให้น้องถ้า คนเอิ้นป้าเถ่าแก่ไป เด้อ...


    โอ๊ย งึดคั๊ก เกือบบ่รอด พี่น้องเอ๊ย....หาหม่องลง กะบ่พ้อ

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: มาถามข่าว

    Re: มาถามข่าว กระทู้ต้นฉบับโดยคุณ น้องสาวหล่า < PJ NAN >
    ใจประสงค์ต่ออ้าย หวังเอาชายมาเคียงคู่ ใจอยากอยากบู๋ไปหาอ้าย
    ชายคนโก้ ทิดคำศรี คันอ้ายมีใจต่อตั้ง หวังเอานางมาแนบข้าง
    อย่าสุหลงลืมล้าง เตรียมมาเด้อผู้เฒ่าแก่ พาแม่อ้ายมาพร้อม นางสิน้อมถ่าไหว้ ย่า
    สิอดสา รอถ้าอ้าย ฮอดปลายปีเบิ่งสาก่อน อ้ายอย่าได้หลอกหลอน มาตั๋วให้น้องถ้า คนเอิ้นป้าเถ่าแก่ไป เด้อ...


    โอ๊ย งึดคั๊ก เกือบบ่รอด พี่น้องเอ๊ย....หาหม่องลง กะบ่พ้อ
    โอ๊ยยยย ลงท่ง ลงท่า บู๋ป่าบู๋เมืองไปแล้ว ผู้สาวกะดาย เบิ่งเสียงสูงเสียงต่ำ เอก โท แหน่ ฮึ เอ๋า สิแก้ให้...อิ อิ อิ