กำลังแสดงผล 1 ถึง 5 จากทั้งหมด 5

............สองรุมหนึ่ง.............

  1. #1

    ดวงดาว The Star ............สองรุมหนึ่ง.............

    มุมหมองหม่นหนึ่งคนนี้ ที่พ้อแน่แต่ผิดหวัง
    ถูกหักหลังทางความรัก ใจสะบักสะบอมช้ำ
    ถามจักคำแน่เถาะหล่า คนหน้าใสแต่ใจถ่าน
    บ่สงสารคนฮักแท้ ที่แคร์เจ้าบ่จืดจาง
    เจ้ากะส่างทำลงได้ บ่เห็นใจกันพอหน่อย
    ยังไปซ่อยไผบ่ฮู้ มาเป็นชู้บ่ได้เชิญ
    ความเจ็บเกินจะทนแล้ว แนวสองแรงเข้าแทงถั่ง
    เหมิดพลังสิต่อสู้ นอนขดคู้อยู่ผู้เดียว
    คนที่ใจมีหลายเลี้ยว ประดุจเกี่ยวมีหลายคม
    สวกให้จมกับแผลใจ เจ็บช้ำในเน่านูมเนื้อ
    รักแฝงเฟือเพื่อแฝงซ้อน มีแผนซอนเจ้าซ่อนเงื่อน
    มื้อรักเลือนลาลบร้าง ศึกสองข้างประชิดใจ
    ฝ่ายหนึ่งไผบ่เคยฮู้ บู้มาเลยบ่เคยหวั่น
    ฝ่ายสำคัญกะคือน้อง มาเปิดช่องให้เพิ่นมา
    สองรุมหนึ่งซึ้งแท้หล่า เชิญสุขสาอย่าลาหล่ำ
    เพราะว่าคำเพียงหนึ่งคำ มันกะทำให้ใจอ้าย สิวายเมี้ยน...แม่นหม่อมรณ์...


    ............สองรุมหนึ่ง.........................สองรุมหนึ่ง.........................สองรุมหนึ่ง.............

  2. #2
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    9,605
    บล็อก
    197
    ดีจ้าหนุ่มฮอท เป็นไงบ้างน้อจ้า


    คือถูกเพิ่นยู้ ดีคักน้อจ้า
    ขอบคุณสำหรับผญาเพราะๆๆ นะจ๊ะ


    บีสบายดีเด้อจ้า เล็กแต่ผญาบ่เป็นจ้า เป็นแต่อ่านจ้า

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    เยี่ยมทุกด้านทุกลาย

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    พบปะพูดคุย

    ม่วนจ้า ม่วนแบบเศร้าๆ อิอิ

    อัศจรรย์ใจแล้วแนวบ่แม่นกลับมาเป็น
    คั้นบ่เห็นกับตากะว่าบ่เชื่อแล้ว
    แนวคนหนึ่งแบ่งสองซีกห้องใจให้ไผ๋อื่น
    สุดจะฝืนยืนรับรู้ ทำบ่ฮู้ว่าบ่เป็น
    เห็นแก่ใจในมื้อนี้ น้องขอพี่มีใจสอง
    หวังหมายปองคนใหม่ควง ลืมหวงหาน้อทางอ้าย
    ใจสลายแล้วบัดนี้ เฮ็ดใด๋น้อคนดีอ้ายถึงจะเซาส่วง
    เมาหนักน่วงทุกมื้อแล้ว ยังบ่แล้วบ่ลาลืม...


    ...ให้กำลังใจ...จ้า

    ผู้ชายคือเจ้ากินเหล้าบ่คือดอกอ้าย ซั่นเด้เพลงพาว่า
    มื้อนี้หนาหล้าเห็นอ้าย เพพังพ่ายให้แก่เขา
    คือจะอุกอั่งเอ้า มื้อนี้เขามาลาจาก
    ใจพลัดพรากจากบักอ้าย สะลายแล้วบ้อหัวใจ

    อย่าคิดหลายเถ๊าะเด้อจ้า ฟ้ามืดบ่ดนหาย
    สายฝนรินตกกระหน่ำ บ่ทันค่ำฟ้ากะแจ้ง
    แสงสดใสของอรุณฟ้า อาจทำให้ตาอ้ายใสส่อง
    ความหม่นหมองในใจเจ้า อาจหายเศร้าและส่างลืม......

  5. #5
    ม่วนเนาะ อกหักจากไผ๋น้ออ่านแล้วซึ้งหลายค่ะ