กำลังแสดงผล 1 ถึง 10 จากทั้งหมด 10

หัวข้อ: กามเทพตามหารัก...

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา กามเทพตามหารัก...

    กามเทพตามหารัก...
    กามเทพลอยฟ้า สายเมฆาลอยเลื่อน
    เหมือนหอบฮักมาให้น้อง มองแล้วน่าสะออน
    เหลียวเห็นเมฆตั้งก้อน กามเทพเทวา
    คือจั่งตามหานาง ผู้พรากพลอยไกลบ้าน
    ฝากแหน่เด้อองค์เจ้า กามเทพจากคนเหงา เอาฮักอ้ายนี้ไปส่ง แหน่เด้อ
    ไปเซิ่นลงหน้าบ้าน ของน้องผู้อยู่กรุง
    บอกว่าใจอ้ายนี้มุ่ง ฮักห่อแต่เพียงนาง
    บ่มีจางแม่นไกลกัน ผั่นแห่งพันเกาะเกี้ยว
    เหลียวเบิ่งเอาเด้อหล่า กามเทพเพิ่นนำหา โตน้องอย่าลี้ซ่อน
    คันฮักอ้ายให้บังอร ฝากคำจาต่อขี่ฝ่า มาหาอ้ายให้ส่วงใจ แหน่เด้อ หล่าเอ้ย
    กามเทพตามหารัก...กามเทพตามหารัก...กามเทพตามหารัก...

  2. #2
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    แม้นยักษ์ หรือ กามเทพ หล่ะน้อนั้นจ้า
    5555555

  3. #3
    ศิลปิน นักแสดง นักจัดรายการ สัญลักษณ์ของ ดีเจป้านวลม่วนโสตาย
    วันที่สมัคร
    Sep 2010
    กระทู้
    298
    แมนๆๆๆๆๆๆๆๆๆๆๆๆๆๆๆๆๆๆๆๆๆๆๆ

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    หัวอก..กามเทพ..

    วาสนาซาตาข่อย ต้องมาคอยปั้นแต่ง
    หน้าที่แผลงศรรัก ปักใจให้เคียงคู่
    อดสาบู๋หม่นขี้ฝ่า อดสาผ่าแดดลมฝน
    อดสาทนเปียกปอน อดหลับนอนกะปานนั้น
    สร้างสัมพันธ์ขันแหน่น สายแนนได้น้าวจ่อง
    เสียงเรียกร้องฮ้องเอิ้น ซ่อยแน่เถิ่น..ได้เซิ่นมา
    คำผญาคือเมล์น้อย คอยส่งความคิดถึง
    ให้สาวหนึ่งทางแดนไกล จักสาวได๋บ่ไขแจ้ง
    ว่าคำแพงคนมาดมุ่ง อยู่เมืองกรุง พะนะว่า
    อยู่ราชภัฎละหวา หรือว่าคนที่อยู่คุ้ม ปทุมฯไท้ชื่อหอม
    จำใจยอมทำหน้าที่ เป็นไปรษณีย์หอบสาร์นส่ง
    ถึงอนงค์นารถน้อย คนที่ร้อยกว่าเทิน
    ตั้งแต่เซิ่นส่งสาร์นเจ้า บ่ทันได้เหล้าขาวพอกั๊ก
    เพิ่นว่าคนนั้นกะมัก คนนี้กะมักคักแท้ คนที่เมื่อยแอ้แล้..นั้นแม่นผม....


    กามเทพส่งสาร์นให้หลายหม่อง อย่าลืมค่าจ้างเด้อ..ทันได้ยุเด่ะ..ฮ่าๆๆๆ

  5. #5
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    296
    กามเทพ นิแม้นเพิ่นกิน KFC กับ เหล้าขาว แม้นบ้อจ้า
    55555สิได้เอาไปส่งถืก เผื่อคนถืกแผลงศร กะเจ้าบ่เอาไปส่งจ้า

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    เครื่องเซ่นกามเทพ

    กามเทพมาทวงหนี้ มามาตี้บ่เคยเกี่ยง
    ฮอดสิพาไปเลี้ยง คันท่านเซิ่นมา
    แนวท่าใหญ่เซิ่นเทิงฟ้า ยามเฮาเฮียกบ่สนใจ เนาะ 555
    อยากแนวกินอันใด๋ สิทอดเทถวายเจ้า
    มีเทิงเบียร์เทิงเหล้า หลายแนวแล้วแต่เลือก
    เทิงหมูเห็ดเป็ดไก่พร้อม สนมน้อยนั่งเฮียง
    เจ้าเตี่ยงเหลี่ยง อยากมีสาวนั่งเฮียง มาแมะอย่ามัวเซิ่น
    แก้มเปิ่นเวิ่นข่อยเตรียมไว้ท่าแล้ว ไหมไทยพุ้นจั่งพ้อกัน เนาะ 5555 ฮิ้ว ๆๆๆๆๆๆ
    :l-เครื่องเซ่นกามเทพ:l-

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ฝนบอลาฟ้าบอแจ้ง กามเทพจำแลง แผงศรซี้กะบอทั่ง
    ศรปลักหักพัง เจิดไปยังต้นไม้ ทางปลายนั่นหย่อหยอน
    หยังสิปักได้ฮักซ้อน ศรบอแม่นเอาปานได บอปักใจเข้าในทรวง
    ได้ล่วงเลยไปเกยไม้ ความพอใจอยากกอดเกี้ยว เป็นเกรียวก่อต่อสมาน
    แต่บอหานสิฝืนดวง ได้แต่ทวง อยู่บอเว้น อ้ายเอ้ยยยยยย

    มาขอแจม แนเนาะจ้า จั๊กไปแนวไดบุ๊ อิอิอิอิ แหล่งแหง่งๆยุ

  8. #8
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    แนวสังเวย..กามเทพ..

    มาเว้าถืกคิงแท้ มีเทิ่งแนวแก้แนวกอด
    เพิ่นสิทอดเทถวาย จนถืกใจเทื่อนี้
    ให้อิหลีติท่าน อย่าหลอกกันหรือตัวะตื่ม
    ย่านแต่ลืมบาดเว้า ยามคะเจ้าสมหวัง
    แม่นอิหยังสิเทให้ แนวอยากได้มีเพียงหนึ่ง
    คือผู้สาวตาหวานซึ้ง ลูกท่านพ่อใหญ่เสือ
    มานั่งเฟือเฟียข้าง ทางใจคือสิอุ่น
    เอนกายหนุนตักน้อง มือค้องโอบแอว
    จ้องตาแป๋วแนมหน้า ดอกมันปลาหอมฮ่วน
    คือสิสุขอยู่ล้วน มะโนชื่นรื่นภิรมย์..แท้แหล่ว...555



    ...กล้าให้บ่แนวนี้...อิอิ

  9. #9
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    บ่แม่นพระเวสเด้อคน555

    หา หา หา ซ่างมาเว้า เซา เซา เซา บ่เข้าท่า ดอกท่านเอ้ย
    สิมาขอดอกมันปลา ปาดถีโธ ซ่างสิเว้า เซาแมะ เจ้าอย่าแหล
    ขอแนวอื่นอาจสิมีหม่องแก้ หาสู่ให้สมหวัง อยู่ดอก
    ซังแนวเดียวโงมาขอ ผู้ข่อยแพงปานนางฟ้า
    แนวว่าโตของข้า ปุถุชนธรรมดา บ่อาจลาแนวยึดเหนี่ยว
    มีคนเดียวยังฮักติดยึดมั่น บ่ลาร้างห่างมะโน
    โพธิสัตโต เวสันดรซาติซั้น ได้ทานทอดองค์มัทรี
    ให้กับพราหมณ์องค์อินทร์ ผู้แผลง ลงมาแกล้ง
    ขอเอานางมัทรีน้อง มเหสีผู้ฮักฮ่วม
    ไปจากอกท่อนไท้ แป๋ตายเมี้ยน เพิ่นกะทน
    แต่ว่าตนของข่อย บ่ขอยอมถวายทอด ให้ดอก
    คันเว้าอีกบาดนี้ ถวายแท้ ปืนลูกซอง555
    บ่แม่นพระเวสเด้อคน555
    บ่แม่นพระเวสเด้อคน555บ่แม่นพระเวสเด้อคน555บ่แม่นพระเวสเด้อคน555
    แก้ไขครั้งสุดท้ายโดย หนุ่มหน้าลาว; 16-07-2011 at 21:25.

  10. #10
    ศึกษาหาความรู้
    วันที่สมัคร
    May 2010
    กระทู้
    23
    กามเทพหลอกลวง คือคน เว้านั่นล่ะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •