กำลังแสดงผล 1 ถึง 8 จากทั้งหมด 8

หัวข้อ: ผญ๋าหยอก "ฝากให้ผุลางคน" ค่ะ (ขำๆ)

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    ผญ๋าหยอก "ฝากให้ผุลางคน" ค่ะ (ขำๆ)

    โอ้น้อ เจ้าผู้หงส์เหิรฟ้า ปานดาราพันล้าน
    สาวจมูกบานคือนาง อ้ายสิค้องแขนบ่....น้อ
    คนรูปหล่อคืออ้าย กายไปไสคนกะส่า
    สาวปากหนาตาตีบพร้อม ทั้งขาก้อมได้เหลียวนำ
    อยากย่างนำตามก้นอ้าย แต่อยากอายย่านคนว่า
    วาสนาโตต่ำเตี้ย อยากเฟียข้างอ้ายบ่แล
    สีกะเทิ่งดำเทิ่งแหล่ อ้ายบ่แลตาเขียวใส่
    สาวบ้านไกลเอาไปจ้อย จั่งแม่นข่อยนี้ตรอมตรม
    อยากสิงมเป็นบาทรับใช้ ชายผุไคไฉนเป็นลายต่าง
    หุ่นสรรพพรางค์คือบั้ง สั่งลาแล้วบ่อาจฝืน อ้ายเอ้ย





    หมายเหตุ ผญ๋าบทนี้ข้าวต้มมัดแต่งประชดผลงานของตนเองในเวฟฮีตอีสาน
    "ในบท ลองเบิ่ง แซวผุบ่าวม่วนๆ" ผุงามหลายค่ะคนแย่งกันจีบชื่อ"จรนา "
    แก้ไขครั้งสุดท้ายโดย ข้าวต้มมัด; 03-08-2011 at 06:47.

  2. #2
    ศึกษาหาความรู้ สัญลักษณ์ของ esannot
    วันที่สมัคร
    Mar 2010
    กระทู้
    179
    555 ข้าวต้มมัด พญ๋าเผิ่นแมะ คือสิเป็นตาอกหักคักแท้หละครับ

  3. #3
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    555..เว้ากันไปน้อเจ้ผญาขำๆ..555

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    555+esannot คนผู้ฮ้ายเนาะจ้า บ้านมหานี้สงสัยสิอกหักอีหลียุบ้านฮีตมีคนอยากได้ไปเป็นศรีภรรยายุจ้า ท่าเบิ่งนางเอกสิตอบรับว่าได๋จ้า


    5555+น้องสหายพง บ่อยากเป็นดาราพันล้านให้เอื้อยแน่ติ ม่วนคักๆๆๆๆ

    อย่าถือสาเด้อแต่งให้อ่านม่วนๆๆจ้า
    แก้ไขครั้งสุดท้ายโดย ข้าวต้มมัด; 03-08-2011 at 16:21.

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อิอิอิเข้าท่าดีจ้าลูกข้าวต้มมัดจ๋า มาๆให้แม่ฝากหยอกผุลางคนนำแน



    โอน้ออ้ายเอ้ย วาสนาคนซ่ำน้อง ซายบอมองว่าขี้เหล่
    ขากะเป๋โตกะเตี้ย ดำปี้ปานหมื่ปืน สาวคนอื่นเพินนั่นโก้
    โตขาวปานกระดาษ วาสเอ้ยวาดซ่ำน้อง หาซายข่องกะบอมี
    ย้อนเกิดมาโตดำปี้ ขี้ฮ้ายแฮงกว่าบ้านเพิน ยามหย่างเดินไปใสนั่น
    พอปานแห้งกลิ่นโต อิอิอิอิ

    น้องเป็นแนวเหม็นเหม่น สิเหม็นกุ๋ยเทิ้งกระดูก
    คั้นอ้ายผูกฮ้กซ้อน ไปเฮียงข้างย้านแต่เหม็นนั่นแหล่ว อ้ายเอ้ย
    แก้ไขครั้งสุดท้ายโดย chudhancock; 03-08-2011 at 16:57.

  6. #6
    แบ่งปันความรู้และประสบการณ์
    วันที่สมัคร
    May 2009
    กระทู้
    62
    โอ้น้อ อ้ายคือหงส์เหิรฟ้า ปานดาราพันล้าน
    เบิ่งสะอาดสะอ้าน แต่หัวล้านเอาบ่หล้า... 555+

    ม่วนอีกแล้วครับ..

  7. #7
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อิอิ คุณแม่ป้าลำซิ่ง แต่งม่วนยุแล้วจ้า

    ตอบบ่าวสตึกจ้า

    โอน้อ พ่อรูปหล่อคนหัวล้าน ได้จาต้านเว้าต่อ
    อยากอายน้อสาวเตี้ย ย่านบุญน้องนี้บ่ถึง
    อกกะตึงตัวสั้น ตัวตันเตี้ยตื่ม
    ขากะทึม อยากยืมอ้ายหัวล้าน ควงแขนผ่านบ้านมหา เบิ่งเด้



    น้านๆๆๆๆ55555555+ม่วนๆค่ะแซวเล่น

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อิอิอิ ลูกข้ามต้มมัดจ๋า แม่กะเว้าไปตามแนวกลอนนั่นหล่ะจ้า ม่วนยุบ้อลูก



    โอยน้ออ้ายเอ้ย อันว่าโตน้องนี่ บ้านนั่นอยู่ทางหัวหนอง
    หัวกะหยองผมฟู หุ่นคือหมูพุ้นเด๊อ้าย แถมดำหลายขี้ไคค้าง
    เทิ้งดำด่างบอมีดี ย้านอ้ายติว่าบองาม ฮูปกะทำเป็นแนวนี่
    หน้าซีฮีปานผีก้อม ขากะขอมบัดยามหย่าง ย้านอ้ายซัง บอสมหน้า
    ปานผีบ้า พุ้นหล่ะเด้อ อิอิอิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •